Cristiano ronaldo real madrid athletic bilbao la liga 23102016 ewzhwy2sng7f1g6wku8nyueun

Ronaldo មិនដែល​ចាប់ផ្តើម​រដូវ​កាល​អន់​ដូច​ពេលនេះ​ទេ

    ​អធិរាជ​ស Real Madrid ប្រហែលជា​ឈ្នះ Bilbao ឡើងទៅ​កំពូល​តារាង​នៃ​លី​ក​កំពូល​អេ​ស្ប៉ា​ញ La Liga កាលពី​យប់មិញ​នេះ​ពិតមែន ប៉ុន្តែ​អ្វីៗ​មិន​រលូន​នោះឡើយ ជាមួយ​តួអង្គ​សំខាន់​របស់​ពួកគេ​។​

​    ​Cristiano Ronaldo ពិត​ជាមាន​ទម្រង់​លេង​មិនល្អ​នោះឡើយ​ចាប់តាំងពី​ការចាប់ផ្តើម​រដូវ​កាល​ថ្មី​នេះ ហើយ​បច្ចុប្បន្ន​ការអះអាង​ជា​ផ្លូវការ​កំណត់ថា នេះ​ជាការ​ចាប់ផ្តើម​រដូវ​កាល​ថ្មី​ដ៏​អន់​បំផុត​របស់គាត់ ចាប់តាំងពីរ​ការចូល​រួមជាមួយ​នឹង​ក្លឹប​យក្ស​អេ​ស្ប៉ា​ញ​មួយ​នេះ​។​

​    ​ប្រធាន​ក្រុម​ព័រ​ទុយ​ហ្គា​ល់​រូបនេះ អា​ចរក​គ្រាប់​បាល់​បានត្រឹមតែ​ពីរ​គ្រាប់​ប៉ុណ្ណោះ​ក្នុងការ​ប្រកួត​ចំនួន​ប្រាំមួយ​ប្រកួត​ដំបូង​របស់ខ្លួន ដែលជា​ពិន្ទុសរុប​ទាប​បំផុត​របស់គាត់​មិន​ធ្លាប់​មាននៅ​ក្លឹប​។​

​    ​ដោយ​ធ្វើការ​ប្រៀបធៀប​ក្នុង​សប្តាហ៍​ស្រដៀង​គ្នា​នេះ​ក្នុង​រដូវ​កាល ២០១៤-១៥ Ronaldo អា​ចរក​គ្រាប់​បាល់​ដ៏​គួរឱ្យភ្ញាក់ផ្អើល​ជាស្រេច​ជាមួយ​ចំនួន ១៣​គ្រាប់ ខណៈដែល​រដូវ​កាល​មុន គាត់​អាច​ស៊ុត​បញ្ចូល​ទី​យ៉ាងហោចណាស់​ប្រាំមួយ​គ្រាប់​ផងដែរ​ក្នុង​ការប្រកួត​ចំនួន​ប្រាំមួយ​លើក​របស់ខ្លួន​។​

​    ​គាត់​ក៏បាន​បរាជ័យ​ក្នុងការ​ស៊ុត​បញ្ចូល​ទី​ផងដែរ​ក្នុងការ​ប្រកួត​ចំនួន​បួន​ប្រកួត​ចុងក្រោយ​នៅលើ​ទឹកដី Santiago Bernabeu ដែលជា​សញ្ញាណ​ដទៃទៀត​នៃ​ប្រវត្តិសាស្ត្រ​ដ៏​មិនគួរ​ឱ្យ​ជឿ​របស់គាត់​។​

​    ​បន្ថែម​ពីលើ​នេះ គាត់​មិនមាន​សំណាង​ច្រើន​នោះឡើយ​ជាមួយ​បាល់​នៅ​នឹង​ជើង​របស់ខ្លួន ដែល​គាត់​អាច​សម្រេចការ​អូស​បាល់​ត្រឹមតែ​បី​ដង​ប៉ុណ្ណោះ​នៃ​ការប៉ុនប៉ង​ចំនួន ១៥​លើក ក្នុង La Liga ដែល​ទទួលបាន​កម្រិត​ត្រឹមតែ ២០​ភាគរយ​ប៉ុណ្ណោះ​។​

​    ​Lionel Messi បច្ចុប្បន្ន​បាន​នាំមុខ​ក្នុង​តារាង​ប្រជែង​ពានរង្វាន់​បុគ្គល Pichichi ជាមួយនឹង​គ្រាប់​បាល់​ចំនួន​ប្រាំពីរ​គ្រាប់ ដែល​តាម​ពីក្រោយ​យ៉ាង​កៀក​កិត​ដោយ​មិត្ត​រួម​ក្រុម Barcelona របស់គាត់ Luis Suarez ។​

​    ​ទន្ទឹមនឹង​នេះដែរ Ronaldo បច្ចុប្បន្នកំពុង​នឹងត្រូវ​បាន​ប្រកួតប្រជែង​ជាមួយនឹង​អ្នករក​គ្រាប់​បាល់​តិច​បំផុត ដែលជា​ខ្សែការពារ​របស់ Barcelona កីឡាករ Gerard Pique ដែល​បាន​ស្ថិតនៅក្នុង​ចំណាត់ថ្នាក់​ទី ៣៤​ដូចគ្នា រួមជាមួយ​នឹង Sergio Ramos, Hugo Mallo និង Raul Garcia ៕
 

អ្នកនឹងចូលចិត្ត

មតិយោបល់