adverise with khmeread Unnamed %284%29

គ្រាន់តែរឿង "ហួច" សោះ! វាយតប់​គ្នា​ទៅវិញទៅមក​ ប៉ូលិស​ឃាត់ខ្លួន​ភាគី​ទាំង​២​

    ភ្នំពេញ ៖ មាន​ករណី​ហិង្សា​ដោយ​ចេតនា​វាយ​ទៅ​វា​យមក​​ បណ្តាល​ឱ្យ​រងរបួស​ទាំងសងខាង​កើតឡើង​កាលពី​ថ្ងៃទី​៤ ​ខែតុលា​ ​ឆ្នាំ២០១៦​ វេលា​ម៉ោង​៧​ និង​៣០​នាទី​យប់​កន្លងទៅ នៅ​ចំណុច​មុខផ្ទះ​ភូមិ​វិមាន​ទ្រង់​ សង្កាត់​ក្រាំងធ្នង់ ​ខណ្ឌ​សែន​សុខ ​រាជធានី​ភ្នំពេញ ត្រូវបាន​ប៉ូលិស​ឃាត់ខ្លួន​ជា​បន្តបន្ទាប់រ​ហូ​មក​ល់​ថ្ងៃទី​៧​តុលា​បាន​៦​នាក់ ។​

    ប៉ូលិស​និយាយថា ជនសង្ស័យ​ឃាត់​រួមមាន​ឈ្មោះ​ដូចខាងក្រោម​ក្រុម-ទី​១​រួមមាន​១-​ឈ្មោះ ​សយ ឡុង​ ភេទ​ប្រុស​ អាយុ​៣៦​ឆ្នាំ ​ជនជាតិខ្មែរ ​មុខរបរ​ជាងឈើ​ស្នាក់នៅ​ភូមិ​វិមាន​ទ្រង់​ សង្កាត់​ក្រាំងធ្នង់​ ខណ្ឌ​សែន​សុខ​, ២-​ឈ្មោះ​ ឌឿ​ន ស្រ៊ន់​ ភេទ​ប្រុស​ អាយុ​២៨​ឆ្នាំ ​ជនជាតិខ្មែរ​មុខរបរ​ជាងឈើ​ស្នាក់នៅ​ភូមិ​វ​មាន​ទ្រង់ ​សង្កាត់​ក្រាំងធ្នង់ ​ខណ្ឌ​សែន​សុខ។​

    -​ក្រុមទី​២​រួមមាន​១-​ឈ្មោះ ​ស៊ិន សោភា​ ភេទ​ប្រុស ​អាយុ​៥០​ឆ្នាំ ​ជនជាតិខ្មែរ ​មុខរបរ​យោធា​ស្នាក់នៅ​ភូមិ​វិមាន​ទ្រង់​ សង្កាត់​ក្រាំងធ្នង់​ ខណ្ឌ​សែន​សុខ​, ២-​ឈ្មោះ ​ខឹម នេ​រ៉ា​យុ ​ភេទ​ប្រុស​ អាយុ​២៧​ឆ្នាំ​ ជនជាតិខ្មែរ​មុខរបរ​កាត់ដេរ​ស្នាក់នៅ​ស្នាក់នៅ​ភូមិ​វិមាន​ទ្រង់ ​សង្កាត់​ក្រាំងធ្នង់​ ខណ្ឌ​សែន​សុខ​, ៣-​ឈ្មោះ ស៊ីន សីហា​ ភេទ​ប្រុស​ អាយុ​១៩​ឆ្នាំ​​ ជនជាតិខ្មែរ​ មុខរបរ​កីឡាបាល់ទាត់​ ស្នាក់នៅ​ភូមិ​វិមាន​ទ្រង់​ សង្កាត់​ក្រាំងធ្នង់​ ខណ្ឌ​សែន​សុខ​, ៤-​ឈ្មោះ ​ចេ​ត វិចិត្រ​ ភេទ​ប្រុស ​អាយុ​២៩​ឆ្នាំ​ ជនជាតិខ្មែរ ​មុខរបរ​កម្មករ​រោងចក្រ​ស្នាក់នៅ​ភូមិ​វ​មាន​ទ្រង់​ សង្កាត់​ក្រាំងធ្នង់​ ខណ្ឌ​សែន​សុខ ​និង​៥-​ឈ្មោះ ស៊ី​ន រិទ្ធី​ ភេទ​ប្រុស​អាយុ​២៤​ឆ្នាំ ​ជនជាតិខ្មែរ​មុខរបរ​កម្មករ​រោងចក្រ​ស្នាក់នៅ​ភូមិ​វិមាន​ទ្រង់​ សង្កាត់​ក្រាំងធ្នង់​ ខណ្ឌ​សែន​សុខ ​រាជធានី​ភ្នំពេញ​។ ​(​កំពុង​សម្រាក​ព្យាបាល​នៅ​មន្ទីរពេទ្យ​ព្រះកុសុមៈ​)​។​

