adverise with khmeread Unnamed %281%29

កីឡាករ កីឡាការិនី​ម្ចាស់ផ្ទះ​កម្ពុជា​ធ្លាក់​ចេញពី​វគ្គ​ជម្រុះ​ព្រឹត្តិការណ៍​ទេព​ឃុន​ណា Memorial Cup I.T.F Junior 2016

    ភ្នំពេញ ៖ កីឡាករ​អាយុ​ក្រោម ​១៨ ​ឆ្នាំ​របស់​កម្ពុជា​៣​រូប​បាន​ធ្លាក់​ចេញ​ត្រឹម​វគ្គ​ជម្រុះ​ជុំ​ដំបូង​កាលពី​ម្សិលមិញ នៅ ក្នុង​ព្រឹត្តិការណ៍​អន្តរជាតិ Tep Khunnah Memorial Cup I.T.F Junior 2016 នៅ Cambodia Country Club ខណៈ​កីឡាការិនី​ប្រកួត​លើ​វិ​ញ្ញា​វាយ​គូរ​ក៏​ធ្លាក់​ដែរ​។​

    កីឡាករ ទេព ធី​ម៉ូ​ធី ប្រកួត​ចាញ់​កីឡាករ​មកពី​ប្រទេស​ហ្វីលីពីន ម៉ា​ញ៉ូ​អែល ដែលមាន​លេខ​រៀង នៅក្នុង ចំណាត់ថ្នាក់​ពិភពលោក​១៨៩៩ ក្នុង​លទ្ធផល ២​សិត​០ ក្នុង​ពិន្ទុ​៦​ទល់​០ និង​៦​ទល់​០​ដូចគ្នា​។ 

    កីឡាករ ឈាង វ៉ាន​សិទ្ធ ក៏បាន​ប្រកួត​ចាញ់​កីឡាករ​មកពី​ជប៉ុន Watanabe Ryo ដែលមាន​តារាង​ចំណាត់​ពិ​ភាព​លោក​៨២៧ ក្នុង លទ្ធផល​២​សិត​ទល់​០ ក្នុង​ពិន្ទុ​៦​ទល់​៣ និង​៦​ទល់​២​។ 

    ឡេង សារិន​រាជ ប្រកួត​ចាញ់​កីឡាករ​មកពី​ចិន​តៃប៉ិ kuyi hsien ដែលមាន​ចំណាត់ថ្នាក់​ក្នុង​តារាង​ពិភពលោក​២២៩២ ក្នុង​ពិន្ទុ​៦​ទល់​១ និង​៦​ទល់​២​។​

    ចំណែកឯ​វិញ្ញាសា ប្រកួត​វាយ​គូ​នារី កីឡាការិនី ហូ ស្រី​និ​ច និង​កីឡាការិនី ហូ ស្រី​ពៅ ប្រកួត​ចាញ់​កីឡាការិនី​មកពី​ប្រទេស​ជប៉ុន ក្នុង​ពិន្ទុ ៦​ទល​០ និង​៦​ទល់​០​ដូចគ្នា​ដែរ​។​

    លោក ទេព រិ​ទ្ធិ​វិ​ទ្ធ អគ្គលេខាធិការ​សហព័ន្ធ​កីឡា​វាយ​កូន​បាល់​កម្ពុជា​មានប្រសាសន៍​ថា នេះ​ជា ការប្រកួត​ដ៏​តឹងតែង​មួយ​រវាង​អ្នក​វាយ​កូន​បាល់​ជំនាន់​ក្រោយ​ដែលមាន​អាយុ​ចាប់ពី​១៤​ទៅ​ក្រោម​១៨​ឆ្នាំ​។ 

    លោក​បន្ថែមថា ទោះបីជា​កីឡាករ​កីឡាការិនី​កម្ពុជា​មិនបាន​ឡើងទៅ​វគ្គ​បន្ត​ក៏ដោយ និង​មិន​ទទួលបាន​លទ្ធ ផល​ល្អប្រសើរ​ក៏ដោយ ក៏​នេះ​ជា កាតព្វកិច្ច​របស់​សហ​ព័ន្ធ​កីឡា​វាយ​កូន​បាល់​កម្ពុជា ក្នុងការ​បណ្តុះ​សមត្ថភាព ពួកគេ​ឆ្ពោះទៅរក​ភាពខ្លាំង​នាពេល​អនាគត​។​

    អគ្គលេខាធិការ​រូបនេះ​អះអាងថា ការធ្វើជា​ម្ចាស់ផ្ទះ​ទទួលបាន​ផលចំណេញ​ច្រើនណាស់ ព្រោះ​យើង មានឱកាស​ដាក់​កីឡាករ​-​កីឡាការិនី​វ័យក្មេង​របស់​យើង​បាន​លេង​ច្រើន និង​ទទួលបាន​នូវ​បទពិសោធន៍​ថ្មីៗ​ពី​បណ្តា​ប្រទេស​នានា ដែល​មក​ចូលរួម​។ 

    ពេលនេះ​កម្ពុជា​បាន​ប្ដេជ្ញាចិត្ត​ធ្វើជា​ម្ចាស់ផ្ទះ​ឲ្យ​បានល្អ ដើម្បី​ឆ្នាំក្រោយ បានទទួល​សិទ្ធិ​ធ្វើជា​ម្ចាស់ផ្ទះ​បន្តទៀត​។ លោក​បញ្ជាក់ថា​ឆ្នាំក្រោយ​មាន​៥​ព្រឹត្តិការណ៍​ឯណោះ ហេតុ នេះ​ឆ្នាំនេះ​យើង​ត្រូវតែ​ធ្វើ​ឲ្យ​បានល្អ ។​

    សូមបញ្ជាក់ថា ព្រឹត្តិការណ៍​នេះ មាន​កីឡាករ កីឡាការិនី វ័យក្មេង មកពី​ប្រទេស​ថៃ ហ្វីលីពីន ម៉ាឡេស៊ី សឹង្ហ​បូរី ចិន ហុងកុង ម៉ា​កាវ ជប៉ុន កូរ៉េ អាមេរិក អូស្ដ្រាលី និង​ស៊ុយអែត ដែល​កីឡាករ​សរុប​៤៧​នាក់ និង កីឡាការិនី ៣៧​នាក់​៕

adverise with khmeread

មតិយោបល់