adverise with khmeread 14697265 1146395985447275 974136988 o

ប៉េអឹម​ខេត្តកំពង់ឆ្នាំង​ឃាត់​ជនសង្ស័យ​២​នាក់​ពាក់ព័ន្ធ​គ្រឿងញៀន​

    កំពង់ឆ្នាំង ៖ ជនសង្ស័យ​២​នាក់ ជាប់​ពាក់ព័ន្ធ​ជាមួយ​ករណី​រក្សាទុក និង​ចែកចាយ​នូវ​សារធាតុ​ញៀន ត្រូវបាន​កម្លាំង​កងរាជអាវុធហត្ថ​ខេត្តកំពង់ឆ្នាំង សហការ​ជាមួយ កម្លាំង​កងរាជអាវុធហត្ថ​ក្រុង​កំពង់ឆ្នាំង ធ្វើការ​ឃាត់ខ្លួន វេលា​ម៉ោង៩ ​និង​២០​នាទី​យប់ ថ្ងៃទី​១៣ ខែតុលា ឆ្នាំ​២០១៦ ស្ថិតនៅ​ចំណុច​មុខផ្ទះ​សំណាក់​សាន់​ដេ​១ ស្ថិតក្នុង​ភូមិ​ទួល​ក្រឡាញ់ សង្កាត់​កំពង់ឆ្នាំង ក្រុង​កំពង់ឆ្នាំង ខេត្តកំពង់ឆ្នាំង​។ 

    លោក ឧ​ត្ត​ម​សេនីយ៍​ត្រី បានឱ្យដឹងថា ជនសង្ស័យ​ដែល​ត្រូវ​កម្លាំង​កងរាជអាវុធហត្ថ ធ្វើការ​ឃាត់ខ្លួន​នោះ រួមមាន​ឈ្មោះ៖ ១. អឿន ភា​រុន ភេទ​ប្រុស អាយុ​១៧​ឆ្នាំ ទីលំនៅ​ភូមិ​កណ្តាល សង្កាត់​ផ្សារឆ្នាំង ក្រុង​កំពង់ឆ្នាំង ខេត្តកំពង់ឆ្នាំង​ និង​២. អឹម រួន​សារុន ភេទ​ប្រុស អាយុ​២១​ឆ្នាំ ទីលំនៅ​ភូមិ​ត្រពាំង​បី សង្កាត់​ផ្សារឆ្នាំង ក្រុង​កំពង់ឆ្នាំង ខេត្តកំពង់ឆ្នាំង​។​

    លោក​ឧ​ត្ត​ម​សេនីយ៍​ត្រី បាន​បន្តទៀតថា ក្នុង​ប្រតិបត្តិ​ការបង្ក្រាប​នោះ​ផងដែរ កម្លាំង​កងរាជអាវុធហត្ថ ក៏បាន​ធ្វើការ​ចាប់យក​វត្ថុតាង មួយចំនួន​ពី​ជនសង្ស័យ​រួមមាន ១.​ថ្នាំញៀន​ប្រភេទ​ម៉ា​ទឹកកក ចំនួន​១៧​កញ្ចប់ ដែលមាន​ទម្ងន់​ស្មើ ២.៦០​ក្រាម ​និង​០២. ម៉ូតូ ចំនួន​០១​គ្រឿង​។​

    ជនសង្ស័យ និង​វត្ថុតាង ត្រូវបាន​កម្លាំង​កងរាជអាវុធហត្ថ​ខេត្តកំពង់ឆ្នាំង បាន​កសាង​សំណុំរឿង ដើម្បី​ចាត់ការ​បន្ត​តាម​នីតិវិធី៕​

adverise with khmeread

មតិយោបល់