នាងយុង​ ចាន់កន្និកាអរគុណ Khmeread

    បន្ទាប់ពី ​Khmeread ​បាន​ចុះផ្សាយ​អត្ថបទ​របស់​អ្នកនាង​យុង កន្និកា​បកស្រាយ​អំពី​ការបាត់​ខ្លួន​បងស្រី​របស់​នាង​ដែល​កំពុង​សម្តែង នៅលើ​ទឹកដី​សហរដ្ឋអាមេរិក​រួចមក កន្និកា​បាន​ថ្លែង​អំំ​ណរ​គុណ​ដល់​ខ្មែរ​រីដ ដែល​បាន​ជួយ​បំភ្លឺ​បន្ថែម​និង​សរសេរ​ប្រកបដោយ​វិជ្ជាជីវ​:​សារព័ត៌មាន​ពិតប្រាកដ ។​


     នៅក្នុង​អា​ខោ​ន​ហ្វេ​ស​ប៊ុ​ក​របស់​នាង​ឈ្មោះ​ Yung Chan Kanika​ បានសរសេរថា "​សូម​អរគុណ​ដល់ ​Khmeread​ ដែល​ជួយ​បំភ្លឺ​បន្ថែម​និង​សរសេរ​ដោយ​ពោរពេញ ដោយ​វិជ្ជាជីវ​:​អ្នកសារព័ត៌មាន​ពិតប្រាកដ ក្រោយ​ភ្លៀង​មេឃ​នឹង​ស្រឡះ អ្វីៗ​នឹង​ល្អ​វិញ​នៅ​ថ្ងៃស្អែក​..."​។​


    រហូតមកដល់​រសៀល​ថ្ងៃទី​១០​មករា​ឆ្នាំ​២០១៦​នេះ ព័ត៌មាន​ស្តីអំពី​ការបាត់​ខ្លួន​បងស្រី​របស់​នាង គឺ​នាង​យុង ចាន់​សុធាវី នៅ​ពុំទាន់​មាន​ដំណឹង​ថា "​បានរ​កនាង​ឃើញ​ឬ​នៅ​?  ឬក៏​រក​មិនទាន់​ឃើញ​នោះទេ​" ។​


    គួររំលឹកថា នា​ព្រឹក​ថ្ងៃទី​៩​មករា​ឆ្នាំ​២០១៦​ខ្មែរ​រីដ​បាន​រកឃើញ​ឃ្លី​ប​វីដេអូ​របស់​នាង​យុង ចាន់​កន្និកា ដែលមាន​រយ​:​ពេល ១២​នាទី​ធ្វើការ​បកស្រាយ​ពី​ការបាត់​ខ្លួន​បងស្រី​របស់​នាង​ស្របពេល​ម្តាយ​របស់​នាង​កំពុង​ឈឺ​ផង ធ្វើ​ឲ្យ​នាង​មានការ​ព្រួយ បារម្ភ​ជាខ្លាំង​ទាំង​ម្តាយ​ទាំង​បងស្រី​ដែល​បាន​បាត់​ខ្លួន​នៅលើ​ទឹកដី​អាមេរិក​នោះ​។​


    បន្ទាប់ពី​បានឃើញ​ឃ្លី​ប​វីដេអូ​នេះ លោក​សុះ ម៉ាច ប្រធាន​សមាគម​សិល្បក​រ​ខ្មែរ​ប្រតិកម្ម​ឆ្លើយតប​ជាមួយ​នាង​កាលពី​វេលា​ម៉ោង​ប្រមាណ​ជាង​៣​ទៀបភ្លឺ​ថ្ងៃទី​៩​មករា​ឆ្នាំ​២០១៦​ដោយបាន​លើកឡើងថា នាង​យុង បាន់​សុធាវី បាន​រត់គេច​ទៅវិញ ហើយ​លោក​ថា​មាន​ទាំង​ភស្តុតាង​ថែមទៀត ប៉ុន្តែ​ត្រូវបាន​អ្នកនាង​កន្និកា​បដិសេធ ដោយ​សូម​ឲ្យ​ប្រើពាក្យ​ថា​"​បាត់​ខ្លួន​"​វិញ ។​


