adverise with khmeread Untitled 1

Kim Kardashian នឹង​ខាត ១.០០០.០០០ ដុល្លារ​ក្នុង​មួយខែ បើ​នាង​ស្ងាត់​លើ​បណ្តាញ​សង្គម​

    ​Kim Kardashian បាន​ដកខ្លួន​ចេញពី​ក្រសែភ្នែក​សាធារណជន ក្រោយពី​ហេតុការណ៍​ប្លន់​គ្រឿងអលង្ការ​តម្លៃ ១១ លាន​ដុល្លារ​នៅផ្ទះ​ជួល​របស់​នាង​ក្នុង​ទីក្រុង​ប៉ារីស​កាលពី​យប់​ថ្ងៃ​ចន្ទ​កន្លងទៅនេះ​។ 

​    ​ការថត​កម្មវិធី​រប​ស់​នាង​លើ​កញ្ចក់​ទូរទស្សន៍​ត្រូវបាន​ផ្អាក ហើយ​នាង​ក៏​មិនបាន​បង្ហោះ​អ្វី​ថ្មី​ចូលទៅ​បណ្តាញ​សង្គម​របស់​នាង​នោះដែរ ចំពេល​ដែលមាន​ការលើក​ឡើង​ថា ការ​ញៀន​បង្អួត​ទ្រព្យសម្បត្តិ​របស់​នាង​នៅលើ Instagram និង Snapchat បានធ្វើឱ្យ​នាង​ក្លាយជា​គោលដៅ​របស់​ចោរ​។ 

​    ​ប៉ុន្តែ​សម្រាប់​មនុស្ស​ដែលមាន​មុខរបរ​ពឹង​លើ​បណ្តាញ​សង្គម ដែល​ត្រូវ​បង្ហាញ​មុខជា​សាធារណៈ​ឥតឈប់ឈរ​នោះ ការសម្រេចចិត្ត​នៅ​ស្ងាត់​ពី​សាធារណជន​នឹងធ្វើ​ឱ្យ Kim Kardashian ខាតបង់​យ៉ាងច្រើន​។ 

​    ​អ្នកជំនាញ​ព្យាករណ៍​ថា នាង​នឹង​ខាតបង់ ១ លាន​ដុល្លារ​ក្នុង​មួយខែ​។ ប្រាប់​ទៅ​ទស្សនា​វ​ដ្តី People  ទីប្រឹក្សា​ហិរញ្ញវត្ថុ​សម្រាប់​តារាៗ លោក Samuel Rad បាន​ពន្យល់ថា រាល់ Post លើ​បណ្តាញ​សង្គម​នីមួយៗ​មានតម្លៃ ២០០.០០០ ដុល្លារ​សម្រាប់តែ​ម៉ាក​យីហោ​ផលិតផល​របស់​នាង​ប៉ុណ្ណោះ មិន​គិត​ផ្ទាំង​ផ្សាយពាណិជ្ជកម្ម​ក្រុមហ៊ុន​ដទៃ​នោះទេ​។ 

​    ​ប៉ុន្តែ​លោក​បាន​បកស្រាយ​ថា ប្រសិនបើ​ដោះស្រាយបាន​ត្រឹមត្រូវ Kim Kardashian អាច​នឹង​រកលុយ​បាន​យ៉ាងច្រើន​ក្នុងពេល​ដ៏​ខ្លី​៕

 

adverise with khmeread
ប្រភព៖ Daily Mail

អ្នកនឹងចូលចិត្ត

មតិយោបល់