adverise with khmeread Costa and conte

Diego Costa ត្រូវបាន​ព្រមាន បន្ទាប់ពី​ធ្វើ​កាយវិកាឱ្យ​លោក Conte ចូលមក​លេង​ជំនួស​

​    ​កីឡាករ​ខ្សែប្រយុទ្ធ Diego Costa ត្រូវបាន​ប្រាប់ឱ្យ​បង្ហាញ​ការគោរព​និង​ចៀសវាង​កាយវិការ​បែប​កំហឹង​បន្ទាប់ពី​បាន​ប៉ះទង្គិច​ជាមួយ​លោក Antonio Conte ជា​សាធារណៈ​។​

​    ​កីឡាក​រូបនេះ​បាន​បញ្ចេញ​កំហឹង​និង​ស្រែក​ដាក់​គ្រូបង្វឹក​ក្លឹប Chelsea រូបនេះឱ្យ​ចូល​មកលេង​ជំនួស​ខ្លួន អំឡុងពេល​ប្រកួត​ជាមួយ​ក្រុម Leicester កាលពី​យប់​ថ្ងៃ​សៅរ៍​។ កាយវិការ​នេះ​ជា​ចំណុច​គួរ​ឱ្យចាប់អារម្មណ៍​ដែល​ធ្វើ​ឱ្យ​គេ​នឹកឃើញ​ដល់​ការបញ្ចេញ​កំហឹង​ដាក់គ្នា​រវាង​ខ្សែប្រយុទ្ធ​រូបនេះ​និង​អតីត​គ្រូបង្វឹក​លោក Jose Mourinho កាលពី​ឆ្នាំមុន​។​

​    ​លោក Conte បាន​សម្រាល​ស្ថានការណ៍​ដោយ​ប្រើ​កាយវិកា​បែប​អស់​សំណើ​ច​ បន្ទាប់ពី​ក្រុម​របស់លោក​ឈ្នះ ក្រុម Leicester ៣-០ ដោយ​អះអាងថា Costa ព្យាយាម​គេច​ពី​កាត​លឿង​លើក​ទី​៥​នៅ​រដូវ​កាល​នេះ​ដែល​អាចធ្វើ​ឱ្យ​កីឡាករ​រូបនេះ​ជាប់​បម្រាម​មួយ​ប្រកួត​និង​ខកខាន​ការប្រកួត​ជាមួយ​ក្រុម Man Utd ។​

​    បន្ទាប់ពី​ការប្រកួត​នេះ​លោក Conte បង្ហាញ​អារម្មណ៍​មិនសូវ​ពេញចិត្ត​ចំពោះ​កូនក្រុម ជាពិសេស​ចំពោះ Costa ដោយ​លោក​បាន​បញ្ជាក់ថា លោក​យល់ថា កាយវិកា​បែបនេះ​គឺ​មិនអាច​ទទួលយក​បានទេ​៕

adverise with khmeread

អ្នកនឹងចូលចិត្ត

មតិយោបល់