adverise with khmeread 9

ក្រៅពី​ជំនាញ​សិល្បៈ កញ្ញា​ដួង ហ្សូ​រី​ដា​នៅមាន​ចំណេះ​ខាង​ថែរក្សា​សក់​ទៀត​, តោះ​មើល​ការបង្ហាញ​របស់​នាង​!

​    ​កាលពី​ព្រឹក​ថ្ងៃ​ព្រហស្បតិ៍​នេះ ពិធី​ការិនី​ពោរពេញ​ដោយ​ទេពកោសល្យ កញ្ញា​ដួង ហ្សូ​រី​ដា​បានធ្វើ​ការឆ្លើយតប​ទៅកាន់​អ្នកគាំទ្រ​ជាច្រើន​ដែល​ចោទសួរ​អំពី​គន្លឹះ​ថែរក្សា​សក់​ឱ្យ​ស្អាត​ដូច​នាង​តាមរយៈ Inbox ក្នុង​ហ្វេ​ស​ប៊ុ​ក​ផ្លូវការ​របស់​នាង​។  

​    ​នាង​បានចាប់ផ្តើម​ឆ្លើ​ត​តប​ជាមួយនឹង​ឃ្លា​ជា​ភាសា​អង់គ្លេស​លើ​ហ្វេ​ស​ប៊ុ​ក​ដែល​មានន័យថា អរុណសួស្តី​អ្នក​ទាំងអស់គ្នា​...!!! អរុណសួស្តី​មិត្ត​នារី​ស្រស់ស្អាត​ទាំងអស់គ្នា​...!!! 

​    ​នាង​បាន​និយាយថា "​មាន Fans ជាច្រើន​ជាពិសេស​ស្រីៗ Inbox មក​សួរ​អំពី​វិធី​យ៉ាងណា​ទើប​អាច​បាន​សរសៃសក់​ស្អាត​ហើយ​វែង ពណ៌​ខ្មៅក្រឹប​ដូច​នាង​ខ្ញុំ​នោះ ..? ហើយ​ក៏មាន​អ្នកខ្លះ​និយាយ​លេង​បន្លំ​មែន​ថា ចង់បាន​សក់វែង វែង​បាន​តើ គឺ​ដាក់​សក់​ត​ភ្លាមៗ​លើ​ក្បាល​ទៅបាន​វែង​ហើយ​..!!!"

​    ​នាង​បន្តទៀតថា "​សម្រាប់​សក់​ត​បន្ថែម នាង​ខ្ញុំ​ក៏មាន​ដូចគ្នា ប៉ុន្តែ​ជាទូទៅ​មិនសូវ​បាន​ប្រើ​ទេ​ព្រោះ​សក់​ធម្មជាតិ​ខ្ញុំ​វែង​ស្រាប់​ហើយ ប្រើតែ​ក្នុងករណី​ត្រូវ​មូល​រួញ ឬ​ធ្វើ​សក់​ច្រើន ដើម្បី​ជៀសវាង​ការ​ប៉ះ​ផ្ទាល់​ជាមួយ​ស​សៃ​សក់​ធម្មជាតិ​ខ្ញុំ​ប៉ុណ្ណោះ​។​
​ពេលនេះ​ខ្ញុំ​សុំ​ចែករំលែក​បទពិសោធន៍​ផ្ទាល់ខ្លួន​របស់ខ្ញុំ​ដោយ​មិនបាន​បិតបាំង ចង់​ល្អ​អី​តែម្នាក់អែង​នោះទេ​..! ក្រៅ​អំពី​សក់ខ្មៅ​ដូច​រាល់ថ្ងៃ ខ្ញុំ​ក៏​ធ្លាប់​លាប​ពណ៍ ហៃ​ឡាញ ឆ្កឹះ​សក់ និង​លេង​ម៉ូត​ជាច្រើន​ដូច​យុវតី​យើង​នាពេល​បច្ចុប្បន្ន កំពុងតែ​និយម​នា​ពេក​ឥឡូវ​នេះដែរ ប៉ុន្តែ​ជាង ៥-៦​ឆ្នាំ​ចុង​ក្រោយនេះ ខ្ញុំ​បាន​រក្សា​ពណ៌​សក់​ធម្មជាតិ (​ខ្មៅ​) ដោយ​មិនដែល​រវីរវល់​រឿង​ប្តូរ​ពណ៍​សក់​ទៀតឡើយ​"​។ 

     ​រួច​ក្រោយមក​នាង​ក៏បាន​និយាយ​ឡង់សេ​ដើម្បី​បង្អួត​អ្នកគាំទ្រ​នាង​ទៀតថា នាង​សង្កេតឃើញថា​សក់​របស់​នាង​អាច​ជៀស​ផុតពី​បញ្ហា សក់​ជ្រុះ​មិន​ដុះ​មកវិញ សក់​ស្តើង​ហើយ​ផុយស្រួយ បែក​ចុង មាន​អង្គែ ។​ល​។ បន្ទាប់ពី​បាន​អនុវត្ត​វិជ្ជា​គុន​ថ្មី​របស់​នាង​រួចមក​នោះ​។  

