adverise with khmeread 1

​អ្នកស្រុក​នៅ​កូ​ឡុំ​ប៊ី​ជឿថា កប់​ក្មេងស្រី​ជំទង់​ដែល​ឈឺ​ខ្នង​ខ្លាំង​ដោយសារ​រន្ទះបាញ់ អាចជា​សះស្បើយ​!

​    ​ក្មេងស្រី​វ័យ​ជំទង់​ម្នា​ក់បាន​យល់ព្រម​កប់​ខ្លួន​ទាំង​រស់​ដើម្បី​ព្យាបាល​ឈឺ​ខ្នង​ដ៏​ចុកចាប់​របស់​នាង​បន្ទាប់ពី​នាង​ត្រូវបាន​រន្ទះបាញ់​។​

​    ​កញ្ញា Ana Ballesteros វ័យ ១៨ ឆ្នាំ​ត្រូវបាន​កប់​ត្រឹម​ក​របស់​នាង​រយៈពេល​បី​ថ្ងៃ​ក្នុង​មួយ​សប្តាហ៍​នៅក្នុង​សួនច្បារ​របស់​នាង​។ សាច់ញាតិ​របស់​នាង​ជឿថា ការធ្វើ​បែបនេះ​នឹង​ទាញ​ថាមពល​រន្ទះបាញ់​ចេញពី​ខ្លួន​របស់​នាង​។​

​    ​នាង​ក៏​ធ្លាប់​ត្រូវបាន​ព្យាបាល​នៅ​មន្ទីរពេទ្យ​ដែរ ប៉ុន្តែ​នៅតែ​ឈឺ​ខ្នង ហើយ​ធ្វើឱ្យ​នាង​ដើរ​មិន​ដូច​ពីមុន​។​

​    ​នាង​បាន​និយាយថា "​គ្រូពេទ្យ​គិតតែ​រក​ថ្នាំ​ព្យាបាល ប៉ុន្តែ​មិន​រក​វិធី​ព្យាបាល​ជំងឺ​ដោយសារ​រន្ទះបាញ់​នេះ​ទេ​។ ខ្ញុំ​ដឹងថា ចូលទៅក្នុង​រណ្តៅ​នេះ​នឹងធ្វើ​សភាព​ជំងឺ​របស់ខ្ញុំ​ប្រសើរ​ជាង​មុន ព្រោះនេះ​ជា​វិធី​ចាស់​បុរាណ​"​។​

​    ​រីឯ​យាយ​របស់​នាង​ឈ្មោះ Blanca de la Rosa បាន​និយាយថា "​អ្វីដែល​យើង​កំពុង​ធ្វើ​នេះ​គឺ​ដើម្បី​ដក​ភ្លើង​ចេញពី​រន្ទះ និង​កម្តៅ​ចេញពី​ថាមពល​រន្ទះ​"​។ ចំណែក​អ្នកស្រី Milena ដែល​ត្រូវជា​ម្តាយ​បាន​បន្ថែមថា "​អ្នកស្រុក​បាន​ប្រាប់​ខ្ញុំ មុននឹង​ខ្ញុំ​នាំ​កូន​របស់ខ្ញុំ​ទៅ​ពេទ្យ​ថា យើង​គួរតែ​កប់​នាង​ទៅ​ល្អ​ជាង​ព្រោះ​ដើម្បី​យក​ថាមពល​រន្ទះបាញ់​ចេញ​"​។​

​    ​យ៉ាងណាក្តី គេ​នៅ​មិនទាន់​ដឹង​នៅឡើយ​ថា​តើ​វិធី​នេះ​បាន​ជួយ​នាង​ឱ្យ​ប្រសើរ​ជាង​មុន​ឬ​យ៉ាងណា​។​

​    ​រីឯ​គ្រូពេទ្យ​ម្នាក់​ដែល​ធ្វើការ​ក្នុង​គ្លីនិក​មួយ​ក្នុង​ទីក្រុង Monteria ប្រទេស​កូ​ឡុំ​ប៊ី​បាន​ទទួលស្គាល់ថា មាន​វិធី​បុរាណ​ជាច្រើន​ដើម្បី​ព្យាបាល​ជំងឺ​ដោយ​រួមបញ្ចូល​ទាំង​ការ​កប់​ខ្លួន ប៉ុន្តែ​គាត់​បាន​បន្ថែមថា "​គ្មាន​ភស្តុតាង​វិទ្យាសាស្ត្រ​ណាមួយ​ដែល​អះអាងថា ការ​កប់​អ្នកជំងឺ​ដែល​ត្រូវបាន​រន្ទះបាញ់ ជួយ​ឱ្យ​ធូរស្បើយ​ឡើង​នោះទេ​"៕

ប្រភព៖ Mirror

adverise with khmeread

អ្នកនឹងចូលចិត្ត

មតិយោបល់