adverise with khmeread 5

ជិះម៉ូតូឌុបគ្នាកិនគំនរសំរាមដួលត្រូវរថយន្តកិនបែកក្បាលស្លាប់ម្នាក់របួសម្នាក់

    ភ្នំពេញ ៖ បុរស​ម្នាក់​បាន​បែកក្បាល​ធ្លាយ​ខួរ​ស្លាប់​នៅ​និង​ស្ត្រី​ម្នាក់ទៀត​បាន​រងរបួស​ធ្ងន់​ត្រូវបាន​រថយន្ត​សាមុយ​ដឹកយក​ទៅ​សង្គ្រោះ​នៅ​មន្ទីរពេទ្យ ដោយសារតែ​ពួកគេ​ទាំង​២​នាក់​ជិះ​ម៉ូតូឌុប​គ្នា​កិន​គំនរ​សំរាម​ដែល​ចោល​លើ​ចិញ្ចើមផ្លូវ​ដួល​ទៅនឹង​ថ្នល់ ហើយ​មាន​រថយន្ត​២​គ្រឿង​បើក​ក្នុង​ល្បឿន​លឿន​ប្រជែង​គ្នា​កិន​ជនរងគ្រោះ​ស្លាប់ និង​រងរបួស ថែមទាំង​បើក​ព្យាយាម​គេច​តែ​ត្រូវ​សមត្ថកិច្ច​ដេញ​ឃាត់​បាន ។​
   គ្រោះថ្នាក់​ដ៏​គួរឱ្យរ​ន្ឋ​ត់​នេះ​បាន​កើតឡើង​កាលពី​វេលា​ម៉ោង​១​និង​៥០​នាទី​រំលង​អា​ធ្រា​ត​ឈានចូល​ថ្ងៃទី​១២ ខែមករា ឆ្នាំ​២០១៦ នៅ​ចំណុច​មុខ​ខារ៉ាអូខេ ត្រេ​ត​
​សេន​ធ័​រ តាម​បណ្តោយ​ផ្លូវជាតិ​លេខ​២ ស្ថិតក្នុង​សង្កាត់​ចាកអង្រែលើ ខណ្ឌមានជ័យ ។​
   ប៉ូលិស​និយាយថា បុរស​ជា​ជនរងគ្រោះ​ដែល​ស្លាប់​ឈ្មោះ ជា ដែន អាយុ​២៥​ឆ្នាំ ជា​មន្ត្រី​យោធា​នៅ​កងយោធពល​ខេមរភូមិន្ទ​មាន​ឋានន្តរស័ក្តិ​អនុសេនីយ៍ឯក មាន​ស្រុកកំណើត​នៅ​ភូមិ​តា​ឡឹង ឃុំ​ភ្នំ​ដិ​ន ស្រុក​គី​រី​វង្ស ខេត្តតាកែវ ។ ចំណែក​អ្នកបើករថយន្ត​បង្ក ទី​១-​ឈ្មោះ​តែម ចាន់ណា អាយុ​២២​ឆ្នាំ (​តៃកុង​)​និង ទី​២​ឈ្មោះ ប្រាក់ ឌី អាយុ​២៣​ឆ្នាំ (​ព្រូ​) អ្នក​ទាំង​២​មាន​ស្រុកកំណើត​នៅ​ស្រុក​បរសេដ្ឋ ខេត្តកំពង់ស្ពឺ ។​
    ប្រភពព័ត៌មាន​ពី​បុរស​ម្នាក់​ដែលជា​អ្នករត់ម៉ូតូឌុប​ដែល​បានឃើញ​ហេតុការណ៍​នេះ​បានឱ្យដឹងថា ដំបូង​ជនរងគ្រោះ​ខាងលើ​និង​ស្ត្រី​ម្នាក់​បាន​ជិះ​ម៉ូតូ​ម៉ាក ហុងដា​ឌ្រី​ម សេ​១២៥ ពណ៌​ខ្មៅ ស៊េរី​ឆ្នាំ​២០១៥ គ្មាន​ស្លាក​លេខ ជិះ​ឌុប​គ្នា​តាម​បណ្តោយ​ផ្លូវជាតិ​លេខ ទិសដៅ​ពី​ជើង​ទៅ​ត្បូង​។​
