adverise with khmeread Feature image

ក្នុង​ក្រុង Milan នរណា​មិន​សើច​ខុសច្បាប់​! តោះ​នាំគ្នា​មើល​ច្បាប់​ប្លែកៗ​លើ​ពិភពលោក​

​    ​មុនពេល​ធ្វើដំណើរ​ជុំវិញ​ពិភពលោក វា​មិនមែនជា​គំនិតអាក្រក់​អ្វី​ទេ​ដែល​ត្រូវ​ស្រាវជ្រាវ​មើល​ច្បាប់ និង​ប្រពៃណី​របស់​ប្រទេស​នីមួយៗ​។ ការធ្វើ​ដូច្នេះ​មិន​ត្រឹមតែ​ជួយ​ឱ្យ​អ្នក​ជៀស​ផុតពី​បញ្ហា​ប៉ុណ្ណោះ​ទេ តែ​ថែមទាំង​អាចឱ្យ​អ្នក​រីករាយ​ការធ្វើដំណើរ​មួយ​អស់ដៃ​ថែមទៀត​។

​    ​តែ​ទោះយ៉ាងណា មានច្បាប់​ចម្លែកៗ​មិនគួរ​ឱ្យ​ជឿ​មួយចំនួន​ដែល​សឹងតែ​គ្មាន​នរណា​រំពឹង​នឹង​គោរព​តាម​នោះទេ​។ យ៉ាងណាមិញ ទោះ​អ្នក​មិន​ចង់​គោរព​តាម ក៏ត្រូវ​តែ​គោរព​តាម​ដោយ​ជៀស​មិន​ផុត​ទេ​។ មិន​ខុស​អី​ពី​ពាក្យបុរាណ​ពោលថា ចូល​ស្ទឹង​តាម​បត់ ចូល​ស្រុក​តាម​ទេស​នោះឡើយ​។

​    ​កុំឱ្យ​ខាត​ពេល សូម​នាំគ្នា​មើល​ច្បាប់​ប្លែកៗ​នៃ​ប្រទេស​លើ​ពិភពលោក​ដូចខាងក្រោម​៖

១. ទាល់តែ​ជាងភ្លើង​ជំនាញ​ទើប​អាច​អនុញ្ញាតឱ្យ​ប្តូរ​អំពូល​ភ្លើង​តាម​ផ្ទះ​នៅ​រដ្ឋ Victoria ប្រទេស​អូស្ត្រាលី​
​    ​តើ​មាន​យន្តការ​ប៉ុន្មាន​ដើម្បី​អាច​ផ្លាស់ប្តូរ​អំពូល​ភ្លើង​បាន​? ចម្លើយ​គឺ​គ្មាន​ទាល់តែសោះ នៅ​រដ្ឋ Victoria​។ រដ្ឋ​ធំ​បំផុត​ទី​ពីរ​របស់​អូស្ត្រាលី​នេះ​និយាយថា​វា​ជា​ទង្វើ​ខុសច្បាប់​ដែល​លួច​ប្តូរ​អំពូល​ភ្លើង​ដោយ​ខ្លួនឯង ដរាបណា​អ្នកជា​ជាងភ្លើង​អាជីព​។ ជាក់ស្តែង អ្នក​ដែល​ប្រឆាំង​ច្បាប់​នេះ​អាច​នឹងត្រូវ​ផាកពិន័យ​រហូតដល់ ១០ ដុល្លារ​អូស្ត្រាលី​។

២. ក្រុម Milan តម្រូវឱ្យ​ពលរដ្ឋ​ត្រូវតែ​ញញឹម​គ្រប់ពេល បើ​មិន​ដូច្នោះ​ទេ​នឹងរង​ការផាកពិន័យ​
​    ​ទីក្រុង Milan ក្នុងប្រទេស​អ៊ីតាលី​បាន​និយាយថា ការ​ញញឹម​គឺជា​កាតព្វកិច្ច​តម្រូវ​ដោយ​ច្បាប់​ជាដាច់ខាត លើកលែងតែ​ករណី​ពេល​ចូលរួម​បុណ្យសព ឬ​ទៅ​មើល​អ្នកជំងឺ​។ អ្នក​ដែល​ល្មើស​អាច​ប្រឈម​នឹង​ការផាកពិន័យ​ជា​ទឹកប្រាក់​យ៉ាង​សន្ធឹក​។

៣. ក្នុង​រដ្ឋ Florida ផោម​តាម​ទីសាធារណៈ​ក្រោយ​ម៉ោង ៦ ល្ងាច​រាល់ថ្ងៃ​ព្រហស្បតិ៍​គឺ​ខុសច្បាប់​
​    ​ត្រឹម​ម៉ោង ៥:៥៩ នាទី​ល្ងាច​មិនមាន​បញ្ហា​អ្វី​នោះទេ​។ អ្នក​អាច​នឹងត្រូវ​ចាត់ទុកថា​រំខាន​សាធារណជន​បើ​ផោម​នៅ​ម៉ោង ៦ ល្ងាច​រាល់ថ្ងៃ​ព្រហស្បតិ៍ ដូច្នេះ​បើ​ចង់​ផោម​ត្រូវ​ប្រញាប់​រូតរះ​ទៅផ្ទះ​។

៤. ក្នុងប្រទេស​អង់គ្លេស វា​ជា​រឿង​ខុសច្បាប់​ដែល​ដេកលក់​ក្នុង​សភាជាតិ​
​    ​ច្បាប់​នេះ​ត្រូវបាន​សាធារណជន​បោះឆ្នោត​ជា​ច្បាប់​គួរឱ្យ​ចង់​សើច​បំផុត​ក្នុង​ចក្រភព​អង់គ្លេស​ក្នុង​ឆ្នាំ ២០០៧​។

