1

​ញាក់សាច់​! អ្នកនយោបាយ​ហ្ស​ក​ហ្ស៊ី​ពីរ​នាក់​វ៉ៃ​គ្នា​ដូច​អ្នក​ប្រដាល់​ពេល​កំពុង​ផ្សាយ​ផ្ទាល់​តាម​ទូរទស្សន៍​ក្នុង​កម្មវិធី​តស៊ូ​មតិ​

​    ​អំពើហិង្សា​មួយ​បាន​ផ្ទុះឡើង​អំឡុង​ការផ្សាយ​ផ្ទាល់​តាម​ទូរទស្សន៍​រវាង​អ្នកនយោបាយ​ពីររូប​ក្នុងប្រទេស​ហ្ស​ក​ហ្ស៊ី ខណៈ​ភាព​តានតឹង​បាន​កើនឡើង​ជុំវិញ​ការបោះឆ្នោតជាតិ​ខាងមុខនេះ​។​

​    ​ការ​ប៉ះ​ទ​ង្កិ​ច​គ្នា​ដោយ​ហិង្សា​រវាង​លោក Vepkhia Gurgenishvili មកពី​គណបក្ស​ចលនា​ប្រជាធិបតេយ្យ និង​លោក Polad Khalikov មកពី​ប្លុក​នយោបាយ​និយម​ខាង​ឧស្សាហកម្ម ត្រូវបាន​ក្រុម​កា​ងារ​នៅ​ទូរទស្សន៍ Qvemo Kartli TV ចូល​បំបែក​។​

​    ​ការតស៊ូ​មតិ​ដ៏​ក្តៅគគុក​រវាង​អ្នក​ទាំងពីរ​នៅលើ​កម្មវិធី​ជជែក​វែកញែក​បាន​នាំឱ្យ​លោក Gurgenishvili ហៅ​លោក Khalikov ថា "​អា​អត់​ប្រយោជន៍​" ហើយ​ត្រូវ​លោក Khalikov ឆ្លើយតប​វិញ​ដោយ​គប់​ប៊ិក​ដាក់​កណ្តាល​មុខ​។​

​    ​បន្ទាប់មក លោក Gurgenishvili បាន​ងើបឈរ ហើយ​បើទោះជា​មានការ​រារាំង​ឱ្យ​គាត់​អង្គុយ​ចុះ ក៏​លោក​នៅតែ​ដើរទៅរ​កលោក Khalikov ហើយ​ដាល់​ពីរ​ដៃ​ទៀតផង​។ ខណៈ​អ្នក​ទាំងពីរ​វ៉ៃ​គ្នា អ្នក​ផលិត​កម្មវិធី​បាន​ចូលខ្លួន​បំបែក​ការប្រតាយប្រតប់​នេះ​។​

​    ​យោងតាម​ព័ត៌មាន​ក្នុងស្រុក​បានឱ្យដឹងថា សមាជិកសភា​ទាំងពីរ​រូប​បាន​ចាក​ចេញពី​ការជជែក​នេះ​ជាមួយ​ស្នាម​បែក​មាត់ និង​ចិញ្ចើម​៕

 

ប្រភព៖ Independent

អ្នកនឹងចូលចិត្ត

មតិយោបល់