adverise with khmeread Unnamed %281%29

បន្ទាប់ពី​ប្តី​កោសខ្យល់​ឱ្យ​ស្ត្រី​ជា​ប្រពន្ធ​បាន​ស្លាប់​នៅ​ខ្សាច់កណ្ដាល​

    កណ្តាល ៖ បន្ទាប់ពី​ប្តី​កោសខ្យល់​ឱ្យ​និង​ផឹកថ្នាំ​មួយ​គ្រាប់​ស្រាប់តែ​ស្ត្រី​ជា​ប្រពន្ធ​បាន​ស្លាប់​ថ្ងៃទី​០៤​ តុលា​ ឆ្នាំ​២០១៦​ វេលា​ម៉ោង​៧​យប់​នៅ​ចំណុច​ភូមិ​ស្វាយ​អាត់​កណ្តាល ឃុំ​ព្រែ​កតា​មាក់ ស្រុក​ខ្សាច់កណ្តាល ខេត្តកណ្តាល​។​

    ប៉ូលិស​និយាយថា ជនរងគ្រោះ​ឈ្មោះ​ យ័ន ចាន់​តារា ភេទ​ស្រី ​អាយុ​២៧​ឆ្នាំ ជនជាតិខ្មែរ មុខរបរ​កសិករ​មា​នទី​លំនៅ​ភូមិ​ឃុំ​កើតហេតុ​។​ចំណែក ប្តី​ឈ្មោះ ឈុន សុធា ភេទ​ប្រុស អាយុ​២៨​ឆ្នាំ​ជនជាតិខ្មែរ មុខរបរ​ជាងចម្លាក់ មាន​ទីលំនៅ​ភូមិ​ឃុំ​កើតហេតុ​។​

    ប៉ូលិស​បន្តថា នៅ​ថ្ងៃទី​០៤​ តុលា​ ឆ្នាំ​២០១៦ ​វេលា​ម៉ោង ៤ ​ល្ងាច​ជនរងគ្រោះ​មាន​សភាព​ងងឹតមុខ​និង​ឈឺក្បាល ហើយ​បាន​ប្រើ​ប្តី​ឱ្យ​កោសខ្យល់​ និង​ធ្វើ​ចលនា​រហូតដល់​ម៉ោង​៦​ល្ងាច​ជនរងគ្រោះ​បាន​បាត់មាត់​ និង​បញ្ឈរភ្នែក​ទើប​ប្តី​ឱ្យ​ថ្នាំ​ប៉ា​រ៉ា​១​គ្រាប់​ទៅ​ជនរងគ្រោះ​លេប​។​

    ក្រោយមក​ជនរងគ្រោះ មាន​សភា​ពរឹង​ថ្គាម​ក៏​បញ្ជូន​ទៅផ្ទះ​គ្រូពេទ្យ​ឯកជន​ពេល​​ទៅដល់​គ្រូពេទ្យ​ឈ្មោះ​ គឹម ទូច ​បាន​បញ្ជាក់ថា​៖ ជនរងគ្រោះ​មាន​សភាព​ធ្ងន់ធ្ងរ​ហើយ​ត្រូវ​បញ្ជូនទៅ​មន្ទី​ពេទ្យ​រដ្ឋ ​ហើយ​គ្រូពេទ្យ​ឈ្មោះ​ គេ​ម ទូច បាន​ចាក់​ថ្នាំ​និង​ព្យួរសេរ៉ូម​ដល់​ម៉ោង​៧​យប់​ថ្ងៃ​ដដែល​បាន​ស្លាប់ ហើយក៏​បញ្ជូន​ជនរងគ្រោះ​មក​ផ្ទះ ហើយ​រាយការណ៍​ជូន​សមត្ថកិច្ច​នគរបាល​ និង​លោក​វេជ្ជបណ្ឌិត លីម ផល្លា ​ប្រធាន​កា​រិ​យា​ល​យ័​សុខាភិបាល​ស្រុក​ខ្សាច់កណ្តាល បានមក​ពិនិត្យ​សាកសព​ដោយ​ហ្មត់ចត់​ពុំមាន​ឃើញ​ស្លាកស្នាម​អ្វី​គួរ​ឱ្យ​កត់សម្គាល់ គឺ​ពិតជា​ស្លាប់​ដោយសារ​ខ្យល់គរ​ឬ គាំងបេះដូង​ប្រាកដ​មែន​បានប្រគល់​សព​ជូន ក្រុមគ្រួសារ​ធ្វើបុណ្យ​តាម​ប្រពៃណី​៕

adverise with khmeread

មតិយោបល់