adverise with khmeread Untitled 1

ដូ​ណា​ល់​ត្រាំ​និយាយ​ថាបើ​ហ៊ីល​ឡា​រី​គ្លី​ន​តុ​ន​ជាប់ឆ្នោត​នឹង​កើត​សង្គ្រាមលោកលើកទីបី​

    ​យោងតាម​ប្រភពព័ត៌មាន BBC ចេញផ្សាយ​ថ្ងៃ​ពុធ​នេះ​បានឱ្យដឹងថា បេក្ខជនប្រធានាធិបតី​របស់​បក្ស​សាធារណរដ្ឋ លោក​ដូ​ណា​ល់ ត្រាំ និយាយថា ផែនការ​គោលនយោបាយ​របស់លោក​ស្រី ហ៊ីល​ឡា​រី គ្លី​ន​តុ​ន ក្នុងប្រទេស​ស៊ី​រី​អាច​នឹង​បង្ក​សង្គ្រាមលោកលើកទីបី​។ 

​    ​លោក​ត្រាំ​និយាយថា អាមេរិក​គួរ​ផ្តោតលើ​ការបំបាក់​ក្រុម​អាយ​ស៊ី​ស ជាជាង​បញ្ចុះបញ្ចូល​ឱ្យ​ប្រធានាធិបតី​ស៊ី​រី បា​សា អាល់​អាស្សាដ ចុះ​ចេញពី​តំណែង​។ 

​    ​លោកស្រី​គ្លី​ន​តុ​ន​បានស្នើ​ឱ្យមាន​តំបន់​គ្មាន​ការហោះហើរ​លើ​ប្រទេស​ស៊ី​រី ដែល​អ្នកខ្លះ​និយាយថា អាច​នាំឱ្យមាន​ជម្លោះ​ជាមួយ​យន្តហោះ​ចម្បាំង​រុស្ស៊ី​។ 

​    ​យុទ្ធនាការ​របស់លោក​ស្រី​គ្លី​ន​តុ​ន​បាន​ចោទ​ដូ​ណា​ល់ ត្រាំ​ថា "​លេងល្បែង​បំភ័យ​ពលរដ្ឋ​អាមេរិក​"​។ 

​    ​លោក​ត្រាំ​ក៏បាន​វាយប្រហារ​អ្នក​នៅ​បក្ស​សាធារណរដ្ឋ​ផងដែរ ដែល​មិន​រួបរួមគ្នា​នៅ​ពីក្រោយ​បេក្ខភាព​របស់លោក​។ 

​    ​លោក​ត្រាំ​បាន​ប្រាប់​ទីភ្នាក់ងារសារព័ត៌មាន​រ៉​យ​ទ័​រ​នៅ​រមណីយដ្ឋាន Trump National Doral ក្នុង​ទីក្រុង​ម៉ៃ​អា​មី រដ្ឋ​ផ្លរីដា យ៉ាង​ដូច្នេះ "​ប្រសិនបើ​យើង​មានការ​ឯកភាព​បក្ស យើង​នឹងមិន​ចាញ់​ហ៊ីល​ឡា​រី គ្លី​ន​តុ​ន ក្នុងការ​បោះឆ្នោត​ទេ​"​។​

​     លោក​ត្រាំ​បាន​តម្លើង​សំឡេង​ខ្លាំងៗ ពេល​រិះគន់​ផែនការ​របស់​បេក្ខជន​បក្ស​ប្រជាធិបតេយ្យ ហ៊ីល​ឡា​រី​គ្លី​ន​តុ​ន ដើម្បី​គ្រប់គ្រង​ដែនអាកាស​ស៊ី​រី​។ 

​    ​លោក​ត្រាំ​និយាយថា "​អ្នកនឹង​ទៅរក​សង្គ្រាមលោកលើកទី​បី​នៅ​ស៊ី​រី ប្រសិនបើ​យើង​ស្តាប់​ហ៊ីល​ឡា​រី គ្លី​ន​តុ​ន​។ អ្នក​មិនមែន​វាយ​ស៊ី​រី​ទៀត​ទេ អ្នក​កំពុង​ប្រយុទ្ធ​ជាមួយ​ស៊ី​រី រុស្ស៊ី និង​អ៊ីរ៉ង់ ត្រូវ​ទេ​? រុស្ស៊ី​ជា​ប្រទេស​នុយក្លេអ៊ែរ​មួយ ប៉ុន្តែ​ប្រទេសមួយ ដែល​ប្រើ​នុយក្លេអ៊ែរ​ប្រឆាំង​ប្រទេស​មួយទៀត​ទើប​ជា​បញ្ហា​"​។ 

​    ​លោក​ត្រាំ​ក៏​លើកឡើង​ដែរ​ថា លោកស្រី​គ្លី​ន​តុ​ន​នឹង​មិនអាច​ជជែក​ជាមួយ​ប្រធានាធិបតី វ្ល៉ា​ឌី​មៀរ ពូ​ទីន បានឡើយ បន្ទាប់ពី​ការរិះគន់​ខ្លាំងៗ​របស់លោក​ស្រី​ទៅលើ​លោកពូ​ទីន​៕

ប្រភព៖ BBC

adverise with khmeread

អ្នកនឹងចូលចិត្ត

មតិយោបល់