adverise with khmeread 14686670 1144324158987791 809179061 n

រថយន្ត​ប៊ី​ស៊ុយ​មី​ស៊ី បុក​ម៉ូតូ​សណ្ដោង​រ៉ឺម៉ក​បណ្ដាល​របួស​២​នាក់​នៅ​ក្រឡាញ់​

    សៀមរាប ៖ មាន​ករណី​គ្រោះថ្នាក់​ចរាចរណ៍​រវាង​រថយន្ត និង​ម៉ូតូ​សណ្ដោង​រ៉ឺម៉ក​ស្រប​ទិស​គ្នា​បណ្ដាល​ឱ្យ​អ្នកបើកបរ​ម៉ូតូ និង​អ្នករួមដំណើរ​ម្នាក់​រងរបួស​ធ្ងន់ និង​ស្រាល​កាលពី​វេលា​ម៉ោង ១៨​ និង២៥​នាទី ថ្ងៃទី​១២ ខែតុលា ឆ្នាំ​២០១៦ នៅ​ចំណុច​ខាងកើត​ស្ពាន​តា​មេ​ង​ចំងាយ ២៥០​ម៉ែត្រ​នៅលើ​ផ្លូវជាតិ​លេខ​៦ ស្រុក​ក្រឡាញ់ ខេត្តសៀមរាប។​

    លោក​វរសេនីយ៍ត្រី ជី បេង​ជន អធិការ​ស្តីទី​ស្រុក​ក្រឡាញ់​បានឱ្យដឹងថា ករណី​គ្រោះថ្នាក់​ចរាចរណ៍​ខាងលើនេះ​បណ្តាលមកពី​រថយន្ត​ម៉ាក ប៊ី​សុ​យ​មី​ស៊ី ពណ៌​ខ្មៅ ពាក់​ស្លាក​លេខ​ភំ​ពេញ 2T-3693 បើកបរ​ដោយ មនុស្ស​មិន​ស្គាល់​អត្តសញ្ញាណ បើក​ក្នុងទិសដៅ​ពី​កើ​តទៅ​លិច ក្នុង​ល្បឿន​លឿន ហើយ​បាន​ទៅបុក​ម៉ូតូ​សណ្ដោង​រ៉ឺម៉ក​ចំ​ពីក្រោយ​ពេញទំហឹង បណ្ដាល​ឱ្យ​អ្នកបើកបរ​ម៉ូតូ និង​អ្នករួមដំណើរ​ម្នាក់​រងរបួស​ធ្ងន់ និង​ស្រាល ហើយ​ត្រូវបាន​បញ្ជូនទៅ​ជួយសង្គ្រោះ និង​ព្យាបាល​ភ្លាមៗ​នៅ​មន្ទីរពេទ្យ​បង្កែក​ស្រុក​ក្រឡាញ់។ ​ចំពោះ​អ្នកបើកបរ​រថយន្ត​ក្រោយពេល​បង្កហេតុ​បាន​ចុះ​រត់​គេចខ្លួនបាត់​បន្សល់​ទុក​រថយន្ត​នៅ​កន្លែងកើតហេតុ​។​

    លោក​អធិការ​ស្តីទី​ស្រុក​ក្រឡាញ់​បាន​បញ្ជាក់ថា ជនរងគ្រោះ​ឈ្មោះ ប្រាក់ លាង ភេទ​ប្រុស អាយុ​៥៤​ឆ្នាំ ជា​អ្នកបើកបរ​ម៉ូតូ ស​ណ្ដោ​យ​រ៉ឺម៉ក និង​អ្នករួមដំណើរ​ម្នាក់ទៀត​ឈ្មោះ ខាំ សំបូរ ភេទ​ស្រី អាយុ​៤៥​ឆ្នាំ ត្រូវជា​ប្រពន្ធ​។​

    បន្ទាប់ពី​កើតហេតុ​កម្លាំង​ប៉ូលិស​ស្រុក​បាន​ចុះទៅ​ធ្វើការ​ត្រួតពិនិត្យ​វាស់វែង​រួច បាន​យក​រថយន្ត និង​ម៉ូតូ​មក​រក្សាទុក​នៅ​អធិការដ្ឋាន​ស្រុក ដើម្បី​រៀបចំ​សំណុំរឿង​តាម​នីតិវិធី​ច្បាប់។ ​ចំពោះ​អ្នកបើកបរ​សមត្ថកិច្ច​កំពុងធ្វើការ​ស្រាវជ្រាវ​យ​កមក​ផ្តន្ទាទោស​តាមច្បាប់​៕

adverise with khmeread

មតិយោបល់