adverise with khmeread Index

អតីត​វីរៈបុរស Man Utd និយាយថា​ចង់ឱ្យ Bale មក​ទឹកដី Old Trafford ត្រូវ​រង់ចាំ​១​លាន​ឆ្នាំ​ទៀត​

អតីត​វីរៈ​តារាបាល់ទាត់​នៃ​ទឹកដី Old Trafford លោក David May បាន​អះអាងថា​កីឡាករ​ខ្សែប្រយុទ្ធ Gareth Bale នឹងមិន​ចូលរួម​លេង​ក្រុម Manchester United នោះឡើយ​បើ​ស្ថិតក្រោម​ការដឹកនាំ​រប​ស់លោក Luis van Gaal ដោយ​លោក​ពោល​ពាក្យ​ឌឺដង​ថា "​ត្រូវ​រង់ចាំ​មួយ​លាន​ឆ្នាំ​ទៀត​"​។​

​បច្ចុប្បន្ន​អតីត​ខ្សែការពារ​ក្រុម​បិសាច​ក្រហម​រូបនេះ​គឺជា​អ្នកវិភាគ​បាល់ទាត់​អាជីព​ម្នាក់​ឲ្យ​ស្ថានីយ៍ទូរទស្សន៍​របស់​ក្រុម Manchester United (MUTV) ។ គាត់​បាន​អះអាងថា "​ដូចជា​គ្មាន​ឃើញ​កីឡាករ​ខ្សែប្រយុទ្ធ Gareth Bale របស់​ក្រុម​អធិរាជ​ស Real Madrid ឬក៏​កំពូល​តារាបាល់ទាត់​កំពូលៗ​របស់​ពិភពលោក​ដ៏ទៃទៀត​មាន​ចំណាប់អារម្មណ៍​ចង់​មកលេង​ឲ្យ​ក្រុម​បិសាច​ក្រហម​បច្ចុប្បន្ន​នេះឡើយ​។ ជាពិសេស​ប្រសិនបើ​ពួកគេ​មិនអាច​ដណ្តើម​កៅអី​ទៅលេង​នៅ​ពានរង្វាន់​កំពូល​ប្រចាំ​តំបន់​អ៊ឺរ៉ុប Champions League នា​រដូវ​កាល​ក្រោយ​បានទេ​នោះ​"​។

​លោក David May គឺជា​អតីត​កីឡាករ​បាល់ទាត់​មួយ​រូបនេះ​ធ្លាប់​បានឈ្នះ​ពានរង្វាន់​លី​ក​កំពូល​ប្រទេស​អង់គ្លេស Premier League ពីរលើក និង​ខាប់​ក្នុងស្រុក FA Cup ពីរលើក​ឲ្យ​ក្រុម Manchester United ។ ហើយក៏​ជា​សមាជិក​ម្នាក់​ដែល​បាន​លើក​ពាន​កំពូល Champions League វគ្គ​ផ្តាច់ព្រ័ត្រ​ដែល​ប៉ះ​ជាមួយ​ក្រុម Bayern Munich នា​អំឡុង​ឆ្នាំ ១៩៩៩ នៅ​ទីក្រុង Barcelona ប្រទេស​អេ​ស្ប៉ា​ញ​ផងដែរ​៕

adverise with khmeread
ប្រភព៖ Mirror

មតិយោបល់