adverise with khmeread 1

ប្រវត្តិសាស្ត្របានកើតឡើងក្នុងប្រទេសអ៊ីតាលី! អាជ្ញាកណ្តាលប្រគល់កាតបៃតងជាលើកដំបូងក្នុងក្របខ័ណ្ឌ Serie B

    ​ប្រវត្តិសាស្ត្រ​បានកើត​ឡើង​ក្នុងប្រទេស​អ៊ីតាលី​កាលពី​សប្តាហ៍​មុននេះ ខណៈដែល​ខ្សែប្រយុទ្ធ​ក្រុម Vicenza កីឡាករ Cristian Galano ទទួលបាន​កាត​ពណ៌​បៃតង​ដំបូង​គេ​បំផុត​របស់​ក្របខ័ណ្ឌ​អ៊ីតាលី Serie B សម្រាប់​ជា​រង្វាន់​ចំពោះ​ការលេង​ត្រឹមត្រូវ​។​

​    ​មន្ត្រី​អនុវត្តន៍​ច្បាប់​បានធ្វើ​សេចក្តីថ្លែងការណ៍​សម្រាប់​លី​ក​លំដាប់​ទី​ពីរ​អ៊ីតាលី​បាន​ថា គម្រោង​នេះ​នឹង​ចាប់ផ្តើម​នៅ​រដូវ​កាល​ថ្មី​នេះ ហើយ​បាន​បញ្ជាក់ថា កីឡាករ​ដែល​ទទួលបាន​កាត​ពណ៌​បៃតង​ច្រើនជាងគេ​នៅ​ចុងបញ្ចប់​រដូវ​កាល នឹង​ទទួលបាន​រង្វាន់​លើកទឹកចិត្ត​។​

​    ​កាលពី​ថ្ងៃ​អង្គារ​សប្តាហ៍​មុន គឺជា​លើកដំបូង​គេ​បំផុត​នៃ​គោលការណ៍​ថ្មី​នេះ​ដែល​បាន​ស្ថិតនៅក្នុង​សកម្មភាព ពេលដែល Galano បាន​ទទួលស្គាល់ថា ខ្សែការពារ​របស់ Virtus Entella មិនបាន​ប៉ះបាល់​នោះឡើយ ពេលដែល​អាជ្ញាកណ្តាល​លោក Marco Mainardi បានសម្រេច​ផ្តល់​បាល់​ពិន័យ​លើក​ពី​ជ្រុង​មិន​ត្រឹមត្រូវ​នោះ​៕

 

adverise with khmeread
ប្រភព៖ Goal

មតិយោបល់