adverise with khmeread 14803048 1153699764716897 181870465 o

ព្រះសង្ឃ​មួយអង្គ​លោត​ពីលើ​ដងទង់​កម្ពស់​ ៥០ ​ម៉ែត្រ​សុគត​

    តាកែវ​ ៖ ព្រះសង្ឃ​មួយអង្គ​បានធ្វើ​អត្តឃាត​ដោយ​លោត​ពីលើ​ដងទង់​ដែលមាន​កម្ពស់​ប្រហែល​៥០​ម៉ែត្រ បាន​បង្កឱ្យមាន​ការភ្ញាក់ផ្អើល​ ​នៅក្នុង​វត្ត​សម្ដេច​ពាន់ ស្ថិតក្នុង​ឃុំ​ក្ដា​ញ់ ស្រុក​ព្រៃកប្បាស កាលពី​ល្ងាច​ថ្ងៃទី​២០ ខែតុលា ​ឆ្នាំ​២០១៦​កន្លងទៅនេះ។​

    លោក ជុំ​ ឈឿន អធិការ​ស្រុក​ព្រៃកប្បាស​បានឱ្យដឹងថា ភិក្ខុ​ដែល​ធ្វើអត្តឃាត​មាន​ព្រះនាម ម៉េង សា​ម៉ី​ឌី មាន​ព្រះ​ជ​ម្មា​យុ​២៤​ព្រះវស្សា ដែល​គង់​ចាំ​ព្រះវស្សា​ក្នុង​វត្ត ស្ថិតក្នុង​ភូមិ​ឃុំ​កើតហេតុ​ខាងលើ បាន​ឡើង​ទៅលើ​ដងទង់​នៅក្នុង​វត្ត​ដែលមាន​កម្ពស់​ប្រហែល​៥០​ម៉ែត្រ រួច​លោត​ចុះមក​ក្រោម​បណ្ដាលឱ្យ​សុគត។​

    ក្នុង​ហេតុការណ៍​នេះ​មិនមាន​អ្នកណា​ដឹងថា​ព្រះសង្ឃ​នោះ​មាន​វិបត្តិ​អ្វី​នោះទេ ទើបបានជា​ធ្វើអត្តឃាត​បែបនេះ។​

    អ្នកឃើញ​ហេតុការណ៍​បាន​ប្រាប់​សមត្ថកិច្ច​ថា មុនពេល​កើតហេតុ​គេ​ឃើញ​ព្រះសង្ឃ​ខាងលើ​បាន​កាន់​កាំបិតផ្គាក់​មួយ​ដើម រួច​និមន្ត​ឡើង​ទៅលើ​ដងទង់​នោះ​។ ពេល​ឡើងលើ​ទៅដល់​ក៏​ស្រែកថា "លា​ហើយ​អ្នក​ទាំងអស់គ្នា" រួច​លោត​ចុះមក​ក្រោម​បណ្ដាលឱ្យ​សុគត​តែម្ដង៕


 

adverise with khmeread

មតិយោបល់