adverise with khmeread Untitled 1

ពូ​ទីន​ធ្វើ​សមយុទ្ធ​ជម្លៀស​ប្រជាជន ៤០ លាន​នាក់ ត្រៀមលក្ខណៈ​សម្រាប់​សង្គ្រាម​នុយក្លេអ៊ែរ​ជាមួយ​អាមេរិក​ពេលអនាគត​

    ​ប្រទេស​រុស្ស៊ី​កំពុង​ជម្លៀស​ប្រជាជន​ជាង ៤០ លាន​នាក់​នៅក្នុង​សមយុទ្ធ​មួយ​ដើម្បី​ត្រៀមខ្លួន​សម្រាប់​ស​ង្គ្រា​មនុ​យ​ក្លេ​អែរ បន្ទាប់ពី​ក្រសួងការពារជាតិ​រុស្ស៊ី​បាន​ព្រមាន​អំពី​ការវាយប្រហារ​ពី​អាមេរិក​។​

​    ​ប្រជាជន​ត្រូវបាន​ប្រាប់ថា សង្គ្រាម​ជាមួយ​លោកខាងលិច​អាច​នឹង​កើតឡើង ហើយ​មន្ត្រី​នៅ​វិមាន​ក្រឹម​ឡាំង​បាន​និយាយថា ជម្រក​ក្រោម​ដី​ត្រូវបាន​កសាងឡើង​ដើម្បី​ផ្ទុក​មនុស្ស​ចំនួន ១២ លាន​នាក់​។​

​    ​ការជម្លៀស​ទ្រង់ទ្រាយ​ធំ​នេះ​បានចាប់ផ្តើម​កាលពី​ថ្ងៃទី ៥ ខែតុលា​នេះ ហើយ​នឹងមាន​រយៈពេល​បី​ថ្ងៃ​។​

​    ​រុស្ស៊ី​ត្រូវបាន​ចោទប្រកាន់ថា​បាន​ទម្លាក់​គ្រាប់បែក​នៅ​ស៊ី​រី និង​រង​ការរិះគន់​យ៉ាងខ្លាំង ហើយ​សប្តាហ៍​នេះ អាមេរិក​បាន​ផ្អាក​ការចរចា​ទាំងឡាយ​ជាមួយ​វ៉ា្ល​ឌី​មៀរ ពូ​ទីន​។​

​    ​រដ្ឋមន្ត្រីក្រសួង​គ្រាអាសន្ន​គឺ​លោក Vladimir Puchkov បាន​និយាយថា "​ប្រព័ន្ធ​ការពារ​ជន​ស៊ីវិល​ដោះស្រាយ​ភារកិច្ច​ដ៏​ធំ​សម្បើម​ទាក់ទង​នឹង​ការការពារ​មនុស្ស សម្ភារៈ តម្លៃ​វប្បធម៌​នៅក្នុង​ដែនដី​នីមួយៗ​របស់​សហព័ន្ធរុស្ស៊ី​"​។ លោក​បន្ថែមថា នឹងមាន​វិធីសាស្ត្រ​គ្រប់​ជ្រុងជ្រោយ​សម្រាប់​ណែនាំ​ទៅ​ក្រុម​អ្នកជំនាញ និង​អ្នកឯកទេស​ដើម្បី​ធ្វើការ​ក្នុង​គ្រា​មាន​វិបត្តិ​។​

​    ​លោក​ក៏បាន​កត់សម្គាល់​ផងដែរ​ថា តំបន់​របស់​ប្រទេស​រុស្ស៊ី​មាន​សម្ភារៈ​គ្រប់គ្រាន់ និង​ធនធាន​ផ្សេងៗ​នៃ​ប្រព័ន្ធ​ការពារ​ជន​ស៊ីវិល​ដើម្បី​ឆ្លើយតប​ទៅនឹង​គ្រោះមហន្តរាយ​ធំៗ​យ៉ាង​រហ័ស និង​មាន​ប្រសិទ្ធភាព​៕

ប្រភព៖ ​ដេលី​មែ​ល

adverise with khmeread

មតិយោបល់