adverise with khmeread 1

Angelina Jolie ចិត្តដាច់​ម្ល៉េះ​! នាង​បដិសេធ​ជួយ​ប៉ូលិស​ក្នុងការ​ស៊ើបអង្កេត ប្រសិនបើ Brad Pitt ជាប់ចោទ​ពីបទ​វាយដំ Maddox

    ​យោងតាម​ប្រព​ភ​ព័ត៌មាន The Sun កាលពី​ថ្ងៃ​ចន្ទ​បានឱ្យដឹងថា Angelina Jolie នឹង​បដិសេធ​ជួយ​ប៉ូលិស​ធ្វើការ​ស៊ើបអង្កេត ប្រសិនបើ​ប្តី​ខ្ចាត់ព្រាត់ Brad Pitt ជាប់ចោទ​ពីបទ​វាយដំ​កូនប្រុស Maddox​។ 

​    ​ប៉ូលិស​កំពុង​ស៊ើបអង្កេត Pitt ជុំវិញ​ការ​អះអាងថា រូបគាត់​បាន​វាយដំ​កូនប្រុស Maddox អាយុ ១៥ ឆ្នាំ​នៅលើ​យន្តហោះ​ឯកជន​របស់​ពួកគេ​។​

​    ​វេ​ប​សាយ TMZ បាន​រាយការណ៍​ថា ប្រភព​ជិតស្និទ្ធ​នឹង​នាង Angelina អាយុ ៤១ ឆ្នាំ​បាន​លាតត្រដាង​ថា តារាភាពយន្ត​រូបនេះ​នឹង "​នៅ​ស្ងាត់​មាត់​ស្ងៀម​" ប្រសិនបើ​អាជ្ញាធរ​ចោទប្រកាន់ Pitt​។ 

​    ​អ្នក​នៅក្នុង​គ្រួសារ​នេះ​បាន​អះអាង​ទៀតថា Angelina បាន​ប្រាប់​បុគ្គលិក​សង្គមកិច្ច​ថា Brad អាយុ ៥២ ឆ្នាំ វាយ​ចំ​មុខ Maddox អំឡុងពេល​ហោះហើរ​ជាមួយគ្នា​កាលពី​ខែកញ្ញា​។ 

​    ​ប៉ុន្តែ​ប្រភព​ផ្សេងទៀត​អះអាងថា តារា​សម្តែង​ក្នុង​រឿង Fight Club រូបនេះ​គ្មាន​ចេតនា​វាយ​ទៅលើ Maddox ទេ​។ 

​    ​មុននេះ ប្រភព​ច្បាប់​ផ្សេងៗ​បាន​អះអាងថា Pitt នឹងមិន​ជាប់ទោស​ទេ ព្រោះ​គ្មាន​ភស្តុតាង​ណា​បង្ហាញថា Pitt បាន​មាន​ចេតនា​វាយ​ទៅលើ Maddox ហើយក៏​គ្មាន​ស្នាមរបួស​លើ​រាងកាយ​របស់​កូន​ខ្មែរ​រូបនេះ​ដែរ​។ 

​    ​គួរ​បញ្ជាក់ថា តារា​ល្បី​ទាំងពីរ​រូបនេះ​បាន​លែងលះ​កាលពី​ខែកញ្ញា បន្ទាប់ពី​រួមរស់​ជាមួយគ្នា​អស់ ១២ ឆ្នាំ​៕ 

adverise with khmeread
ប្រភព៖ The Sun

អ្នកនឹងចូលចិត្ត

មតិយោបល់