1

ឃាត់​មនុស្ស​៣​នាក់​ជួញ​គ្រឿងញៀន​ដ៏​ធំ​នៅ​ពញាឮ​

     កណ្តាល​៖ សមត្ថកិច្ច​ចម្រុះ​ស្រុក​ពញាឮ​និង​ខេត្តកណ្តាល​កាលពី​វេលា​ម៉ោ​ង ៩​និង​១០​នាទី​ព្រឹក​ថ្ងៃទី​១៤​មករា​ឆ្នាំ​២០១៦​បាន​សហការ​បង្ក្រាប​ក​រ​ណី​ជួញដូរ​គ្រឿងញៀន​ដ៏​ធំ​មួយ​ដោយ​ឃាត់ខ្លួន​មនុស្ស​៣​នាក់​និង​វត្ថុតាង​ដ៏​ច្រើនសន្ធឹក​សន្ធាប់ នៅ​ចំណុច​ភូមិ​ពោធិ​មង្គល ឃុំ​ព្រែកតាទែន ស្រុក​ពញាឮ ខេត្តកណ្តាល ។​
   កិច្ចប្រតិបត្តិការ​​ដឹកនាំ​ដោយ  ១-​លោក គុជ គឹម​ឡុង ព្រះរាជអាជ្ញារង ២-​លោក ផាន់ ពិសិដ្ឋ ក្រឡាប​ញ្ចី​៣-​លោក វរសេនីយ៍ទោ ភឿង ម៉ៅ​នាយ ការិយាល័យ​ប្រឆាំង​គ្រឿងញៀន ៤-​លោក វរសេនីយ៍ទោ គឹម ឡេង នាយរង​កា​រិ​យាល័យ ៥-​លោក វរសេនីយ៍ទោ ដួង តេង អធិការ​ស្រុក ៦-​លោក ជ័យ ស្រង់ អធិការរង​ព្រហ្មទណ្ឌ ៧-​លោក ផុន តារា នាយប៉ុស្តិ៍​ព្រែកតាទែន  និង​ឯកភាព​ពី​លោក លឹម សុគ​ន្ថា ព្រះរាជ​អ​ជ្ញា​អម សាលាដំបូង​ខេត្តកណ្តាល​។​
    សមត្ថកិច្ច​បាន​ឲ្យ​ដឹងថា ជនសង្ស័យ​មាន​គ្នា ៣​នាក់​១-​ឈ្មោះ ជិន ប៊ុន​ណា ភេទ​ប្រុស អាយុ​៤២​ឆ្នាំ ជា​ប្តី ២-​ឈ្មោះ ដែង សុភា​រី ភេទ​ស្រី អាយុ​៣២​ឆ្នាំ ជា​ប្រពន្ធ​និង​៣-​ឈ្មោះ​ជិន ស្រី​នាង ភេទ​ស្រី អាយុ​១៦​ឆ្នាំមាន​ទីលំនៅ​ភូមិ ឃុំ​កើតហេតុ​។​
   វត្ថុតាង​ដកហូត​បាន​មាន​៖​ម្ស៉ៅ​ក្រាម​ព​ណ៍ស ០១​កញ្ចប់​ធំ​,​រថយន្ត ០២ គ្រឿង​ម៉ាក CAMRY ពាក​ផ្លាកលេខ ភ្នំពេញ 2I 2021​និង​ម៉ាក​LUXIS​ពាក់​ផ្លាកលេខ​2K 5247,​ទូដែក​ចំនួន ០១​គ្រឿង ម៉ាក​AIKO ។​
   សមត្ថកិច្ច​បន្តថា នៅ​ថ្ងៃខែ​ឆ្នាំ​កើតហេតុ​ខាងលើ​កម្លា​ងរ​បស់ ការិយាល័យ​ប្រឆាំង​គ្រឿងញៀន​ក្រសួង​បាន​ចុះបង្ក្រាប​មុខសញ្ញា​ជួញដូរ​គ្រឿង​ញៀ​បាន​១​នាក់​
​នៅ​ចំណុច​ផ្លូវ​ជា​សុផារ៉ា​ក្រុងភ្នំពេញ និង​បន្ត​មក​ឆែកឆេរ​ផ្ទះ​ជនសង្ស័យ​នៅ​ចំណុច​ភូមិ ពោធិ​មង្គល ឃុំ​ព្រែកតាទែន ស្រុក​ពញាឮ ហើយ​បាន​ដកហូត​គ្រឿងញៀន និង​វត្ថុតាង​ដូចខាងលើ​ព្រមទាំង​ឃាត់ខ្លួន​បាន​ជនសង្ស័យ​ចំនួន​៣​នាក់​។ ​រួច​បញ្ជូន​ការិយាល័យ​ប្រឆាំង​គ្រឿងញៀន​ចាត់ការ​បន្ត​៕

 

មតិយោបល់