    ចំណែក​អ្នកមាន​ស្នាក់​ស្នាម​រងរបួស​ក្រុមទី​១៖ ទី១-​ឈ្មោះ​ ឌឿ​ន ស្រ៊ន់ ​រងរបួស​ចំក្បាល​ និង​ក្រុមទី​២ មាន​ទី១-​​ឈ្មោះ​ ស៊ីន សោភា ​​រងរបួស​ចំ​ចង្កា​,​ក្បាល​, ​ទី២-​ឈ្មោះ​ខឹម នេ​រ៉ា​យុ​រងរបួស​ចំ​ភ្នែក​ និងទី​៣-​ឈ្មោះ ​ស៊ី​ន រិទ្ធី  រងរបួស​ក្បាល​,​ខ្នង​,​ស្មា​,​ចង្កេះ។​

    ប៉ូលិស​បន្តថា នៅ​ថ្ងៃទី​០៤ ​ខែតុលា​ ឆ្នាំ​២០១៦ ​វេលា​ម៉ោង​ប្រហែល​៧​ និង​៣០​នាទី​យប់​មុនពេល​កើតហេតុ​ក្រុមទី​១​មានឈ្មោះ ​ឌឿ​ន ស្រ៊ន់​,ឈ្មោះ​ នី​ ភេទ​ប្រុស​, ឈ្មោះ​វ៉ា​ ភេទ​ប្រុស​ បាន​ផឹកស្រា​បៀរ​កម្ពុជា​អស់​ចំនួន​០១​កេស​នៅ​ចំណុច​មុខផ្ទះ​កើតហេតុ​។​

    ចំណែក​ក្រុមទី​២​ដែលមាន​ឈ្មោះ​ ស៊ីន សោភា​, ​ឈ្មោះ​ខឹម នេ​រ៉ា​យុ​, ឈ្មោះ​ ស៊ី​ន សីហា, ឈ្មោះ​ ចេ​ត វិចិត្រ​ និង​ឈ្មោះ​ ស៊ីន រិទ្ធី ​បាន​កាត់​កន្លែង​ភាគ​ទី​១​កំពុង​ផឹកស៊ី​ក៏បាន​ឈ្លោះ​ជា​ពាក្យសំដី​ (​រឿង​ហួច​)​ រហូត​មានការ​វាយតប់​គ្នា​ទៅវិញទៅមក​ដោយមានរ​ងរ​បួស​ទាំងសងខាង​។​

    ចំណែក​ភាគី​ទី​២​រងរបួស​ធ្ងន់​ជាង​ភ​គីទី១​ភ្លាមនោះ​សមត្ថកិច្ច​ ​បានទទួល​ព័ត៌មាន​ទាន់​ហេតុការណ៍​បាន​ចុះ​ដល់​កន្លែងកើតហេតុ​នាំ​ភាគី​ទាំងសងខាង​យកមក​ប៉ុស្តិ៍​រដ្ឋបាល​សង្កាត់​ក្រាំងធ្នង់​ ដើម្បី​ធ្វើការ​សាកសួរ​។​ ចំណែក​ភាគី​ទី​២​ឈ្មោះ​ ស៊ី​ន រិទ្ធី​ ដោយមាន​របួសធ្ងន់​ជាង​ក្រុមគ្រួសារ​ក៏បាន​បញ្ជូនទៅ​ព្យាបាល​នៅ​មន្ទីរពេទ្យ​ព្រះកុសុមៈ។​

    លុះ​នៅ​ថ្ងៃទី​៧​ ខែតុលា ​ឆ្នាំ​២០១៦ ​វេលា​ម៉ោង​ប្រហែល​១១ ​និង​៣០​នាទី​ ឈ្មោះ​ សយ ឡុង​ ត្រូវជា​ម្ចាស់ផ្ទះ​កើតហេតុ​បាន​ចូលមក​ដោះស្រាយ​ឱ្យ​កូនចៅ​ឈ្មោះ​ ឌឿ​ន ស្រ៊ន់​ នៅ​អធិការដ្ឋាន​ពេលនោះ​ភាគី​ទី​១​បានឃើញ​ក៏​ប្រាប់​សមត្ថកិច្ច​ថា​ឈ្មោះ​ សយ ឡុង​ នេះ​ក៏បាន​យក​ដែក​ទីប​វាយ​មកលើ​បងប្រុស​របស់ខ្លួន​ឈ្មោះ​ ស៊ីន រិទ្ធី ​ពេលនោះ​សមត្ថកិច្ច​ក៏បាន​ឃាត់​ឈ្មោះ​ សយ ឡុង ​តែម្តង។​

    ក្នុងករណីនេះ​ប៉ូលិស​បាន​កសាង​សំណុំរឿង​បញ្ជូនទៅ​តុលាការ​ជា​អ្នកសម្រេច៕

adverise with khmeread

មតិយោបល់