adverise with khmeread 14572651 1137309623022578 1162048461 o

ប៉ូលិស​ក្រុង​ក្រចេះ​ចាប់ខ្លួន​បុរស​២​នាក់​ពាក់ព័ន្ធ​គ្រឿងញៀន​

    ក្រចេះ ៖ ប៉ូលិស​ក្រុង​ក្រចេះ​បាន​ឃាត់​ជនសង្ស័យ​ជា​មុខសញ្ញា​ជួញដូរ​គ្រឿងញៀន​ពីរ​នាក់ ជា​បន្តបន្ទាប់​នៅ​ថ្ងៃទី​៤ តុលា ឆ្នាំ​២០១៦​នៅក្នុង​សង្កាត់​អូរ​ឬ​ស្សី ក្រុង​-​ខេត្តក្រចេះ​ហើយ​បាន​ដកហូត​វត្ថុតាង​មួយចំនួន។​

    ប៉ូលិស​ក្រុង​ក្រចេះ​បានឱ្យដឹងថា មាន​ជនសង្ស័យ​ម្នាក់​ឈ្មោះ​ គ្រី ភា​រិ​ន ហៅ​ភាព អាយុ​២១​ឆ្នាំ មុខរបរ​មិន​ពិតប្រាកដ រស់នៅក្នុង​ភូមិ​ស្រែ​ស្តៅ សង្កាត់​អូរ​ឬ​ស្សី ក្រុង​ក្រចេះ ជា​មុខសញ្ញា​ជួញដូរ​ត្រូវ​កម្លាំង​ប៉ូលិស​បាន​ចាប់ខ្លួន​។​

    ក្រោយ​ការចាប់​ឃាត់ខ្លួន​ជន​ម្នាក់នេះ​មក​សាកសួរ នៅ​ថ្ងៃ​ដដែល​ប៉ូលិស​ក៏​បន្ត​ការឃាត់ខ្លួន​ជន​ម្នាក់ទៀត​ឈ្មោះ ​ឆន សំណាង អាយុ​២៧​ឆ្នាំ រស់​ភូមិ​អូរ​ឬ​ស្សី​ទី​២  សង្កាត់​អូរ​ឬ​ស្សី ក្រុង​ក្រចេះ​។​

    ប៉ូលិស​ក្រុង​ក្រចេះ​បាន​បញ្ជាក់ថា ក្រៅពី​ការចាប់​ឃាត់ខ្លួន​ជនសង្ស័យ​ពីរ​នាក់ ប៉ូលិស​ក៏បាន​ឆែកឆេរ​រកឃើញ​គ្រឿងញៀន​ប្រភេទ​ម៉ា​ទឹក​ក​មួយចំនួន  រួច​បញ្ជូនទៅ​ក្រុង​កសាង​សំណ​រឿង​តាម​នីតិវិធី៕

adverise with khmeread

មតិយោបល់