    យោងតាម​ការបកស្រាយ​របស់​អ្នកនាង​កន្និកា ក្នុងដំណាក់កាល​ដំបូង​នេះ​នាង​គ្រាន់តែ​ចង់​ឲ្យ​ពុក​ម៉ែ​បងប្អូន​ប្រិយមិត្ត​អ្នក​អ្នកគាំទ្រ​ទាំងអស់​ព្យាយាម​យល់​ហេតុផល​នៃ​ការបាត់​ខ្លួន​របស់​បងស្រី​អ្នកនាង​ផ្ទាល់​ដែល​ក្នុងនាម​ជា​អ្នកសិល្បៈ​មួយរូប​ក៏​មិន​ចង់​ឲ្យ​មានរឿង​បែបនេះ​ដែរ​។​


    អ្នកនាង​បាន​បន្តថា "​បើសិនជា​ការបាត់​ខ្លួន​របស់​បងស្រី​អ្នកនាង​ជាការ​រត់គេច​នោះ​អ្នកនាង​នឹង​ចេញមុខ​សុំទោស រាល់​កំហុសរ​បស់បង​ស្រី​របស់​នាង​ទៅដល់​ពុក​ម៉ែ​បងប្អូន​ទាំងអស់គ្នា ជាពិសេស​អ្នកសិល្បៈ​ដូចគ្នា​ផងដែរ ។ ដូចនេះ​សូម​ផ្តល់​ពេលវេលា​សម្រាប់​ស្វែងរក​ដំណឹង​របស់​បងស្រី​នាង​សិន​"​។​


     នៅក្នុង​វីដេអូ​នោះ​អ្នកនាង យុង ចាន់​កន្និកា ក៏បាន​លើកឡើង​ពី​ឈ្មោះ​របស់ លោក សុះ ម៉ាច ដោយ​អ្នកនាង​លើកឡើងថា "​សូម​គោរព​ជូន​លោកពូ សុះ ម៉ាច ដែលជា​ប្រធាន​សមាគម​សិល្បករ​ខ្មែរ​ដែល​ប្រៀបដូចជា​ឪពុកម្តាយ​របស់​យើងទាំងអស់គ្នា​ដូចនេះ​ខ្ញុំ​សូម​ឲ្យ​លោកពូ​មានការ​គិតពិចារណា​ឡើងវិញ​ហើយ​ជាពិសេស​ឲ្យ​យក​ច្បាប់​មក​និយាយ កុំ​យក​អ្វីដែល​យើង​គិត​ដោយ​ខ្លួនឯង​មក​និយាយ​"​។​


    នាង​បន្តថា "​ជំហាន​ដំបូង​នៃ​ច្បាប់​ទី​១ ទី​២ ទី​៣ បាន​ចារ​នៅក្នុង​ហ្នឹង​ដែល​បងស្រី​ខ្ញុំ​បាន​បាត់​ខ្លួន​ជិត​៤​ថ្ងៃ​ទៅហើយ យើង​អាច​ប្រើ​ភាសា​រត់គេច​មកជា​ការ​បាត់​ខ្លួន​ដើម្បី​ឲ្យ​ស្ងប់​ដល់​អ្នកសិល្បៈ​ទាំងអស់​កុំ​ឲ្យ​មានការ​ឆោឡោ​....."​។​


    ការលើកឡើង​បែបនេះហើយ​ទើប​លោក​សុះ ម៉ាច មានការ​មិន​ពេញ​ចិត្តនឹង​អ្នកនាង យុង ចាន់​កន្និកា ហើយ​បញ្ចេញ​វីដេអូ​ឃ្លឹប​នៅ​ម៉ោង​៣​ទៀបភ្លឺ​ថ្ងៃទី ៩ មករា​នេះ ប្រតិកម្ម​តប​ជាមួយ​នាង ។​


