adverise with khmeread 1

សាំ​យ៉ុងបុកតា​កូ​ម៉ាជ្រុលទៅបុកម៉ូតូ ២ ទៀតនៅត្បូងឃ្មុំ

    ​ត្បូងឃ្មុំ ៖ មានគ្រោះថ្នាក់ចរាចរណ៍ រវាង រថយន្ត និង រថយន្ត និង​ម៉ូតូ ០២ គ្រឿង កាលពីវេលា​ម៉ោង​១១ និង៤០​នាទី ថ្ងៃទី២២ ខែកញ្ញា ឆ្នាំ២០១៦ នៅ​លើ​ផ្លូវជាតិ​លេខ ៧ ត្រង់ចំណុច​ចន្លោះ​បង្គោលគីឡូម៉ែត្រ​លេខ ២១១-២១២ ស្ថិតនៅ​ភូមិ​រោងចក្រ​ស្ករ ឃុំ​ត្រ​មូង ស្រុក​មេមត់ ខេត្ត​ត្បូងឃ្មុំ។​

    ប៉ូលិសនិយាយថា ​រថយន្ត​ម៉ាក តា​កូ​ម៉ា ពណ៌​ខ្មៅ ពាក់​ស្លាក លេខ 2W.3071 បើ​កបរ​ដោយ​ឈ្មោះ​ ត្រេង សុខ​ជា ភេទ​ប្រុស អាយុ ៥៧ ឆ្នាំ ជាតិខ្មែរ រស់នៅ​ភូមិ​ដេ​អេ ឃុំ​ពូ​ជ្រី ស្រុក​ពិ​ជ្រា​ដា ខេត្ត​មណ្ឌល​គី​រី (​របួសស្រាល​) បាន​ដឹក​ឈ្មោះ ទូច ភេទ​ប្រុស អាយុ​ ៤២ ឆ្នាំ ជាតិខ្មែរ រស់នៅ​ភូមិ​បារាយ ឃុំ​ឈូក ស្រុក​ក្រូចឆ្មារ ខេត្ត​ត្បូ​ង​ឃ្មុំ (​របួសស្រាល​)។​ បើ​កបរ​ពី​ទិស​ខាង​លិចទៅ​ទិស​ខាង​កើ​ត​ហើ​យ​បាន​បត់​មក​ខាងឆ្វេង ​(បត់​ចូល​ចាក់​ប្រេង នៅ​ខាងជើ​ង​ផ្លូវ​) ហើយត្រូវ​រថយន្ត​ម៉ាក សាំ​យ៉ុង​បើកបរ​ពី​ទិស​ខាង​កើតទៅ​លិច (​ទិសដៅ​បើ​កប​រ បញ្ច្រាស់ទិស​គ្នា) បុករុញ​ហើយ​ទៅបុក ​និង​ម៉ូតូ​ចត​ស្ងៀម​នៅមុខផ្ទះ​ខាង​ជើ​ង​ផ្លូវ។​

    ប៉ូលិសបន្តថា ​ក្រោយពេល កើ​ត​ហេតុ មាន​ម៉ូតូ​ ០១​ គ្រឿង​មក​ឌុប​យកអ្នកបើកបរ រថយន្ត​ម៉ាក​សាំ​យ៉ុង ពណ៌​ស្លែ ពាក់​ស្លាក​លេខ 2Y.8402ទៅ​បាត់ (មិនស្គាល់ឈ្មោះ)។​

    ចំណែកម៉ូតូរងគ្រោះ​ចំនួន ០២ គ្រឿង​ទៀត​ដែល​ចត​នៅមុខ​ផ្ទះ​៖ ទី១-​ម៉ូតូ​ម៉ាក ឆា​លី ពណ៌​ខៀវ  ពាក់​ស្លាក​លេខ ប 7929 ភ ព​1 និងទី២-​ម៉ូតូម៉ាកវ៉េវ​អេស ពណ៌ខ្មៅ គ្មាន​ស្លាក​លេខ ជាក​ម្មសិ​ទ្ធ របស់​ឈ្មោះ ស្រ៊ុន ម៉េង​ឆាយ ភេទ​ប្រុស អាយុ​ ៤០ ឆ្នាំ ជាតិខ្មែរ រស់នៅ​ភូមិ​រោងចក្រ​ស្ករ ឃុំ​ត្រ​មូងស្រុក​មេមត់ ខេត្ត​ត្បូ​ង​ឃ្មុំ។​

​    អ្នករបួស​ទាំងពីរ​នា​ក់​ខាង​លើ​ត្រូវបាន​យកទៅ​ស​ង្គ្រោះ​ព្យាបាល​នៅ​មន្ទីរពេទ្យបង្អែក​ស្រុក​មេមត់។​ ខូចខាត​រថយន្ត​ ០២ ​គ្រឿង​ និងម៉ូតូ​ ០២ គ្រឿងកំរិតធ្ងន់។​

    បច្ចុប្បន្ន វត្ថុតាង រថយន្ត ០២ ​គ្រឿង​និង ម៉ូតូ​ ០២ គ្រឿងត្រូវ បាន​យកមករក្សាទុក​នៅ​អធិការដ្ឋាន​នគរបាល​ស្រុក​មេមត់ ដើម្បី ចងក្រង​សំណុំរឿង​តាម​នីតិវិធី៕​

adverise with khmeread

មតិយោបល់