adverise with khmeread Unnamed %284%29

ជន​ជាតិចិន​ស្រវឹងស្រា​ចូល​ម៉ាស្សា​ឃើញ​នារី​ស្អាត​ទ្រាំ​មិនបាន​ចាប់រំលោភ​តែ​មិនបាន​សម្រេច​

    ភ្នំពេញ ៖ បុរស​ជនជាតិ​ចិន​ម្នាក់​ក្នុងចំណោម​បក្ខពួក​២​នាក់​ស្រវឹងស្រា​ចូល​ម៉ាស្សា ហើយ​នៅពេល​រួចរាល់​ឃើញ​នារី​ម៉ាស្សា​សាច់​សខ្ចី​ទ្រាំ​មិនបាន ខ្ទប់មាត់​សម្រាត​ខោអាវ​បំណង​ចាប់រំលោភ តែ​មិនបាន​សម្រេច​ដោយមាន​គេ​មក​ទាន់។​

    ហេតុការណ៍​នេះ​បង្ក​ការភ្ញាក់ផ្អើល​កាលពី​វេលា​ម៉ោង​១១ ​និង​៣០​នាទី​យប់​ថ្ងៃទី​២៥ ខែកញ្ញា ឆ្នាំ​២០១៦ នៅ​ចំណុច​ហាង​ម៉ាស្សា​យីហោ​ឡូ​ទូ​ស ស្ប៉ា ​និង​សាឡ​ន ខាងត្បូង​វិទ្យាល័យ​បឹង​កេងកង តាម​បណ្តោយ​ផ្លូវ​លេខ​៣៩២ ស្ថិតក្នុង​សង្កាត់​បឹង​កេងកង​ទី​១ ខណ្ឌចំការមន។​

    ប្រភពព័ត៌មាន​ពី​បុគ្គលិក​ដែល​ធ្វើការ​នៅ​ទីនោះ​បានឱ្យដឹងថា ដំបូង​មាន​ជនជាតិ​ចិន​២​នាក់ បានមក​ម៉ាស្សា​នៅក្នុង​ហាង​ខាងលើ​ទាំង​ស្ថានភាព​ស្រវឹង​ដោយបាន​ចែក​បន្ទប់​ពី​ផ្សេង​ពីគ្នា។ ​នៅពេល​ម៉ាស្សា​រួច​នារី​បម្រើការ​បាន​ចូលទៅ​លាងដៃ​ក្នុង​បន្ទប់ទឹក។ ​ពេលនោះ​ជនជាតិ​ចិន​ដែលមាន​អាកា​រៈ​ស្រវឹងស្រា​ជោគជាំ បាន​ចូល​ទៅតាម​ពីក្រោយ​ដោយ​យកដៃ​ខ្ទប់មាត់ និង​ចាប់​សម្រាត​ខោអាវ​ចេញ​បំណង​ចាប់រំលោភ​។ ប៉ុន្តែ​នាង​មិន​ព្រម​ដោយបាន​ប្រតាយប្រតប​គ្នា​រហូត​ឮ​ដល់​អ្នក​នៅ​ខាងក្រោម​។​

    ប្រភព​បន្តថា បន្ទាប់​ឮ​សម្លេង​ក្តុងក្តាំង​ពី​ក្នុង​បន្ទប់ អ្នក​នៅក្នុង​ហាង​ទាំងប្រុស​ទាំងស្រី​បាននាំគ្នា​ស្ទុះ​ឡើងទៅ​មើល ក៏​ស្រាប់តែ​ឃើញ​ជន​ជាតិចិន​ម្នាក់​នោះ​ស្រាត​ខោអាវ​ចេញ​រៀបនឹង​ចាប់រំលោភ​ទៅហើយ ទើប​នាំគ្នា​ចាប់​ជនជាតិ​ចិន​ម្នាក់​នោះ និង​ជួយ​សម្រួល​ដង្ហើម​ដល់​នារី​រងគ្រោះ​ដោយសារ​ត្រូវគេ​ខ្ទប់មាត់​យូរពេក​។​

    បន្ទាប់ពី​កើតហេតុ​ភាគី​បុរស​ជនជាតិ​ចិន និង​ជនរងគ្រោះ បានធ្វើការ​សម្របសម្រួល​គ្នា ដោយ​ជនបង្ក​សុំទោស និង​សុខចិត្ត​សង​ថ្លៃ​ជំងឺ​ចិត្ត​ទៅ​នារី​រងគ្រោះ​ដោយ​មិន​ចង់​មានរឿង​វែងឆ្ងាយ តែ​មិនបាន​ជាប់​លុយ​មក​ក៏​ឱ្យ​មិត្ត​ភក្តិ​ទៅយក​លុយ។​

    ខណៈ​នាំគ្នា​អង្គុយ​រង់ចាំ​មិត្ត​ភក្តិ​របស់​ជនជាតិ​ចិន​យកលុយ​មក​នោះ ស្រាប់តែ​ជនបង្ក​បាន​រត់​ចេញពី​ក្នុង​ហាង​ម៉ាស្សា​បំណង​គេចខ្លួន។​ ​ប៉ុន្តែ​មកដល់​ចំណុច​មុខ​សណ្ឋាគារ​ផាម​ទ្រី បាន​ទាក់​ជើង​ដួល​ក៏ត្រូវ​អ្នកធ្វើការ​ក្នុង​ហាង​ដែល​ដេញតាម​ពី​ក្រោយ​ចាប់បាន​មកវិញ និង​បាន​ទំនាក់​ទង​មក​សមត្ថកិច្ច​។​

    ក្រោយមក​សមត្ថកិច្ច​ក៏បាន​យក​ជនបង្ក​ទៅ​កន្លែងកើតហេតុ​វិញ ហើយ​មួយសន្ទុះ​ក្រោយមក​មិត្ត​ភក្តិ​មកដល់​ដើម្បី​ធ្វើការ​សម្របសម្រួល​ជាមួយ​ភាគី​រងគ្រោះ ដោយ​មិន​រំខាន​ដល់​សមត្ថកិច្ច។ ​ក្នុង​រឿងនេះ​ក៏​មិនបាន​ដឹងថា​ភាគី​ទាំង​២​សម្របសម្រួល​គ្នា​យ៉ាងណាដែរ ដោយ​មិនមាន​នរណាម្នាក់​បង្ហើប​ប្រាប់​នោះទេ គ្រាន់តែ​ដឹងថា​ភាគី​ខាង​រងគ្រោះ​ទាមទារ​សង​ជម្ងឺ​ចិត្ត​៥០០​ដុល្លារ៕

adverise with khmeread

មតិយោបល់