    ទន្ទឹមនឹងនេះ​ផងដែរ កញ្ញា​ប្រិមប្រិយ​ដែល​កំពុង​សម្តែង​នៅ​សហរដ្ឋអាមេរិក​ក៏បាន​បង្ហោះ​វីដេអូ​ឃ្លឹប​មួយ​ផងដែរ ដោយបាន​បកស្រាយ​ថា " នាង​ខ្ញុំ​គ្រាន់តែ​ជម្រាបជូន​នៅ​ព័ត៌មាន​មួយ​នេះ​ថា បងស្រី យុង ចាន់​សុធាវី​មិនបាន​រត់គេច​នោះទេ​យើងទាំងអស់គ្នា​សុទ្ធតែ​មិនទាន់​បានដឹង​ច្បាស់​ថា​ករណី​មួយ​នេះ ដែល​ម្ចាស់ Sponsor ដែល​បាន​ធានា​នាង​(​កញ្ញា​ប្រិមប្រិយ​) បងស្រី យុង ចាន់​សុធាវី និង​ពូ​ក្រិន ដែល​មក​សម្តែង​នៅ​សហរដ្ឋអាមេរិក​នេះ ហើយ​គាត់​បានដាក់​ពាក្យបណ្តឹង ទៅ​ប៉ូលិស​ហើយ​ដើម្បី​ស្វែងរក បងស្រី​យុង ចាន់​សុធាវី​។​


     នាង​ប្រឹម​ប្រិ​យ​បន្តថា ប៉ុន្តែ​មិនមែន​ពាក្យបណ្តឹង​ដែល​បងស្រី​យុង ចាន់​សុធាវី រត់គេចខ្លួន​នោះទេ ព្រោះ​គាត់​បាន​ទៅ​ហាត់ប្រាណ​ដូច​សព្វមួយដង នៅ​ម៉ោង​៧​ឬ​៨ ហើយ​យ៉ាងយូរ​១​ម៉ោង​គឺ​គាត់​ត្រឡប់​មកវិញហើយ ។​តែ​ម្តងនេះ​គឺ​មិនឃើញ​គាត់​ត្រឡប់មកវិញ​នោះទេ​។​ចំពោះ​ម្ចាស់ Sponsor ក៏បាន​សួរ​ទៅកាន់​នាង​ប្រិមប្រិយ​ថា ឯណា​ប្អូន​ធា​វី គាត់​ទៅណា​?


     កញ្ញា​ប្រិមប្រិយ​បន្តទៀតថា កញ្ញា​ក៏​មិន​ដែរ ព្រោះ​កញ្ញា​នៅ​បន្ទាប់​រៀងៗ​ខ្លួន រីឯ Facebook, Line និង​លេខ​ទូរស័ព្ទ​របស់​បងស្រី​យុង ចាន់​សុធាវី​ក៏​មិនអាច​ទាក់ទង​បាន​ទាំងអស់​...​ហើយ​សម្រាប់​សម្ភារៈប្រើប្រាស់​គឺ​នៅផ្ទះ​ម្ចាស់ Sponsor ទាំងអស់​គឺ​បាត់​តែម​នុស្ស​...​។​
     ចំណែក​លោក​សុះ ម៉ាច ប្រធាន​សមាគម​សិល្បក​រ​ខ្មែរ​បាន​បញ្ចេញ​ប្រតិកម្ម​តប​ចំពោះ​វីដេអូ​ឃ្លឹប​របស់​អ្នកនាង យុង ចាន់​កន្និកា ទាក់ទង​នឹង​ការបាត់​ខ្លួន របស់​បងស្រី​របស់​នា​ង​គឺ​នាង​យុង ចាន់​សុធាវី នៅលើ​ទឹក​សហរដ្ឋអាមេរិក​។​


     យោងតាម​សម្តី​របស់​តារាចម្រៀង​ជើងចាស់​លោក សុះ ម៉ាច ដែល​បាន​បកស្រាយ​តាម​ប្រព័ន្ធ​បណ្តាញ​សង្គម Facebook របស់លោក​ផ្ទាល់​លោក​ដែល​ឃ្លី​ប​វីដេអូ​មាន​រយ​:​ពេល​៦​នាទី​៤៧​វិនាទី កាលពី​វេលា​ម៉ោង​៣​និង​១៦​នាទី​ទៀបភ្លឺ​ថ្ងៃទី​៩​មករា បាន​សម្តែង​ការមិន​ពេញចិត្ត​ទៅនឹង​វីដេអូ​ឃ្លឹប​របស់​អ្នកនាង យុង ចាន់​កន្និកា ដែល​លោក​ទទួលបាន​។​


