adverise with khmeread 14

ម្តាយ​យ៉ាងម៉េច​កូន​អ៊ីចឹង​! កូនស្រី​ច្បង​របស់ Jolie ដើរ​ចែកទាន​ដល់​កុមារ​ក្រីក្រ​កម្ពុជា​

​    ​កូនស្រី​ច្បង​ពីរ​នាក់​របស់​អ្នកនាង Angelina Jolie ឈ្មោះ Shiloh និង Zahara បាននាំគ្នា​ធ្វើ​គន្លង​សប្បុរសធម៌​ម្តាយ​របស់ខ្លួន​តាមរយៈ​ការចែក​ទាន​ដល់​គ្រួសារ​កុមារ​ក្រីក្រ​កម្ពុជា​។ 

​    ​កូនស្រី​ច្បង​ទាំងពីរ​របស់​តារា​ហូលីវូដ​រូបនេះ​ត្បិតតែ​រស់នៅ​ទ្រនំ​ដ៏​ប្រណីត​ក៏ពិតមែន​ប៉ុន្តែ​បាន​បង្កើត​ភាពស្និទ្ធស្នាល​ជាមួយ កុមារ​ក្រីក្រ​មួយចំនួន​ពេល​កំពុង​ស្ថិតនៅក្នុង​តំបន់​អាស៊ីអាគ្នេយ៍ ខណៈ​ម្តាយ​របស់ខ្លួន​កំពុង​ផលិត​ភាពយន្ត​ថ្មី​រឿង "First They Killed my Father"​។ 

​    ​ក្មេងស្រី​កម្ពុជា​ឈ្មោះ សួន លីដា អាយុ ១៦ ឆ្នាំ ដែលមាន​បងប្អូន​ប្រុស​ស្រី ១២​នាក់ បាន​ដើរ​សំដៅ​រក Shilosh អាយុ ៩ ឆ្នាំ និង Zahara អាយុ ១០ ឆ្នាំ នៅពេល​កូនស្រី​ចិត្តល្អ​ទាំងពីរ​នាក់​នេះ និង​ឪពុក Brad Pitt ឈប់​ទិញ​ការ៉េម​ញ៉ាំ​នៅ​ក្រុង​សៀមរាប​។ ខណៈនោះ​កូន​ចូ​លី​ទាំងពីរ​ចាប់ផ្តើម​កើត​អារម្មណ៍​ក្តុកក្តួល​អាណិតអាសូរ​យ៉ាងខ្លាំង​ចំពោះ​ក្មេងៗ​ទាំងនោះ រហូតដល់​បានកើត​គំនិត​ជួយ​ទិញ​ខោអាវ​ស្បែកជើង​ដល់​ពួកគេ​តែម្តង​។ 

​    ​Shiloh និង Zahara បាន​នាំ​ក្មេងៗ​ក្រីក្រ​ចេញ​ក្រៅ​ទៅ​ទិញ​ខោអាវ​តម្លៃ​សរុប ២០០ ដុល្លារ ទៅលេង​ហ្គេម និង​ទិញ​កង់​ថ្មី​ពីរ​គ្រឿង​ឱ្យ​ថែមទៀត​។ 

​    ​លីដា​បាន​ប្រាប់​កូនស្រី​ចូ​លី​ថា "​យើង​មាន​កង់​កញ្ចាស់​តែមួយ​ទេ​នៅក្នុង​គ្រួសារ​ទាំងមូល ដូច្នេះ​កង់​នេះ​គឺជា​កាដូ​ដ៏​អស្ចារ្យ​សម្រាប់​ពួក​ខ្ញុំ​។ Shiloh និង Zahara ព្រមទាំង​គ្រួសារ​គឺជា​មនុស្ស​ល្អ​ណាស់​។ យើង​ស្គាល់​ពួកគាត់​យូរហើយៗ​ឥឡូវ​ពួកគាត់​បាន​ជួយ​យើង​។ ខ្ញុំ​បាន​លេង​ជាមួយ Shiloh និង Zahara​។ ពួកគេ​ជួប​យើង​ក្នុង​ក្រុង​សៀមរាប ហើយ​យើង​បាន​ប្រលែង​លេង​ជាមួយគ្នា​។ ពួកគេ​បាន​នាំ​យើង​ទៅលេង​ហ្គេម​ក្នុង​មជ្ឈមណ្ឌល​អង្គរ ពួកគេ​ទាំងអស់​សុទ្ធតែជា​មនុស្ស​ល្អ​។ ខ្ញុំ​ចូលចិត្ត​ណាស់​ពួកគេ​ពេល​លេង​បាល់​ជាមួយគ្នា​"៕ 

adverise with khmeread
ប្រភព៖ ដេលីមែល

មតិយោបល់