adverise with khmeread Mu

ប្រិយមិត្ត​ក្រុម​បិសាច​ប្រៀបធៀប​ទម្រង់​លេង​របស់ Rooney និង Smalling ក្រោយ​ចប់​ការប្រកួត​

​បណ្តា​អ្នកគាំទ្រ​របស់​ក្រុម​បិសាច​ក្រហម Manchester United បាន​វាយតម្លៃ​ទៅលើ​កីឡាករ Wayne Rooney ហើយ​និង Chris Smalling ថា​ពួកគេ​បាន​ប្តូរ​រូប​កាយ​គ្នា​អំឡុង​ពេលដែល​ក្រុម​របស់​ពួកគេ​បាន​តាម​ស្មើ​ក្រុម Newcastle ក្នុង​លទ្ធផល ៣-៣ ក្នុង​ទឹកដី St James’ Park ។​

​កីឡាករ​ខ្សែប្រយុទ្ធ Wayne Rooney រកបាន​គ្រាប់​បាល់​ចំនួន ២ គ្រាប់​និង​បញ្ជូន​បាល់​ឲ្យ​ដៃគូ​ស៊ុត​បញ្ចូល​ទី ១ គ្រាប់ ហើយ​បានផ្តល់​នូវ​ទម្រង់​លេង​ដ៏​ល្អ​ទៅដល់​ក្រុម​អ្នកគាំទ្រ​ក្រុម​បិសាច​ក្រហម​ដែល​កម្រ​នឹង​បានឃើញ​ពី​សំណាក់​ប្រធាន​ក្រុម​របស់​ពួកគេ​។​

​ទោះជា​យ៉ាងណាក្តី កីឡាករ Chris Smalling ដែល​ត្រូវគេ​សរសើរ​សឹងតែ​មិន​ដាច់​ពី​មាត់​កាលពី​ចាប់ផ្តើមបាន​ពាក់កណ្តាល​រដូវ​កាល ស្រាប់តែ​ស្រុតចុះ​ទម្រង់​លេង​នៅ​តំបន់​ការពារ​យ៉ាងខ្លាំង​ទៅវិញ​។ ខ្សែការពារ​កណ្តាល​ជម្រើសជាតិ​អង់គ្លេស​មួយ​នេះ​បាន​បង្កើត​កំហុស​ដ៏​អាក្រក់​មួយ ដោយបាន​ខ្ទាស់​ជើង​កីឡាករ Paul Dummett ឲ្យ​ដួល​ក្នុង​តំបន់​គ្រោះថ្នាក់ ធ្វើ​ឲ្យ​មាន​បាល់​ពិន័យ ១១ ម៉ែត្រ​ទៅកាន់​ក្រុម Newcastle ។​

​ប្រិយមិត្ត​ខ្លះ​បាន​សរសេរ​លើ Twitter ថា Rooney យក​ទម្រង់​លេង​របស់ Smalling ឆ្នាំ​២០១៥ ហើយ Smalling យក​ទម្រង់​លេង​របស់ Rooney ឆ្នាំ​២០១៥ វិញ​។ ហើយ​នេះ​ជា​ប្រតិកម្ម​របស់​បណ្តា​អ្នកគាំទ្រ​ក្រុម​បិសាច​ក្រហម​អំពី​ទម្រង់​លេង​របស់​កីឡាករ​ទាំងពីរ​៖ 

adverise with khmeread
ប្រភព៖ មេត្រូ

មតិយោបល់