adverise with khmeread Unnamed %282%29

បុរស​ម្នាក់​បើករថយន្ត ​Pruis រេ​ចង្កូត​បុក​រថយន្ត ​Nissan ខ្ទេច​ទាំងសងខាង​(​មាន​វីដេអូ​)

    ភ្នំពេញ ៖ បុរស​ម្នាក់ សង្ស័យ​ស្រវឹងស្រាជោគ ​បាន​បើករថយន្ត​ម៉ាក​ Pruis មួយគ្រឿង រេ​ចង្កូត​ទៅបុក​រថយន្ត​ម៉ាក Nissan ២​បាំង​មួយគ្រឿង​ទៀត​បញ្ច្រាស់ទិស​គ្នា បណ្តាល​ឱ្យដាច់​កង់​មុខ​ខាងឆ្វេង​ទាំងសងខាង​។​

    គ្រោះថ្នាក់​នេះ​កើតឡើង​នៅវេលា​ម៉ោង៧ ​និង​៣០​នាទី​យប់​ថ្ងៃទី២៧ កញ្ញា ២០១៦ នៅតាម​បណ្តោយ​ផ្លូវជាតិ​៤ មុខកា​រ៉ា​ស់​សាំង កាល់​តិច ភូមិ​អូរ​ដឹ​ម សង្កាត់​ចោមចៅ ខណ្ឌ​ពោធិ៍​សែន​ជ័យ​។​

    តាម​ប្រភពពី​កន្លែងកើតហេតុ​បានឱ្យដឹងថា ដំបូង​គេ​ឃើញ​បុរស​ម្នាក់ បើករថយន្ត​ម៉ាក Pruis ពណ៌​ទឹកប្រាក់​មួយគ្រឿង​ពាក់​ស្លាក​លេខ​2AD-6603 តាម​បណ្តោយ​ផ្លូវជាតិ​លេខ​៤ ទិសដៅ​ពី​កើ​តទៅ​លិច ក្នុង​ល្បឿន​លឿន​។​

    រីឯ​រថយន្ត​មួយគ្រឿង​ទៀត​ម៉ាក Nissan ២​បាំង​ពណ៌​ទឹកប្រាក់​ ពាក់​ស្លាក​លេខ 2AE-1443 ក្នុងទិសដៅ​បញ្ច្រាសទិស​គ្នា​។ ខណៈ​មកដល់​ចំណុចកើតហេតុ​ស្រាប់តែ​រថយន្ត​ម៉ាក Pruis រ៉េ​ចង្កូត​ទៅបុក​ចំ​កង់​រថយន្ត Nissan ពេញទំហឹង បណ្តាលឱ្យ​រថយន្ត​ទាំង​២​គ្រឿង​រ៉េ​មក​ខាង​ផ្លូវ​ម្នាក់​ម្ខាង និង​ខូ​ត​ខាត​ដាច់ក្រឡេក​ង់​មុខ​ខាងឆ្វេង​ទាំង​២​គ្រឿង។​

    ក្រោយពេល​កើតហេតុ សមត្ថកិច្ច​មូលដ្ឋាន​បាន​ទៅដល់ ដោយ​ភាគី​ទាំងសងខាង​សុំ​ចរចា​គ្នា​សិន​។ ​បន្ទាប់មក​ដោយ​ខាង​រថយន្ត​ម៉ាក Pruis ព្រម​ចេញថ្លៃ​ជួសជុល​ទាំងស្រុង​ទៅខាង​រថយន្ត ម៉ាក Nissan ដើម្បី​បញ្ចប់រឿង​នៅ​កន្លែងកើតហេតុ៕


adverise with khmeread

មតិយោបល់