adverise with khmeread 1

អតីត​ប្រធាន​ក្រុម​អ្នកមាន​បុណ្យ​និយាយថា​ប្រសិនបើ Messi មិន​ឈ្នះ Ballon d'Or គឺជា​រឿង​អយុត្តិធម៌​ណាស់​

លោក Carles Puyol បាន​បញ្ជាក់ថា វា​នឹង​រឿង​ដ៏​អយុត្តិធម៌​ប្រសិនបើ​កីឡាករ Messi មិន​ឈ្នះ Ballon d'Or​។ លោក​បាន​អះអាងថា កីឡាករ​សញ្ជាតិ​អា​ហ្ស​ង់​ទីន​រូបនេះ​ជា​កីឡាករ​ដែលមាន​គុណភាព ហើយ​ប្រសិនបើ Messi បន្ត​ការលេង​របៀបនេះ​ទៀត រូបគេ​ប្រហែលជា​ឈ្នះ​ពានរង្វាន់​នេះ​ជាច្រើន​។​

​លោក Puyol បាន​ប្រាប់​វេ​ប​សាយ​របស់​ក្លឹប​អ្នកមាន​បុណ្យ​ថា "​អ្នកនឹង​មិនដឹងថា​នឹងមាន​រឿង​អ្វី​កើតឡើង​នៅ​ចុងបញ្ចប់​ឡើយ ប៉ុន្តែ​វា​នឹងមាន​ការភ្ញាក់ផ្អើល​ដ៏​ធំ​និង​អយុត្តិធម៌ ប្រសិនបើ​កីឡាករ Messi មិន​ឈ្នះ Ballon d'Or​។ អ្វីដែល​អស្ចារ្យ​អំពី​គាត់​នោះ​គឺ គាត់​ព្យាយាម​អភិវឌ្ឍ​ខ្លួនឯង​និង​បំបែក​កំណត់ត្រា​។ ឥឡូវ​គាត់​ជា​កីឡាករ​ឥតខ្ចោះ ហើយ​កម្រិត​លេង​របស់គាត់​ហាក់ដូចជា​គ្មាន​ព្រំដែន​ឡើយ​"​។​

​លោក​បាន​បន្តទៀតថា "​វា​ពិបាក​ណាស់​សម្រាប់​ឱ្យ​កីឡាករ​ម្នាក់​ឈ្នះ​ពានរង្វាន់ Ballon d'Or បាន​ដល់​ទៅ ៥​។ ប៉ុន្តែ​ក្រៅពីនោះ កីឡាករ Leo Messi នឹងមិន​ចូលនិវត្តន៍​នៅ​ថ្ងៃស្អែក​ឡើយ និង​ប្រសិនបើ​គាត់​ឈ្នះ​នៅ​ថ្ងៃ​ចន្ទ​នេះ​ទៀត គាត់​នឹង​បន្ត​ការលេង​បែបនេះ​ទៀត ហើយ​បន្ត​ឈ្នះ​ពាន​នេះ​ទៀត​។ អញ្ចឹង​ហើយ ឈ្នះ​ពានរង្វាន់ Ballon d'Or ចំនួន​ប្រាំ​ប្រហែលជា​មិនមែន​ទីបញ្ចប់​សម្រាប់ Messi ឡើយ​"៕

adverise with khmeread
ប្រភព៖ ​ម៉ា​កា​

មតិយោបល់