adverise with khmeread 1

ប៉ូលិស​ឃាត់​បុរស២​នាក់ ជា​មុខសញ្ញា​​លួចនិងឆក់កាបូបតាមផ្លូវ

    ភ្នំពេញ ៖  បុរស​២​នាក់​ដែលជា​មុខសញ្ញា​លួច​និង​ឆក់​តាមផ្លូវ​ត្រូវបាន​ប៉ូលិស​ប៉ុស្តិ៍​ទឹកថ្លា​ឃាត់ខ្លួន​បន្ទាប់ពី​ទទួល​ពាក្យបណ្តឹង​ពី​ជនរងគ្រោះ​កាលពី​វេលា​ម៉ោង​៩​និង​៣០​នាទី​ព្រឹក​ថ្ងៃទី​១០​ខែមករា​ឆ្នាំ​២០១៦ នៅ​ចំណុច​ក្រោយ​ផ្សារ​ទំនើប​រតនា​ផ្លា​ហ្សា ស្ថិតក្នុង​ភូមិ​ចុង​ថ្នល់​ខាងកើត សង្កាត់​ទឹកថ្លា ខណ្ឌ​សែន​សុខ​។​
    ប៉ូលិស​បាន​ឲ្យ​ដឹងថា ជនសង្ស័យ​ឈ្មោះ ង ភា​រ៉ា ភេទ​ប្រុស​អាយុ​២០​ឆ្នាំ​មុខរបរ​មិន​ពិតប្រាកដ ស្នាក់នៅ​ភូមិ​ថ្មគោល សង្កាត់​ចោមចៅ ខណ្ឌ​ពោធិ​សែន​ជ័យ​និង​ឈ្មោះ អ៊ូ ខ្យង ភេទ​ប្រុស​អាយុ​២៩​ឆ្នាំ​មុខរបរ​មិន​ពិតប្រាកដ​ស្នាក់នៅ​ភូមិ​ថ្មគោល​សង្កាត់​ចោមចៅ ខណ្ឌ​ពោធិ​សែន​ជ័យ​។​
    ចំណែក​ដើមបណ្តឹង​ឈ្មោះ ចាប ជុំ​ស្រីរ័ត្ន ភេទ​ស្រី​អាយុ​២២​ឆ្នាំ​មុខរបរ​បុគ្គលិក​សាលា​គី​សូ​ណា ស្នាក់​នៅផ្ទះ​លេខ​២៨​ផ្លូវ​ជី​វ៉ែល ភូមិ​ចុង​ថ្នល់​ខាងកើត សង្កាត់​ទឹកថ្លា ខណ្ឌ​សែន​សុខ​។​
     នារី​រងគ្រោះ​បាន​ឲ្យ​ដឹងថា កាលពី​ថ្ងៃទី​០២​ខែ​ធ្នួ ឆ្នាំ​២០១៦​រូបនាង​បាន​ទុក​សាក់​កាដូ​នៅក្នុង​ថតតុ​ធ្វើការ​នៅផ្ទះ​កើតហេតុ​ខាងលើ​ហើយ​បាន​ចូលទៅ​បន្ទប់ទឹក​។​ពេលចេញ​មកវិញ​ស្រាប់តែ​បាត់​តែម្តង​ដោយ​ក្នុង​សាក់​កាដូរ​នោះ​មាន​ទូរស័ព្ទដៃ​១​គ្រឿង​ម៉ាក​iPhone6 លុយ​ចំនួន​៤០០​ដុល្លារ​និង​សម្ភារ​:​មួយចំនួនទៀត​។​
    លុះ​មកដល់​ព្រឹក​ថ្ងៃទី​១០​មករា​ឆ្នាំ​២០១៦​ជនរងគ្រោះ​ក៏​ឃើញ​ជនសង្ស័យ​ទាំងពីរ​នាក់​កំពង​តែ​ជិះ​ម៉ូតូ​១​គ្រឿង​ម៉ាក​សង់​កូរ៉េ​ពណ៌​ក្រហម​គ្មាន​ស្លាក​លេខ​ជិះ​មក​ម្តុំ​ផ្ទះ​ជនរងគ្រោះ​ក៏​ប្តឹង​ប៉ូលិស​ប៉ុស្តិ៍​ទឹកថ្លា​ឃាត់ខ្លួន​យកមក​សាកសួរ​តែម្តង​។​
     នៅ​ចំពោះមុខ​សមត្ថកិច្ច​ជនសង្ស័យ​បាន​ឆ្លើយ​សារភាពថា ពួកគេ​ពិតជា​បានធ្វើ​សកម្មភាព​លួច​យក​កាបូប​លុយ​របស​នារី​រងគ្រោះ​នាពេល​កន្លងមក​ពិតប្រាកដ​មែន​។​
    បច្ចុប្បន្ន​ជនសង្ស័យ​ទាំងពីរ​នាក់​ឃាត់ខ្លួន​នៅ​អធិការដ្ឋាន​ប៉ូលិស​ខណ្ឌ​សែន​សុខ​ដើម្បី​កសាង​សំណុំរឿង​ប​ញ្ជួ​ន​ទៅកាន់​សាលាដំបូង​រាជធានី​ភ្នំពេញ​ចាត់ការ​បន្តរ​តាម​និតិ​វិធី​៕​

adverise with khmeread

មតិយោបល់