adverise with khmeread 1

ស្រុក​ខ្មែរ​មាន​រដ្ឋមន្ត្រី​ម៉ាំ​ល្ហុង ស្រុក​គេ​មាន​រដ្ឋមន្ត្រី​កាត់​ស្មៅ​!

​    ​លោក Kiyoto Saito កសិករ​វ័យក្មេង​មកពី Kengo ក្នុង​អាណាខេត្ត Yamagata ប្រទេស​ជប៉ុន កំពុង​ព្យាយាម​ផ្លាស់ប្តូរ​ផ្នត់គំនិត​ប្រជាជន​អំពី​ការងារ​កសិកម្ម​តាមរយៈ​ឈុត​អាវធំ​ដ៏​សង្ហា​របស់គាត់​។ មិន​ថា​គាត់​បើក​ត្រាក់ទ័រ កាត់​ស្មៅ ឬ ឈរលើ​ម៉ាស៊ីន​ត្រាក់ទ័រ​ព្យួរ​ស្រែ លោក Kiyoto Saito តែងតែ​ស្លៀកពាក់​ឈុត​អាវធំ​មាន​ទាំង​អាវ​ក្នុង និង​ក្រវ៉ា​ត់ក​ត្រឹមត្រូវ​ជានិច្ច នេះ​មិន​ខុស​អី​ពី​រដ្ឋមន្ត្រី​ម៉ាំ​ល្ហុង​ស្រុក​ខ្មែរ​នោះឡើយ​។ 

​    ​គ្រួសារ​របស់លោក Kiyoto Saito ធ្វើស្រែ​នៅ Kengo អស់ ៤០០ ឆ្នាំ​មកហើយ ប៉ុន្តែ​កាល​នៅ​ជំទង់ គាត់​យល់ឃើញថា​ប្រពៃណី​ជនបទ​គួរឱ្យ​ធុញទ្រាន់​ណាស់ ហើយក៏​សម្រេចចិត្ត​ទៅ​នៅ​ទីក្រុង​។ ប៉ុន្មាន​ឆ្នាំ​ក្រោយមក គាត់​បាន​វិល​ត្រឡប់មក​ស្រុកកំណើត​វិញ​ដើម្បី​បង្កើត​គ្រួសារ និង​បើក​មុខរបរ​លក្ខណៈ​គ្រួសារ ប៉ុន្តែ​គាត់​សម្រេចចិត្ត​ច្នៃប្រឌិត​ការងារ​នោះ​ឱ្យ​ប្លែក​ពី​គេ​។ 

​    ​គំនិត​ក្នុងការ​ស្លៀកពាក់​ឈុត​ធំ​ធ្វើស្រែ​ដំបូង​ឡើយ​គ្រាន់តែ​ជាការ​លេងសើច​ប៉ុណ្ណោះ​។ ថ្ងៃមួយ នៅ​តុ​អាហារ​ថ្ងៃត្រង់ បងប្រុស​គាត់​និយាយ​កំប្លែង​លេង​ថា ធ្វើស្រែ​ពាក់​អាវធំ​មិនដឹង​ឡូយ​យ៉ាងណា ប៉ុន្តែ Kiyoto Saito យល់ថា​គំនិត​នេះ​ល្អ​សម្រាប់​គាត់​។ គាត់​យល់ឃើញថា​គំនិត​នេះ​ជា​មធ្យោបាយ​ដ៏​ល្អឥតខ្ចោះ​ដើម្បី​ផ្លាស់ប្តូរ​ផ្នត់គំនិត​ប្រជាជន​អំពី​ការធ្វើ​កសិកម្ម​ក្នុងប្រទេស​ជប៉ុន​។ 


​    ​
​    ​លោក​បាន​ប្រាប់​ទូរទស្សន៍ Zoomin TV ថា "​មនុស្ស​ភាគច្រើន​គិតថា​កសិករ​មានខ្លួន​ប្រាណ​កខ្វក់​ពេញ​មួយថ្ងៃ និង​រកលុយ​មិនបាន​ច្រើន​ទេ​។ ខ្ញុំ​ចង់ឱ្យ​ក្មេងៗ​គិតថា ការធ្វើ​ស្រែ​ពិតជា​សប្បាយ​ណាស់​"៕ 

 

adverise with khmeread

មតិយោបល់