   លោក​សុះ ម៉ាច​បាន​ប្រតិកម្ម​ថា " សូម​អធ្យាស្រ័យ​ផង ខ្ញុំបាទ​មិន​ចង់​តបត ជាមួយ​ប្អូន​យុង ចាន់​កន្និកា ដែលជា​ប្អូនស្រី​របស់ យុង ចាន់​សុធាវី ដែល​កំពុង​បាត់​ខ្លួន​នៅលើ​ទឹកដី​អាមេរិក​ទេ​។ ប៉ុន្តែ​ដោយសារតែ​បានឃើញ​វីដេអូ​ឃ្លី​ប​ប្អូន​យុង ចាន់​កន្និកា ដែល​បាន​បង្ហោះ​ដោយមាន​ឈ្មោះ​របស់ខ្ញុំ​ផង​នោះ​"​។​


     លោក​សុះ ម៉ាច​បន្តថា "​ដោយ​គាត់​បានបង្ហាញ​កាយវិការ​ដោយ​មិនបាន​គិតពិចារណា​! ខ្ញុំ​មិន​ចង់​ឆ្លើយតប​អ្វី​ទេ តែ​នេះ​បើ​ខ្ញុំ​មិន​ឆ្លើយតប​នឹងមាន​ការយល់​ខុស​មកលើ​រូបខ្ញុំ​ដែលជា​ប្រធាន​សមាគម​សិល្បករ​ខ្មែរ​ដែលជា​មនុស្សម្នា​ក់បាន​ស៊ី​ញ៉េ បោះត្រា ដើម្បី​បញ្ជាក់​ទៅ​ស្ថានទូត​អាមេរិក​ថា យុង ចាន់​សុធាវី ជា​សិល្បការិនី​ម្នាក់​របស់​សមាជិក​ក្នុង​សមាគម​សិល្បករ​ខ្មែរ ហើយ​នាង​បានចេញ​សម្តែង​នៅ​ទឹកដី​អាមេរិក ហើយ​ការបាត់​ខ្លួន​របស់​នាង​មិនមែន​ខ្ញុំ​មិនដឹង​នោះទេ​! ខ្ញុំ​បាន​ស៊ើបសួរ​ក្នុង​រយៈពេល​ប៉ុន្មាន​ថ្ងៃនេះ យុង ចាន់​សុធាវី​នៅទីណា​? នៅ​ជាមួយ​នរណា​?"​។​


   ប្រធាន​សមាគម​សិល្បក​រ​ខ្មែរ​រូបនេះ​បន្តថា  បើតាម​មិត្តភក្តិ​របស់លោក​ដែល​រស់នៅ​អាមេរិក​បាន​ឲ្យ​ដំណឹង​ទៅ​លោក​ដោយ​ពួកគេ​បាន​ព្យាយាម​ទំនាក់ទំនង​ជាមួយ​ប៉ូលិស​អាមេរិក​ថែមទាំង​ដឹង​ទាំង​ឈ្មោះ​អ្នក​ដែល​សុធាវី រស់នៅ​ជាមួយ​នរណា​?
​រដ្ឋ​ណា​?​ដោយ​លោក​មិន​បញ្ចេញ​ឈ្មោះថា​នាង​នៅទីណា​?​ជាមួយ​នរណា​ឡើយ​?​ដោយ​ខ្ញុំ​ទុក​កិ​ត្ត​យស​ឲ្យ​នាង ប៉ុន្តែ​យុង ចាន់​កន្និកា ក្នុងនាម​ខ្ញុំ​ជា​ប្រធាន​សមាគម​សិល្បករ​ខ្មែរ ត្រូវ​កែ​ពាក្យសម្តី​និង​កាយវិកា​របស់​នាង តើ​ខ្ញុំ​ចំណាស់​នេះហើយ​ខ្ញុំ​មិន​គិតពិចារណា​ពិតជា​ខុស​ហើយ​?


