adverise with khmeread 14805599 1155522767867930 2103633008 n

បុរស​ម្នាក់​ជិះ​ម៉ូតូ​បុកកង់​ពីក្រោយបណ្ដាលឱ្យលោកតា​ម្នាក់​ស្លាប់​ភ្លាមៗ របួសធ្ងន់ខ្លួនឯង ចៃដន្យមានរថយន្តមកកិន​ពីលើ​ថែមទៀត (​មាន​វីដេអូ​)

    ភ្នំពេញ ៖ លោកតា​ម្នា​ក់បាន​ស្លាប់​ភ្លាម​នៅនឹងកន្លែង​កើតហេតុ ចំណែក​បុរស​អ្នកបើក​ម៉ូតូ​រងរបួស​ធ្ងន់ ត្រូ​វ​បាន​រថយន្ត​សាមុយ​ដឹកយក​ទៅ​សង្គ្រោះ​នៅ​មន្ទីរ​លោកសង្ឃ បន្ទាប់ពី​បើក​ម៉ូតូ​បុក​កង់​ពីក្រោយ។​

    គ្រោះថ្នាក់​ចរាចរណ៍​នេះ​បាន​កើតឡើង​នៅវេលា​ម៉ោង​២​ ​និង​៤៥​រំលង​អា​ធ្រា​ត​ឈានចូល​ថ្ងៃទី​២៤ ​ខែតុលា ​ឆ្នាំ​២០១៦​ តាម​បណ្ដោយ​ផ្លូវជាតិ​លេខ​៣ ត្រង់ចំណុច​ជិត​មុខ​ក្រុមហ៊ុន​អេស​ប៊ី អា​ហរ​ណ៍​នី​ហរ​ណ៍​ដឹក​ជ​ញ្ជូន​ស្ថិតក្នុង ភូមិ​ពងទឹក សង្កាត់​ពងទឹក ខណ្ឌដង្កោ រាជធានី​ភ្នំពេញ។​

    ប្រភពព័ត៌មាន​នៅ​កន្លែងកើតហេតុ​បានឱ្យដឹងថា មុន​កើតហេតុ​លោកតា​ជិះ​កង់​ម្នាក់ឯង​ទិសដៅ​ពី​ត្បូង​ទៅ​ជើង។ លុះ​មកដល់​ចំណុចកើតហេតុ​ស្រាប់​តែមាន​ម៉ូតូ​មួយគ្រឿង​ម៉ាកវីវ៉ា​ពណ៌​ខ្មៅ​ពាក់​ស្លាក​លេខ​ភ្នំពេញ​ 1K-7754​ ជិះ​ម្នាក់ឯង​​ស្រប​ទិស​ដៅគ្នា​ជាមួយកង់។ ហើយបាន​បុក​ពីក្រោយ​ពេញទំហឹង​បណ្ដាលឱ្យ​លោកតា​ ដួល​បោក​បែកក្បាល​ស្លាប់​ភ្លាមៗ​នៅនឹងកន្លែង​កើតហេតុ​តែម្ដង។​

    ចំណែក​បុរស​បង្កហេតុ​រងរបួស​ធ្ងន់​ ហើយ​ត្រូវ​រថយន្ត​មក​កិន​ពីលើ​ថែមទៀត។ ​បន្ទាប់មក​ត្រូវបាន​រថយន្ត​សង្គ្រោះ​ដឹក​យកទៅ​សង្គ្រោះ​នៅ​មន្ទីរពេទ្យ​លោកសង្ឃ​តែ​មិន​សង្ឃឹមថា​អាច​សង្គ្រោះបាន​នោះទេ​ព្រោះ​ស្ថានភាព​ធ្ងន់ធ្ងរ​ពេក​។​

    រីឯ​សព​លោកតា​រងគ្រោះ​មិនបាន​ស្គាល់​អត្តសញ្ញាណ​អាយុ​ប្រហែល​៧០​ឆ្នាំ​ជាង។ ​ចំណែក​បុរស​បង្ក​មិន​ស្គាល់​អត្តសញ្ញាណ​ដូចគ្នា។​

    ក្រោយ​កើតហេតុ​សមត្ថកិច្ច​មូល​ដ្ឋា​ន​បានមក​ដល់​ហើយ​បាន​ទំនាក់​ទំ​ង​ទៅ​សមត្ថកិច្ច​ជំនាញ​មក​ធ្វើការ​វាស់វែង​យក​ម៉ូតូ​បង្ក​និង​កង់​ទៅ​រក្សាទុក​នៅ​ការិយាល័យ​ចរាចរណ៍​រាជធានី​ភ្នំពេញ​។ ចំណែក​សព​លោកតា​រងគ្រោះ​ត្រូវ​សមត្ថកិច្ច​យកទៅ​តម្កល់​នៅ​វត្ត​ទឹកថ្លា​សង្កាត់​ទឹកថ្លា​ខណ្ឌ​សែន​សុខ​រងចាំ​ស្រាវជ្រាវ​រក​សាច់ញាតិ៕​

 

adverise with khmeread

មតិយោបល់