adverise with khmeread Untitled 1

Cesc Fabregas ថត​អាហារ​មួយឈុត​ធំ​បង្ហោះ​លើ​បណ្តាញ​សង្គម ធ្វើឱ្យ​ប្រិយមិត្ត Chelsea ព្រួយបារម្ភ​

    ​វា​ប្រហែលជា​មិនមែនជា​ថ្ងៃ​សម្រាក​នៃ​កាតព្វកិច្ច​បាល់ទាត់​អន្តរជាតិ​ដ៏​រីករាយ​មួយ​នោះឡើយ​សម្រាប់ Cesc Fabregas​។​

​    ​ខ្សែបម្រើ​កណ្តាល​របស់​តោ​ខៀវ Chelsea រូបនេះ មើលទៅ​ហាក់ដូច​ជាមាន​គ​ន្លាត​ឆ្ងាយ​មួយ​ពី​ក្រុម​ជម្រើស​ដំបូង​របស់លោក Antonio Conte នៅឯ​ទឹកដី Stamford Bridge ហើយ​បន្ទាប់មកទៀត​នោះ​ស្ថិតនៅក្នុង​ជម្រើស​បាល់ទាត់​អន្តរជាតិ​អេ​ស្ប៉ា​ញ​ក៏​អាចមាន​វាសនា​ដូចគ្នានេះដែរ​។​

​    ​Fabregas ត្រូវបាន​ដាក់ឱ្យ​អង្គុយ​នៅ​កៅអី​បម្រុង​នៅឯ​ការចាប់ផ្តើម​រដូវ​កាល​ថ្មី​ដោយ​អ្នកចាត់ការ​ទូទៅ​ថ្មី​របស់​តោ​ខៀវ ដែល​មិន​ជឿទុកចិត្ត​ទៅលើ​ខ្សែបម្រើ​អន្តរជាតិ​អេ​ស្ប៉ា​ញ​រូបនេះ ដែល​នេះ​អាច​នឹង​បញ្ចប់​ការខិតខំ​ប្រឹងប្រែង​នៅ​តំបន់​បម្រើ​កណ្តាល​របស់គាត់​។​

​    ​យ៉ាងណាក្តី អតីត​ខ្សែបម្រើ​របស់​កាំភ្លើង​ធំ Arsenal បានទទួល​កម្មសិទ្ធិ​ជា​កីឡាករ​ជម្រើស​ដំបូង​របស់គាត់​មកវិញ​ក្រោយ​ការដឹកនាំ​របស់ Conte ដែល​គួរតែ​អរគុណ​ទៅដល់​គ្រាប់​បាល់​ចំនួន​ពីរ​គ្រាប់​របស់គាត់​ក្នុង​ដំណើរ​ប្រជែង​ពាន​ខាប់​ក្នុងស្រុក EFL Cup ដែល​ទទួលបាន​ជ័យជម្នះ​ទៅលើ Leicester ។​

​    ​ប៉ុន្តែ Fabregas បានចាប់ផ្តើម​ជម្រើស​ដំបូង​របស់ខ្លួន​ដោយ​បរាជ័យ​ក្នុង​លទ្ធផល ៣-០ ក្រោម​ដៃ​អតីត​ក្រុម​ចាស់ Arsenal របស់ខ្លួន ហើយ Conte បច្ចុប្បន្ន​បាន​ផ្លាស់ប្តូរ​ជម្រើស​របស់ខ្លួន និង​ប្តូរ​យុទ្ធសាស្ត្រ​ថ្មី​សម្រាប់ Chelsea ។​

​    ​តោ​ខៀវ​បាន​លេង​ក្នុង​យុទ្ធសាស្ត្រ ៣-៤-៣ នៅលើ​ទឹកដី Hull ហើយ Fabregas បាន​ចំណាយពេល ៩០​នាទី​ពេញ​អង្គុយ​នៅលើ​កៅអី​បម្រុង​។​

​    ​ជម្រើសជាតិ​អេស្បាញ​សព្វថ្ងៃ​មាន​កីឡាករ​អស្ចារ្យ​មាន​ទេពកោសល្យ​មួយចំនួន ហើយ Ander Herrera ត្រូវបាន​កោះហៅ​ចូល​ជម្រើសជាតិ​សម្រាប់​ប្រកួត​ជម្រុះ​វើ​ល​ខាប់​ជាមួយ អ៊ីតាលី និង​អាល់​បា​នី​។​

​    ​នៅ​វ័យ ២៩​ឆ្នាំ Fabregas លេង​បាន​ចំនួន ១០៥​ប្រកួត​សម្រាប់​បាល់ទាត់​អន្តរជាតិ​អេ​ស្ប៉ា​ញ ដោយ​ធ្លាប់​លើក​ពាន​កំពូល​ប្រចាំ​ទ្វីបអឺរ៉ុប European Championships និង​ពានរង្វាន់​ពិភពលោក World Cup ។​

​    ​ដូច្នេះ ប្រហែលជា​គាត់​សម​នឹង​ទទួលបាន​អាហារ​សារធាតុចិញ្ចឹម​ដែល​បាន​បង្ហោះ​នៅលើ Snapchat របស់គាត់​កាលពី​ល្ងាច​ថ្ងៃ​អង្គារ​?

​    ​ប្រិយមិត្ត​របស់ Chelsea កំពុង​ព្រួយបារម្ភ​ណាស់​ចំពោះ​រឿងនេះ ហើយ​រូបភាព​មិនមាន​វិជ្ជាជីវៈ​ជា​កីឡាករ​នេះ​នឹង​រឹត​បង្កើន​ពាក្យ​ចចាមអារ៉ាម​ថា Fabregas អាច​នឹង​ផ្ទេរ​ទៅ AC Milan នៅ​ខែមករា​ខាងមុខនេះ​៕

adverise with khmeread

មតិយោបល់