adverise with khmeread 1

កងទ័ពអាកាស​ឥណ្ឌូនេស៊ី​រៀបចំ​ធ្វើ​សមយុទ្ធ​យោធា​ធំ​បំផុត​មិន​ធ្លាប់មាន​ក្នុង​សមុទ្រ​ចិន​ខាងត្បូង​

    ​ក្រុមមន្ត្រី​ឥណ្ឌូនេស៊ី​និយាយ​កាលពី​ថ្ងៃ​អង្គា​រថា កងកម្លាំង​អាកាស​ឥណ្ឌូនេស៊ី​បាន​កំពុង​រៀបចំ​ធ្វើ​សមយុទ្ធ​យោធា​ធំ​បំផុត​របស់ខ្លួន​ក្នុង​សប្តាហ៍​នេះ​ក្បែរ​កោះ​មួយចំនួន​ក្នុង​សមុទ្រ​ចិន​ខាងត្បូង ក្នុងការ​បង្ហាញ​អធិបតេយ្យភាព​ជុំវិញ​តំបន់​សម្បូរ​ប្រេង​និង​ឧស្ម័ន (​សមុទ្រ​ចិន​ខាងត្បូង​) ដែល​ស្ថិត​ក្បែរ​ទឹកដី ដែល​ចិន​កំពុង​អះអាង​សិទ្ធិ​កាន់កាប់​។ 

​    ​ប្រធានាធិបតី​ឥណ្ឌូនេស៊ី Joko Widodo កាលពី​ខែមិថុនា​បាន​បើក​យុទ្ធនា​ការមិន​រំពឹងទុក​មួយ​ដើម្បី​ពង្រឹង​ការនេសាទ ការរុករក​ប្រេង និង​ទីតាំង​ការពារជាតិ​នៅ​ជុំវិញ​ប្រជុំ​កោះ Natuna ក្រោយពី​មានការ​ប្រឈមមុខគ្នា​ជាច្រើនលើក​រវាង​កងទ័ព​ជើង​ទឹក​ឥណ្ឌូនេស៊ី និង ទូក​នេសាទ​ចិន​។ 

​     ទោះបី​ពុំមាន​ជម្លោះ​ទាមទារ​ទឹកដី​កោះ Natuna ជាមួយ​ឥណ្ឌូនេស៊ី​ក្តី ក៏ប៉ុន្តែ​ចិន​បានធ្វើឱ្យ​ឥណ្ឌូនេស៊ី​ខឹង​ដោយ​និយាយថា ប្រទេស​ទាំងពីរ "​មានការ​អះអាង​កាន់កាប់​ត្រួតស៊ីគ្នា​" លើ​ដែនទឹក​ក្បែរ​ប្រជុំ​កោះ Natuna ដែល​សមុទ្រ​នោះ ឥណ្ឌូនេស៊ី​ហៅថា Natuna Sea​។ 

​    ​លោក Jemi Trisonjaya អ្នកនាំពាក្យ​ឱ្យ​កងកម្លាំង​ទ័ពអាកាស​ឥណ្ឌូនេស៊ី​បាន​និយាយថា "​យើង​ចង់បង្ហាញ​វត្តមាន​របស់​យើង​ក្នុង​តំបន់​នេះ​។ យើង​មាន​កងកម្លាំង​អាកាស​ល្អ​គ្រប់គ្រាន់​ដើម្បី​ការពារ​ខ្លួន​"​។ 

​    ​កងទ័ពអាកាស​ចំនួន​ជាង ២.០០០ នាក់​បាន​កំពុង​ចូលរួម​ក្នុង​សមយុទ្ធ​រយៈពេល​ពី​រស​ប្តា​ហ៍​នេះ ក្នុងនោះ​មានការ​ហោះហើរ​យន្តហោះ​ជាច្រើន​គ្រឿង មាន​ម៉ាក Sukhoi របស់​រុស្ស៊ី និង F-16 របស់​អាមេរិក​៕

​ប្រភព​៖ channelnewsasia

adverise with khmeread

មតិយោបល់