    លោក​បញ្ជាក់ថា អ្វីដែល​ខ្ញុំ​បានធ្វើ​គឺ​ខ្ញុំ​មាន​មូលដ្ឋាន​របស់ខ្ញុំ​ច្បាស់លាស់ ខ្ញុំ​មាន​
​ភស្តុតាង​និង សាក្សី​ដែល​ជិត​លោក និង​ជាពិសេស​អ្នករស់នៅ​លើទឹក​ដី​អាមេរិក​តែម្តង ។​លោក​បន្តថា បើសិន យុង ចាន់​សុធាវី មិន​បង្កបញ្ហា​គេចវេស​ក៏បាន​បាត់​ខ្លួន​ដោយ​ខណៈពេលដែល នាង​ប្រិមប្រិយ​និង​នាយ​ក្រិន បាន​បំពេញ​កាតព្វកិច្ច​របស់​ខ្លួន​បានល្អ​នៅលើ​ទឹកដី​អាមេរិក​។​


     លោក​លើក​ដូចនេះហើយ​បើសិនជា យុង ចាន់​សុធាវី មាន​បញ្ហា​អ្វី​នោះ ខ្ញុំ​ពិតជា​មានការ​បារម្ភ​ចំពោះ​នាង ចំពោះ​រាងកាយ​របស់​នាង សុខទុក្ខ​របស់​នាង ពីព្រោះ​ខ្ញុំ​ជា​អ្នកធានា ខ្ញុំ​ស៊ី​ញ៉េ​បោះត្រា​ឲ្យ​នាង​បាន​ទៅ​សម្តែង​នៅ​អាមេរិក ហើយ​បើសិនជា​សុខទុក្ខ​នាង​យ៉ាងណា​នោះ តើ​ខ្ញុំ​សប្បាយចិត្ត​ឬទេ​? កន្និកា គួរ​យល់​ក្នុងនាម​ប្អូនស្រី ។​បើសិន​សុធាវី​បាត់​ខ្លួន​ក្នុងន័យ​មួយ​ហេតុផល​ផ្សេង​នាង​ពិបាក​ជាមួយ Sponsor ពិបាក​ក្នុង​ការរស់នៅ​។​នាង​អាច Call មក​ខ្ញុំ​បាន ២៤​ម៉ោង​នាង​អាច​ប្រាប់​ខ្ញុំ​ក្នុងនាម​ជា​ប្រធាន​សមាគម​សិល្បករ​ខ្មែរ​។ មិនគួរ​នាង​បាត់​ខ្លួន​ដោយ​គ្មាន​ផ្តល់ព័ត៌មាន​មក​ឲ្យ​ខ្ញុំ​ក្នុងនាម​ជា​ប្រធាន​សមាគម​សិល្បករ​ខ្មែរ ។ ​នាង​គិត​ឡើងវិញ​ថា តើ​នាង​មានការ​លំបាក​យ៉ាងម៉េច ឬ​Sponsor រំលោភ​លើ​កិច្ចសន្យា​យ៉ាងម៉េច​គួរតែ​ប្រាប់​មក​ខ្ញុំ​ក្នុងនាម​ជា​សមាគម​សិល្បករ​ខ្មែរ​។​


    លោក​បន្តថា ខ្ញុំ​នឹង​និយាយ​ជាមួយ​ពួកគេ កែសម្រួល​ជាមួយ​ពួកគេ មិនត្រូវ​បាត់​
​ខ្លួន​ដោយ​គ្មាន​ដំណឹង​បែប​ឡើយ ហើយ Facebook និង Viber ក៏ Block ទូរស័ព្ទ​ក៏​បិទ​តើ​ក្នុង​ចេតនា​អ្វី​?​។ ប្អូនស្រី​កន្និកា​ប្អូន​ការពារ​ក្រុមគ្រួសារ​របស់​ប្អូន​ជា​សិទ្ធិ​របស់​ប្អូន តែ​ក៏ត្រូវ​ចេះ​ប្រើ​ពាក្យសម្តី​ខ្លះ​ផង ហើយ​បង​មិន​ចង់​តបត​ជាមួយ​ប្អូន​អ្វី​ឡើយ​។​ចំណែក​សំណុំរឿង​របស់​យុង ចាន់​សុធាវី​បង​ក៏បាន​ទទួល​រួចហើយ​ដែល​បងប្អូន​នៅ​អាមេរិក​ទទួលបាន​ពី​ប៉ូលិស​អាមេរិក យុង ចាន់​សុធាវី​នៅទីណា​? នៅ​ជាមួយ​នរណា​? តែ​គេ​ក៏​មិន​អាចធ្វើ​បានឡើយ​ដោយសារ​យុង ចាន់​សុធាវី មាន​ទិ​ដ្ឋ​ការរស់នៅ​អាមេរិក​មិនទាន់​ផុតកំណត់​ដែល​ស្ថានទូត​អាមេរិក​ផ្តល់​ឲ្យ​។​


