adverise with khmeread Unnamed %281%29

ខូច​ម៉េះ​!!! ​ស្រវឹងស្រា​សុំ​ផ្ទះ​គេ​ដេក​ហើយ​...​រំលោភ​កូនក្រមុំ​គេ​ទៀត​

    កណ្តាល ៖ យុវជន​ម្នាក់​ស្រវឹងស្រា​ចូល​ផ្ទះ​យប់​ពេក​បងប្អូន​បិទទ្វារ​ចោល បែកគំនិត​សុំ​​ផ្ទះ​អ្នកជិតខាង​ដេក ឆ្លៀត​ឱកាសល្អ​ក៏បាន​ចាប់រំលោភ​កូនស្រី​ម្ចាស់ផ្ទះ​ដែលមាន​សតិ​មិន​ប្រក្រតី រហូតដល់​នាង​មាន​ផ្ទៃពោះ​៥​ខែ ត្រូវបាន​ឪពុកម្តាយ​ខាង​ស្រី​ប្តឹង​ឱ្យ​សមត្ថកិច្ច​ឃាត់ខ្លួន​នា​ថ្ងៃទី​២៤ ​តុលា​ ឆ្នាំ​២០១៦។​

    ប៉ូលិស​និយាយថា ករណី​រំលោភ​សេពសន្ថវ​:​កើតឡើង​នៅ​ថ្ងៃ​មិន​ចាំ ក្នុង​ខែឧសភា ឆ្នាំ​២០១៦ វេលា​ម៉ោង​១១​ និង​៥០​នាទី យប់​ចំណុច​ផ្ទះ​ជនរងគ្រោះ ភូមិ​ព្រែក​ហូរ​លិច សង្កាត់​ព្រែក​ហូរ ក្រុង​តាខ្មៅ ខេត្តកណ្តាល ។​

    ប៉ូលិស​បន្តថា ជនរងគ្រោះ​ឈ្មោះ​​ ​វ​.​ស​.​រ​.​វ ភេទ​ស្រី អាយុ​២១​ឆ្នាំ (​មាន​ផ្ទៃពោះ​៥​ខែ មាន​សតិ​មិន​ប្រក្រតី​) មាន​ទីលំនៅ​ភូមិ​ព្រែក​ហូរ​លិច សង្កាត់​ព្រែក​ហូរ ក្រុង​តាខ្មៅ ខេត្តកណ្តាល​។​

    ចំណែក​ជនសង្ស័យ​ឈ្មោះ ប៉ោក ទុយ ភេទ​ប្រុស អាយុ​៣០​ឆ្នាំ មាន​ស្រុកកំណើត​ភូមិ​ត្រពាំង ឃុំ​ប្រាំបី​មុំ ស្រុក​ទ្រាំង ខេត្តតាកែវ ដែល​បច្ចុប្បន្ន ស្នាក់នៅ ភូមិ​ព្រែក​ហូរ​លិច សង្កាត់​ព្រែក​ហូរ ក្រុង​តាខ្មៅ ខេត្តកណ្តាល មុខរបរ​​កម្មករសំណង់​។​

    ប៉ូលិស​បន្តថា នៅវេលា​កើតហេតុ​ខាងលើ ជនល្មើស​បាន​ផឹក ស្រា​ស្រវឹង​ជោក​ខ្លួន​លុះ​ទៅដល់​ផ្ទះ​យប់​ពេក​ត្រូវ បងប្អូន​បិទទ្វារ​ចោល ក៏បាន​ទៅសុំ​ផ្ទះ​ជនរងគ្រោះ​ដេក​ដោយ​ផ្ទះ​ជនល្មើស និង​ជនរងគ្រោះ​នៅ ជិតគ្នា​(​រំលង​១​ផ្ទះ​)​។​

    លុះដល់​ពេលយប់​ជ្រៅ​ជនល្មើស​បាន​ចូលទៅ​ធ្វើ​សកម្មភាព ចាប់រំលោភ​ជនរងគ្រោះ​បានសម្រេច​ចំនួន​១​ដងដោយ ពេលនោះ​ឱកាសល្អ ព្រោះ​ជនសង្ស័យ​បាន ដេក​នៅ​គ្រែ​ជាប់​គ្រែ​ជនរងគ្រោះ​ដែរ។​

    នៅពេលនោះ ឪពុកម្តាយ​ជនរងគ្រោះ ក៏​បានដឹង​ហេតុការណ៍​នេះដែរ តែ​មិនមាន​ធ្វើការ ប្តឹង​សមត្ថកិច្ច​ទេ ដោយ​យល់ថា​កូន​ខ្លួន​ជា​មនុស្ស​វិកល​ច​រិ​ក។ ​លុះ​ប៉ុន្មាន​ខែក្រោយ​មក ជនរងគ្រោះ​មាន​ផ្ទៃពោះ​កាន់តែ​ធំ​ឡើងៗ ទើប​នៅ​ថ្ងៃទី​២៤ ខែតុលា ឆ្នាំ​២០១៦ ម្តាយ ជនរងគ្រោះ​បានមក​ដាក់ពាក្យ​បណ្តឹង​នៅ​ប៉ុស្តិ៍​ប៉ូលិស​រដ្ឋបាល​ព្រែក​ហូរ ធ្វើការ​ស្រាវជ្រាវ​ឃាត់ខ្លួន​ជនសង្ស័យ ធ្វើការ​សាកសួរ រួច​បញ្ជូន​មកកាន់​អធិការដ្ឋាន​ប៉ូលិស​ក្រុង​តាខ្មៅ​ដើម្បី​ចាត់ការ​តាម​នីតិវិធី​។​

    នៅ​ចំពោះមុខ​សមត្ថកិច្ច​ជនល្មើស​បាន​ឆ្លើយ​សារ ភាព​ថា​ខ្លួន​ពិតជា​បានធ្វើ​សកម្មភាព​រំលោភ​ទៅ លើ​ជនរងគ្រោះ​ពិតប្រាកដ​មែន ដោយសារ​ខ្លួន​ស្រវឹងស្រា ចំពោះ​បញ្ហា​គ្រឿងញៀន​វិញ ខ្លួន​មិន​ធ្លាប់ប្រើ​ប្រាស់​ឡើយ​៕

adverise with khmeread

មតិយោបល់