adverise with khmeread 1

ជួបសមត្ថកិច្ចដាក់គោលដៅអនុវត្តច្បាប់ចរាចរណ៍ជិះម៉ូតូគេចទៅប៉ះម៉ូតូ១គ្រឿងទៀតរបួសធ្ងន់

    ភ្នំពេញ ៖ បុរស​ម្នាក់​ជិះ​ម៉ូតូ​ម៉ាក​គុប​ជ្រុង​មួយគ្រឿង​អត់​មាន​ពាក់​ពួក​និង​កញ្ចក់ ពេល​ឃើញ​សមត្ថកិច្ច​ខណ្ឌ​ពោធិ៍​សែន​ជ័យ ដាក់​គោលដៅ​អនុវត្ត​ច្បាប់​ចរាចរណ៍​ផ្លូវគោក​ថ្មី​នៅមុខ​ផ្សារ​ស៊ិន​ជូ​រី​ផ្លា​ហ្សា​បាន​ជិះ​ម៉ូតូ​បត់​ក្រោយ​គេច ទៅ​ប៉ះ​ជាមួយ​ម៉ូតូ​របស់​បុរស​ម្នា​ក់ប​ណ្តា​ល​ឲ្យ​ដួល​កាលពី​វេលា​ម៉ោង ៨​និង​៤០​នាទី​យប់​ថ្ងៃទី ១១ មករា ២០១៦ នៅតាម​បណ្តោយ​ផ្លូវ​សហព័ន្ធរុស្ស៊ី​មុខកា​រ៉ា​ស់​សាំង​តូ​តា​ល់ សង្កាត់​កា​កាប ខណ្ឌ​ពោធិ​សែន​ជ័យ ។​
   ប្រភព​ព័​ត៍​មាន បាន​ឲ្យ​ដឹងថា ដំបូង​មាន​កម្លាំង​សមត្ថកិច្ច​កំពុង​ដាក់​គោលដៅ​ត្រួតពិនិត្យ និង​អនុវត្ត​ច្បាប់​ចរាចរណ៍​ផ្លូវគោក​ថ្មី​។ ខណៈពេលដែល​សមត្ថកិច្ច​កំពុងធ្វើការ គេ​ឃើញ​បុរស​ម្នាក់​ជិះ​ម៉ូតូ គុប​ជ្រុង​ពណ៌​ទឹកប៊ិច ជិះ​តាមផ្លូវ​សហព័ន្ធរុស្ស៊ី​ទិសដៅ​ពី​លិចទៅ​កើត ។​
    លុះ​មកដល់​ចំណុចកើតហេតុ ដោយ​គាត់​ខ្លាច​ប៉ូលិស​ចាប់​និង​ផាកពិន័យ ទើប​គាត់​ជិះ​បត់​ត្រឡប់ក្រោយ​បម្រុង​រត់គេច​ពី​សមត្ថកិច្ច ក៏​ជ្រុល​ទៅបុក​បុរស​ម្នាក់ទៀត ដែល​ជិះ​មក​ស្របគ្នា​ពីក្រោយ បណ្តាល​ឲ្យ​ដួល​បោក​ទៅនឹង​ថ្នល់ បែកក្បាល ហូរឈាម និង​ប៉ោង​ភ្នែក​ខាងស្តាំ ។​
   ភ្លាមនោះ​សមត្ថកិច្ច​ដែល​នៅ​ទីនោះ​បាន​ជួយ​ឃាត់​ម៉ូតូ​បង្ក​និង​ជួយ​លើក​ជនរងគ្រោះ​មក​ចិញ្ចើមផ្លូវ ព្រមទាំង​បាន​ហៅ​រថយន្ត​សាមុយ​មក​ដឹក​យកទៅ​សង្គ្រោះ​។​ក្រោយពេល​កើតហេតុ ម៉ូតូ​ទាំង​២​គ្រឿង​ត្រូវបាន​សមត្ថកិច្ច​យកមក​ទុក​នៅ​ផ្នែក​ជំនាញ​ចរាចរណ៍​ខណ្ឌ ដើម្បី​រងចាំ​ការដោះស្រាយ​គ្នា​ព្រឹក​នេះ​៕​

adverise with khmeread

មតិយោបល់