    ចុងបញ្ចប់​លោក​បញ្ជាក់​ថា "​ខ្ញុំ​មិន​ចង់​តបត​ជាមួយ​ប្អូន​កន្និកា នោះឡើយ ហើយ​អ្វីដែល​ខ្ញុំ​ធ្វើ​គឺ​ដើម្បី​សិល្បករ​ទូទៅ ដើម្បី​ឲ្យ​អ្នកសិល្បៈ​ដទៃទៀត​ទាំងថ្មី​ទាំងចាស់​មានឱកាស​ទៅ​សម្តែង​នៅលើ​ទឹកដី​អាមេរិក​ដើម្បី​អាច​រកប្រាក់​ទ្រទ្រង់​ជីវភាព​គ្រួសារ ហើយ​ប្អូនស្រី​យុង ចាន់​កន្និកា​សូម​ពិចារណា​ឡើងវិញ​រាល់​សម្តី​និង​កាយវិការ​របស់​ប្អូនស្រី​បានធ្វើ​មកលើ​ខ្ញុំ ហើយ​ខ្ញុំ​មិន​ឈ្លោះ​មិន​ចង់​តតាំង​ជាមួយ​ប្អូន​នេះ​ជា​វីដេអូ​ឃ្លឹប​ចុងក្រោយ​របស់ខ្ញុំ​"៕​

 

ជំរាបសួរពុកមែ៉បងប្អូនអស់ សូមមេត្តាជួយshare តៗ គ្នានៅការបកស្រាយពីការបាត់ខ្លួនរបស់បងស្រីនាងខ្ញុំនៅសហរដ្ធអាមេរិចផង និងសូមអោយបងប្អូនសារពត៌មានក្នុងស្រុកទាំងអស់ទំនាក់ទំនងមកនាងខ្ញុំផ្ទាល់បើសិនជាចង់ដឹងច្បាស់នៅករីណីបាត់ខ្លួនរបស់បងស្រីនាងខ្ញុំ យុងចាន់សុធាវីជៀសវៀងនៅការសរសេរខុស លេខទូរស័ព្ទ012265456 012303043 0717817777

Posted by Yung Chan Kanika on Thursday, January 7, 2016
 

សូមទោសសុំឆ្លើយតបនិងបកស្រាយជាមួយប្អូនស្រីយុងចាន់កន្និកាដែលជាប្អូនស្រីរបស់កញ្ញាយុងចាន់សុធាវីបន្តិចហើយព្រោះតែទើបតែឃើញvideo clip របស់ប្អូនស្រី តែសុំមិនបញ្ចេញទាំងងអស់នោះទេដើម្បទុកកិត្តយសអោយអ្នកសិល្បះដូចគ្នាសូមមិត្តជួយពិចារណាផង!clip នេះមិនទាន់ពិស្តាទេ តែអាចនឹងចេញclip ថ្មីបើមានការចាំបាច់ ខ្ញុំនឹងបង្ហាញអោយអស់និយាយអោយអស់តែម្តង!ដោយសាររឿងនេះម៉ោង3.16am ខ្ញុំគេងមិនលក់នៅឡើយនៅពេលប្រពន្ធបង្ហាញvideo clip របស់កន្និ កា!

Posted by Sos Mach II on Friday, January 8, 2016
 

 

Posted by Prem Prey on Wednesday, January 6, 2016

 

Index
adverise with khmeread
Loading ad ...