adverise with khmeread 14724106 1147323758687831 780556644 o

វ៉ៃ​គ្នា​ក្នុង​តារាង​បាល់ទាត់​របួស​ម្នាក់​...​ប៉ូលិស​ឃាត់​២​នាក់

    ភ្នំពេញ ៖ មាន​ករណី​អំពើហិង្សា​ដោយ​ចេតនា​មួយ​កើតឡើង​នៅ​ថ្ងៃទី១៥ ​តុលា​ ឆ្នាំ​២០១៦ ម៉ោង​៥​ និង​២០​នាទី​ល្ងាច​នៅ​ចំណុច​តារាង​បាល់ទាត់​បុរី​លុ​ច្ស​សារី ផ្លូវជាតិ​លេខ​១ ភូមិ​ឬ​ស្សី​ស្រស់ សង្កាត់​និរោធ ខណ្ឌ​ច្បារអំពៅ​បណ្តាលឱ្យ​របួស​ម្នាក់ ហើយ​ប៉ូលិស​ឃាត់​បាន​២​នាក់។​

    ប៉ូលិស​និយាយថា ជនរងគ្រោះ​ឈ្មោះ ផាន់ ដា​រ៉ា ភេទ​ប្រុស អាយុ ៣២​ ឆ្នាំ ជនជាតិខ្មែរ មុខរបរ​មន្ត្រីប៉ូលិស​ស្នាក់នៅ ផ្ទះ​លេខ​៩៩ ផ្លូវ​៣៥៥ ភូមិ​ដើម​អំពិល សង្កាត់ ច្បារអំពៅ​ទី​១ ខណ្ឌ​ច្បារអំពៅ។​

    ចំណែក​ជនសង្ស័យ​២​នាក់​គឺ ១-​ឈ្មោះ ឌុ​ច ចាន់​មករា ភេទ​ប្រុស អាយុ ​៣២​ ឆ្នាំ ជនជាតិខ្មែរ មុខរបរ បើកបរ​រថយន្ត ស្នាក់នៅ​ភូមិ​អូរអណ្តូង​១ សង្កាត់​ព្រែកប្រា ខណ្ឌ​ច្បារអំពៅ​ និង​២-​ឈ្មោះ ឌុ​ច ចាន់​លីដា ភេទ​ប្រុស អាយុ ​២៥ ​ឆ្នាំ ជនជាតិខ្មែរ មុខរបរ​គ្មាន ស្នាក់នៅ​ភូមិ​អូរអណ្តូង​១ សង្កាត់​ព្រែកប្រា ខណ្ឌ​ច្បារអំពៅ។​

    ប៉ូលិស​បន្តថា នៅ​ថ្ងៃទី​១៥ ​តុលា ​ឆ្នាំ​២០១៦​ ម៉ោង​៥​ និង​២០​នាទី​ល្ងាច​ជនរងគ្រោះ និង​ជនសង្ស័យ​នាំគ្នា​លេង​បាល់ទាត់។ ​ពេល​ជនរងគ្រោះ​បណ្តើ​របាល់ ស្រាប់តែ​ជនសង្ស័យ​ឈ្មោះ ឌុ​ច ចាន់​លីដា​ យក​ជើង​ទៅ​ឆ្កឹះ​បាល់​ចេញ​ក៏​ប៉ះ​ជើង​គ្នា រួច​ជនសង្ស័យ​ឈ្មោះ ឌុ​ច ចាន់​លីដា ក៏​ស្ទុះ​ទៅ​វាយ​ជនរងគ្រោះ មួយ​ដៃ​ចំ ច​ញ្ចើ​ម​ខាងស្តាំ​បណ្តាលឱ្យ​បែកចេញ​ឈាម រួច​ក៏មាន​ការប្រតាយប្រតប់​គ្នា​ដួល​ទៅលើ​ដី ទាំងអស់គ្នា​។​

    ពេលនោះ​ជនសង្ស័យ​ឈ្មោះ ឌុ​ច ចាន់​មករា បាន​រត់​ចូលទៅ​ធាក់​ជនរងគ្រោះ​មួយ​ជើង​ចំ​ដើម ទ្រូង បណ្តាលឱ្យ​រយះ​ចេញឈាម រួច​ក៏​ត្រូវបាន​អ្នកលេង​បាល់​ផ្សេងទៀត​ជួយ​ឃាត់​បំបែកចេញ។​

    បន្ទាប់មក សមត្ថកិច្ច​ប៉ូលិស​ចុះ​ទៅដល់​ឃាត់ខ្លួន​ជនសង្ស័យ​ទាំង​២​នាក់ បញ្ជូនមក​អធិការដ្ឋាន​ប៉ូលិស​ខណ្ឌ​ច្បារអំពៅ ធ្វើការ​សាកសួរ។ ចំណែក​ជនរងគ្រោះ​ត្រូវបាន​មិត្តភក្តិ​នាំទៅ​ព្យាបាល នៅ​មន្ទីរពេទ្យបង្អែក​ច្បារអំពៅ​។​

    បច្ចុប្បន្ន​ជនសង្ស័យ​ទាំង​២​នាក់ ឃាត់ខ្លួន​បណ្តោះ អាសន្ន នៅ​អធិការដ្ឋាន​ប៉ូលិស​ខណ្ឌ​ច្បារអំពៅ ដើម្បី​ចាត់ការ​តាម​នីតិវិធី៕

ជនរងគ្រោះ

ជនសង្ស័យ


 

adverise with khmeread

មតិយោបល់