adverise with khmeread Unnamed

ប៉ូលិស​ស្រុក​បារាយណ៍​ឃាត់​បាន​ចោរលួច​ម៉ូតូ​ម្នាក់​

    កំពង់ធំ ៖ ជនសង្ស័យ​ម្នាក់​ត្រូវបាន​ប៉ូលិស​ស្រុក​បារាយណ៍ ចាប់ខ្លួន​កាលពី​ថ្ងៃទី​២៦​ តុលា​ ឆ្នាំ​២០១៦ បន្ទាប់ពី​បានធ្វើ​សកម្មភាព​លួច​ម៉ូតូ​អ្នកភូមិ​ដែល​ចត​ទុក​នៅក្បែរ​សំយាបផ្ទះ នៅ ភូមិ​ល្បើក ឃុំ​គគី​ធំ ស្រុក​បារាយណ៍ ខេត្តកំពង់ធំ។​

    ប៉ូលិស​និយាយថា ដំបូង​សមត្ថកិច្ច​បានទទួល​ប​ណ្តឹ​ង​ពី​ប្រជាពលរដ្ឋ​ឈ្មោះ ​ស្រ៊ុន ស្រេង ភេទប្រុស អាយុ៣៥​ឆ្នាំ​ទីលំនៅៗ ភូមិ​ល្បើក ឃុំ​គគី​ធំ ស្រុក​បារាយណ៍ ថា​គាត់​បាត់​ម៉ូតូ ១​គ្រឿង​ម៉ាក់​C100 ​កូរ៉េ​ពណ៌​ក្រហម ​(​ចាស់​) ​លេខ​ម៉ាស៊ីន 1276355 លេខ​តួ​រលុប​នៅ​យប់​ថ្ងៃទី២៥ ​តុលា​ ឆ្នាំ​២០១៦(​មិនដឹងថា​បាត់​ម៉ោង​ប៉ុន្មាន​) លុះ​ព្រឹក​ម៉ោង​ម៉ោង​០៦​ទើប​ដឹងថា​បាត់​។​

    ក្រោយ​ទទួល​បណ្តឹង​ប៉ូលិស​បានធ្វើការ​ស្រាវជ្រាវ រហូតដល់​ម៉ោង​១១​ និង​៥០​នាទី​ទើប​ឈានទៅ​ឃាត់​មុខសញ្ញា​លួច​ម៉ូតូ​បាន​នៅតាម​ផ្លូវ​ចំណុច​ភូមិ​ដោម​ ឃុំ​បាក់ស្នា ​ស្រុក​បារាយ​ណ៌​។​

    ប៉ូលិស​បន្តថា ជនសង្ស័យ ឈ្មោះ ទុយ វី ភេទប្រុស ​អាយុ២១ឆ្នាំ​នៅ​ភូមិ​ទូក​ពីរ ឃុំ​គរ​គី​ធំ​ ស្រុក​បារាយ​ណ៍ព្រមទាំង​វត្ថុតាង ម៉ូតូ​C100 កូរ៉េ របស់​ជនរងគ្រោះ​។​

    តាម​ចម្លើយ​ជនសង្ស័យ​បាន​សារភាពថា មុន​កើតហេតុ​ខ្លួន​បាន​ខ្ចី​ម៉ូតូ​វ៉េវ​របស់​ជីតា​ជិះ ពី​ភូមិ​ទូក​ពីរ​ដើរលេង​ហើយ​បាន​យក​ម៉ូតូ​ខ្លួន​យកទៅ​បញ្ចាំ​នៅ​ភូមិ​កើតហេតុ​ចំនួន ២០ ម៉ឺន​រៀល។​

    បន្ទាប់មក​នៅវេលា​ម៉ោង​ប្រហែល៧ ​ទៅ​៨​យប់​បាន​លួច​ម៉ូតូ​C100​ កូរ៉េ​ដែល​ជនរងគ្រោះ​ទុក​នៅ​សំយាបផ្ទះ​រួច​ជិះ​ទៅ​ដេក​ជាមួយ​ស្រី ​KARAOK នៅ​អូរ​ឆ្អេះ​ ឃុំ​ក្រយា​ ស្រុក​សន្ទុក រហូតដល់​ម៉ោង​១១​ជាង​ទើប​ជិះ​ចេញ​មកដល់​ចំណុច​ភូមិ​ដោម​ឃុំ​បាក់ស្នា ស្រុក​​បារាយណ៍ ទើប​សមត្ថកិច្ច​បាន​ឃាត់​ហើយ​បញ្ជូនមក​អធិការដ្ឋាន​ដើម្បី​កសាង​សំណុំរឿង​ទៅ​តុលាការ​តាម​និតិ​វិធី៕

adverise with khmeread

មតិយោបល់