៥. ក្នុង​រដ្ឋ Oklahoma វា​ជា​រឿង​ខុសច្បាប់​ប្រសិនបើ​សត្វ​លា​ដេក​ក្នុង​អាង​ងូតទឹក​បន្ទាប់ពី​ម៉ោង ៧ យប់​
​    ​វា​គ្មាន​បញ្ហា​ទេ​ប្រសិនបើ​សត្វ​លា​របស់​អ្នក​ភ្ញាក់​ដឹងខ្លួន​និង​គ្រាន់តែ​ដេក​ត្រាំ​ក្នុង​អាង​ងូតទឹក​របស់​អ្នក​។ តែ​វា​ច្បាស់​ជា​ខុសច្បាប់​ប្រសិនបើ​សត្វ​លា​នោះ​នៅក្នុង​អាង​ងូតទឹក ហើយ​ដេកលក់​នៅ​ម៉ោង ៧ យប់​ទៅ​។

៦. ក្នុងប្រទេស​កាណាដា តាមច្បាប់ បទ​ចម្រៀង​មួយ​បទ​ក្នុងចំណោម​ប្រាំ​បទ​ដែល​ចាក់​នៅក្នុង​វិទ្យុ​ត្រូវតែ​ច្រៀង​ដោយ​ជនជាតិ​កាណាដា​
​    ​ច្បាប់​នេះ​បានធ្វើឱ្យ​ប្រិយមិត្ត​គាំទ្រ​តារាចម្រៀង​កាណាដា  Justin Bieber អរ​មិន​ស្ទើរ​ទេ ព្រោះ​រាល់​វិទ្យុ​ទាំងអស់​ត្រូវតែ​ចាក់​បទ​ដែល​ច្រៀង​ដោយ ជនជាតិ​កាណាដា​យ៉ាងហោចណាស់​ក៏​មួយ​បទ​ដែរ ក្នុងចំណោម​ប្រាំ​បទ​ដែល​បាន​ចាក់​ជាប់ៗ​គ្នា​ក្នុង​វិទ្យុ​។

៧. ក្នុងប្រទេស​ជប៉ុន​ដែល​ជាដើម​កំណើត​នៃ​កីឡា​ស៊ូ​ម៉ូ​ហាម​មិនឱ្យ​ប្រជាជន​ធាត់​នោះទេ​
​    ​ការ​ធាត់​ឡើង​ទម្ងន់​គឺជា​រឿង​ខុសច្បាប់​។ ក្នុង​ឆ្នាំ ២០០៩ ក្រុម​អ្នកបង្កើត​ច្បាប់​បានធ្វើ​ការកំណត់​ទំហំ​ត្រគាក​អតិបរមា​សម្រាប់​មនុស្ស​ទាំង​ពីរភេទ នេះ​មានន័យថា​បុរស​អាយុ ៤០ ឆ្នាំ​ឡើង​មិនត្រូវ​មាន​ទំហំ​ត្រគាក​លើ ៣១ (​អ៊ី​ញ​) និង​គ្រប់​ស្ត្រី​ទាំងអស់​មិនត្រូវ​មាន​ទំហំ​ត្រគាក​លើ ៣៥ ឡើយ​។

៨. បង្ហូរទឹក​បង្គន់​ក្រោយ​ម៉ោង ១០ យប់​គឺជា​រឿង​ខុសច្បាប់​នៅ​ប្រទេស​ស្វ៊ី​ស​
​    ​ការបង្ហូរ​ទឹក​បង្គន់​ក្រោយ​ម៉ោង ១០ យប់​នៅតាម​អគារ​អា​ផាត​មែន​គឺជា​រឿង​ខុសច្បាប់​នៅ​ប្រទេស​ស្វ៊ី​ស​។ រដ្ឋាភិបាល​ចាត់ទុក​វា​ជាការ​បង្ក​សំឡេង​រំខាន​។

៩. នៅ​ទីក្រុង Chicago វា​ជា​រឿង​ខុសច្បាប់​ដែល​ទទួលទាន​អាហារ​នៅ​កន្លែង​ដែល​ដុត​ភ្លើង​
​    ​មិន​ថា​ភី​ហ្សា​ឆ្ងាញ់​ប៉ុនណា​នោះទេ ប្រសិនបើ​ភោជនីយដ្ឋាន​នោះ​មាន​ដុត​ភ្លើង​នៅ​កន្លែង​ញ៉ាំ នោះ​អ្នកនឹង​មិនអាច​ចូលទៅ​ញ៉ាំ​នៅ​ទីនោះ​បានទេ​ព្រោះ​វា​ខុសច្បាប់​។

១០. យានយន្ត​ដែល​អស់​សាំង និង​អ្នក​ដែល​ធ្វើដំណើរ​ថ្មើរជើង​នៅលើ​ផ្លូវ​ហាយវ៉េ​នឹងត្រូវ​ចាត់​ថា​ខុសច្បាប់​នៅ​អាល្លឺម៉ង់​
​    ​ចំពោះ​អ្នក​ល្មើសច្បាប់​នេះ​នឹងត្រូវ​ផាកពិន័យ​ចំនួន ៨០ អឺរ៉ូ​ដូចៗ​គ្នា​៕ 

adverise with khmeread
ប្រភព៖ ដេលី​មែ​ល

មតិយោបល់