​    ​តោះ​នាំគ្នា​មើល​ពី​វិធី​ថ្មី​របស់​កញ្ញា​ដួង ហ្សូ​រី​ដា​ដូចខាងក្រោម​៖ 

​វិធី​ថែទាំ​សក់​: 
- កក់សក់ ៣​ដង​/​សប្តាហ៍ ជាមួយ​ការបន្ទន់​សក់ បន្ថែម​ប្រេង​អូ​លីវ​
- អប់​សក់​ជាមួយ​ស្រា​បៀរ​ដែលមាន​ជាតិ​ស្រូវ​សាឡី​ច្រើន បន្ថែម​ប្រេង​អូ​លីវ (​អប់​ត្រជាក់ មិន​ប្រើ​ម៉ាស៊ីន​ក្តៅ​អប់​ទេ​) 
- រាល់ពេល​កក់​ហើយ ផ្លុំ​ឱ្យ​ស្ងួត​ល្មម បន្ថែម​ប្រេង​អូ​លីវ​ដាក់​បាតដៃ​តិចៗ​លាប​ចុង​សក់​
- ព្យាយាម​ជៀសវាង​ការ​កិប​រួញ កៀប​ត្រង់ ដោយ​កំដៅ​ក្តៅ​ខ្លាំងពេក (​ធ្វើឱ្យ​សក់​ស្រួយ​បែក​ចុង​) 
- ព្យាយាម​កុំ​ធ្វើ​ម៉ូត​សក់​ណា​ដែល​សាប់​សក់​ឱ្យ​ជំពាក់ ហើយ​ប្រើ​ស្ពៃ​ណែ​ត​ច្រើនពេក​
- កុំឱ្យ​ស្សា​ហ៍​ប្តូរ​ពណ៌​សក់​ច្រើនពេក បើ​ចង់​ប្តូរ​ពី​ពណ៌​មួយ​ទៅ​ពណ៌​មួយ សូម​ទុក​ឱ្យបាន​៣​ខែ​សិន​ចាំ​ប្តូរ 
- បើ​អាច​ជៀសបាន កុំ​ជ្រើស​យក​ការប្រើ​ពណ៌​លាង​សក់​ដើម្បី​ឱ្យបាន​ពណ៌​សក់​ដូច​តម្រូវការ​
- ឧស្សាហ៍​តម្រឹម​សក់​ក្នុងអំឡុងពេល ៣​ខែម្តង​
- ញ៉ាំ​ទឹក​អោយបាន​ច្រើន ទឹក​មិន​ត្រឹមតែ​ផ្តល់​សំណើម​ឱ្យ​ស្បែក​ទេ ថែមទាំង​ជួយ​ឱ្យ​ស្បែក​ក្បាលមាន​សំណើម​ជាតិ​ទឹក​គ្រប់គ្រាន់ មិន​ធ្វើឱ្យ​ស្បែកក្បាល​ស្ងួត មាន​អង្កែរ ដែល​បណ្តាលឱ្យ​ជ្រុះ​សក់​។​
- ប្រសិនបើ​អ្នក​មិនមែនជា​បុគ្គល​ដែល​ពូកែ​ញុំ​បន្លែ ផ្លែឈើ សម្បូរ​វីតាមីន​ច្រើន​ទេ អាច​ជ្រើសរើស​ប្រភេទ​អាហារ​បំពេញបន្ថែម (Supplements) មួយចំនួន​មក​ទទួលទាន​ដែល​អាច​ជំនួយ​ដល់ សក់ ស្បែក ក្រចក ប៉ុន្តែ​ជាទូទៅ​អាចធ្វើឱ្យ​យើង​ឡើង​គីឡូ​តិចតួច​។ 

​    ​ក្រោយពី​ធ្វើការ​ណែនាំ​វិធី​ថែរក្សា​សក់​រួច នាង​ក៏បាន​និយាយ​បញ្ជាក់ដែរថា វិធី​របស់​នាង​អាច​នឹងមិន​ត្រូវ​ជាមួយ​សក់​របស់​មនុស្ស​គ្រប់គ្នា​ទេ ហើយ​ថា​ប្រសិនបើ​លោកអ្នក​មាន​បញ្ហា​សក់​ក្បាល​ធ្ងន់ធ្ងរ ដូច​ជាការ​ជ្រុះ​សក់​មិន​ដុះ​ឡើងវិញ រឺ​បញ្ហា​ដទៃទៀត សូម​ទៅ​ពិគ្រោះ​ជាមួយ​វេជ្ជបណ្ឌិត​ជំនាញ កុំ​បន្ត​ប្រើប្រាស់​ផលិតផល​មួយចំនួនទៀត​៕  

​    ​តើ​អ្នក​ទាំងអស់គ្នា​យល់​យ៉ាងណាដែរ គួរ​ធ្វើ​សាកល្បង​តាម​កញ្ញា ដួង ហ្សូ​រី​ដា ឬទេ​? 

adverise with khmeread

មតិយោបល់