    ពេលមកដល់​ចំណុចកើតហេតុ​កិន​គំនរ​សម្រាម​ដែល​ចោល​លើ​ចិញ្ចើមផ្លូវ​ដួល​ទៅនឹង​ថ្នល់ ។​ពេលនោះ​មាន​រថយន្ត​២​គ្រឿង​បាន​បើក​ប្រជែង​គ្នា​ក្នុង​ល្បឿន​យ៉ាង​លឿន ដោយ​រថយន្ត​ម៉ាក​ហ៊ីយ៉ានដាយ​ធុន​ធំ​ដឹកអុស កិន​បុរសរងគ្រោះ​បណ្តាល​
​ឱ្យ​បែកក្បាល​ធ្លាយ​ខួរ​បែក​ខ្ទាត​ពេញ​ផ្លូវស្លាប់​នៅនឹងកន្លែង​កើតហេតុ​។ ចំណែក​ស្ត្រី​ម្នាក់ទៀត​រងរបួស​ធ្ងន់ ។​
    សាក្សី​ដដែល​បន្តថា ស្ត្រីជន​រងគ្រោះ​ត្រូវបាន​រថយន្ត​សាមុយ​ដឹក​យកទៅ​សង្គ្រោះ​នៅ​មន្ទីរពេទ្យ ។​ចំណែក​រថយន្ត​បង្ក​បាន​ព្យាយាម​បើក​រត់ តែ​ត្រូវ​សមត្ថកិច្ច​ដេញ​ឃាត់​បាន​នៅ​ផ្លូវជាតិ​លេខ​២ សង្កាត់​ចាក់អង្រែ​ក្រោម ជាមួយនឹង​អ្នកបើករថយន្ត​ទាំង​២​នាក់​។​
    ក្រោយមក​សមត្ថកិច្ច​ជំនាញ​បាន​ចុះមក​វាស់វែង យក​រថយន្ត​និង​ម៉ូតូ​ជាមួយនឹង​អ្នកបើករថយន្ត​បង្ក​ទាំង​២​នាក់ ទៅ​ការិយាល័យ​ចរាចរណ៍​ជើងគោក​រាជធានី​ភ្នំពេញ ដើម្បី​រង់ចាំ​ដោះស្រាយ​ទៅតាម​ផ្លូវច្បាប់ ។​ចំណែក​សព​ជនរងគ្រោះ​សមត្ថកិច្ច​ទំនាក់ទំនង​ទៅ​ក្រុមគ្រួសារ ឱ្យមក​ទទួលយក​ទៅធ្វើ​បុណ្យ​តាម​ប្រពៃណី ៕

          ប្រជាពលរដ្ឋ​បានឃើញ​ហេតុការណ៍​គ្រោះថ្នាក់​ចរាចរណ៍​នេះ​ផ្ទាល់​នឹង​ភ្នែក បាននាំគ្នា​លាន់មាត់​ថា មិនគួរណា​ដែល​អាជ្ញាធរ​ខណ្ឌមានជ័យ បណ្តែតបណ្តោយ​ឱ្យមាន​កា​របោះ​សម្រាម​គ​ដូច​ភ្នំ​លើ​ចិញ្ចើមផ្លូវ​ដូច្នេះ​សោះ ហើយ​គេ​តែង​សង្កេតឃើញ​កើតមាន​គ្រោះថ្នាក់​ចរាច​ណ៍​ជា​ញឹកញាប់​ដែល​បណ្តាលមកពី គំន​សម្រាម​ដាក់​ហូរ​ហារ​ចូលមក​ផ្លូវ ប៉ុន្តែ​មិនមាន​អាជ្ញា​ណា​អើពើ​នោះទេ ៕​

adverise with khmeread

មតិយោបល់