adverise with khmeread 1

ចាប់​ជនសង្ស័យ​សម្លាប់​ស្ត្រី​ម្នាក់ នៅ​ស្រុក​កែវ​សីមា អូស​សព​ទៅ​ចោល​កណ្តាល​ព្រៃ​ឃាតករ​ជា​ប្អូនថ្លៃ​

    មណ្ឌលគិរី ៖ ឃាតករ​ម្នាក់​ដែល​សម្លាប់​ស្ត្រី​វ័យ​៣០​ឆ្នាំ នៅ​ស្រុក​កែវ​សីមា ខេត្តមណ្ឌលគិរី ដែល​សមត្ថកិច្ច​សង្ស័យ​ជា​ករណី​រំលោភ​សម្លាប់ ហើយ​បាន​កើតឡើង​កាលពីពេល​ថ្មីៗ​កន្លងទៅនេះ ឥឡូវ​កម្លាំង​ប៉ូលិស​ខេត្ត​មណ្ឌល​គិរី​បាន​ប្រើប្រាស់​រយៈពេល​២៤​ម៉ោង​ប៉ុណ្ណោះ បាន​ឃាត់ខ្លួន​ជនសង្ស័យ​ម្នាក់​គឺជា​ប្អូនថ្លៃ​ស្រ្តី​រងគ្រោះ។​

    លោក សូ សុវណ្ណ ស្នងការរង និង​ជា​ប្រធានការិយាល័យ​កណ្តាល​ព្រហ្មទណ្ឌ បាន​ដឹកនាំ​កម្លាំង​ចុះ​ធ្វើការ​ស្រាវជ្រាវ នៅ​ទីតាំង​កើតហេតុ ហើយ​ឈានទៅ​ធ្វើការ​ឃាត់ខ្លួន​បាន ជនសង្ស័យ​ជា​ឃាតករ​បាន​ម្នាក់​ឈ្មោះ ទី តី អាយុ​១៩​ឆ្នាំ គឺ​ត្រូវជា​ប្អូនថ្លៃ​របស់​ស្ត្រី​រងគ្រោះ នៅ​ល្ងាច​ថ្ងៃទី​០៣ ខែតុលា ឆ្នាំ​២០១៦​ម្សិលមិញ​នេះ នៅ​ចំណុច​អូរ​ជុំ ភូមិ​អូរ​អាម ឃុំ​ស្រែ​ខ្ទុ​ម ស្រុក​កែវ​សីមា​។​

    លោក​ស្នងការរង បានឱ្យដឹងថា យោងតាម​ចម្លើយសារភាព របស់​ជនសង្ស័យ បញ្ជាក់ថា "​គេ​មិនបាន​រំលោភ សម្លាប់ ស្ត្រី​រងគ្រោះ​ឈ្មោះ ក្រែ​ត ស្រីមុំ អាយុ​៣០​ឆ្នាំ នោះទេ គឺ​រូបគេ​(​ឃាតក​) ខឹង​នឹង​បងថ្លៃ​ស្រវឹងស្រា ហើយ​ជេ​ម្រ៉ា​យ​ខ្លួន ធ្វើឱ្យ​រូបគេ​ខឹង​ហើយក៏​វាយចំគ​ល់ក ៣​ដៃ​សន្លប់ ថែម​៣​ឈើ​ជ្រុង​ទៀត បណ្តាលឱ្យ​បាក់ ក​ស្លាប់ រូបគេ​អូស​ទៅ​ចោល​កណ្តាល​ព្រៃ​តែម្តង រួចខ្លួន​គេ​ជិះ​ម៉ូតូ​មក​ផ្ទះ​ជាធម្មតា​"​។​

    ក្រោយមក​ប្រជាពលរដ្ឋ បាន​ប្រទះឃើញ​សាកសព របស់​ជនរងគ្រោះ ហើយ​រាយការណ៍​ទៅ​សមត្ថកិច្ច ទើប​សមត្ថកិច្ច​បើក​ការស្រាវជ្រាវ រហូត​កំណត់​មុខសញ្ញា​បាន ហើយ​ឈានដល់​ការឃាត់ខ្លួន​ជនសង្ស័យ​តែម្ដង​។​

    គួររំលឹកថា កាលពី​ថ្ងៃទី​២ ខែតុលា ឆ្នាំ​២០១៦​កន្លងទៅនេះ អ្នកស្រុក​បានឃើញ​សព​ស្ត្រី​ម្នាក់ ដេកស្លាប់​ក្នុងព្រៃ​ទាំង​អាក្រាតកាយ នៅ​ក្នុងព្រៃ​មួយកន្លែង​ស្ថិតនៅ​ចំណុច​អូរ​ជុំ ក្រោយ​ភូមិ​អូរ​អាម ឃុំ​ស្រែ​ខ្ទុ​ម ស្រុក​កែវ​សីមា ខេត្តមណ្ឌលគិរី បង្ក​ការភ្ញាក់ផ្អើល​តែម្តង​៕

adverise with khmeread

មតិយោបល់