adverise with khmeread Unnamed %283%29

ឱ្យមើល​ផ្ទះ មើល​កូន ដាំបាយ​បែរជា​មកលេង​បៀរ​ឱ្យ​ប៉ូលិស​ចាប់​ខ្មាស់​គេ​

    កណ្តាល ៖ ស្ត្រី​ ៩ ​នាក់​ត្រូវបាន​ប៉ូលិស​ស្រុក​កោះធំ​ចាប់ខ្លួន​ពាក់ព័ន្ធ​លេងល្បែង​ស៊ីសង​បៀរ និង កន្ទុយលេខ  ២​លើក​នៅ​វង់ល្បែង​ផ្សេងគ្នា​នៅ​ស្រុក​កោះធំ​កាលពី​ម្សិលមិញ។​

    ១- ស្ត្រី ​៦ ​នាក់​ត្រូវបាន​ប៉ូលិស​ឃាត់ខ្លួន​ពាក់ព័ន្ធ ផ្ដល់​ទីតាំង​ឱ្យ​លេង និង​លេង​ល្បែងស៊ីសង​ខុសច្បាប់​ល្បែង​បៀរ​កាលពី​ថ្ងៃទី០៣  វិច្ឆិកា ឆ្នាំ ២០១៦ វេលា​ម៉ោង១ និង១០ នាទី​រសៀល​នៅ​ចំណុច​ផ្ទះ​របស់​ឈ្មោះ ជ ហួយ ភូមិ​កំពង់​សំបួរ​ក្រោម ឃុំ​ព្រែក​ថ្មី ស្រុក​កោះធំ ខេត្តកណ្តាល​។​

    ប៉ូលិស​និយាយថា ជនសង្ស័យ ចំនួន ០៦ នាក់​គឺ ១-​ឈ្មោះ ជ ហួយ ភេទ​ស្រី អាយុ៥១ឆ្នាំ ជនជាតិ ខ្មែរ មាន​ទីលំនៅ ភូមិ​ឃុំ​កើតហេតុ​ខាងលើ មុខរបរ លក់ដូរ (​ចាប់​ឃាត់ខ្លួន​),២-​ឈ្មោះ ផាន ចាន់​ធី ភេទ​ស្រី អាយុ ៣៥​ឆ្នាំ ជនជាតិ ខ្មែរ មាន​ទីលំនៅ​ភូមិ​កំពង់ស្វាយ​ក្រោម ឃុំ​ព្រែក​ថ្មី ស្រុក​កោះធំ ខេត្តកណ្ដាល​មុខរបរ កសិករ​(​ចាប់​ឃាត់ខ្លួន​), ៣-​ឈ្មោះ គាន ថន ភេទ​ស្រី អាយុ៤២​ឆ្នាំ ជនជាតិខ្មែរ មាន​ទីលំនៅ​ភូមិ​កំពង់​សំបួរ​ក្រោម ឃុំ​ព្រែក​ថ្មី ស្រុក​កោះធំ ខេត្តកណ្ដាល​ មុខរបរ មេផ្ទះ (​ចាប់​ឃាត់ខ្លួន​), ៤-​ឈ្មោះ ថុង ស្រ៊ា​ន់ ភេទ​ស្រី អាយុ៥៦​ឆ្នាំ ជនជាតិខ្មែរ មាន​ទីលំនៅ​ភូមិ​កំពង់​សំបួរ​ក្រោម ឃុំ​ព្រែក​ថ្មី ស្រុក​កោះធំ ខេត្តកណ្ដាល ​មុខរបរ កសិករ​(​ចាប់​ឃាត់ខ្លួន​), ៥-​ឈ្មោះ ជូ ជឹ​ង ភេទ​ស្រី អាយុ៥៧​ឆ្នាំ ជនជាតិខ្មែរ មាន​ទីលំនៅ​ភូមិ​ជ្រុង​រមាស ឃុំ​កំពង់​កុង ស្រុក​កោះធំ ខេត្តកណ្ដាល​ មុខរបរ កសិករ (​ចាប់​ឃាត់ខ្លួន​)​ និង​៦-​ឈ្មោះ ពា ច្រិច ភេទ​ស្រី អាយុ៤៥​ឆ្នាំ ជនជាតិខ្មែរ មាន​ទីលំនៅ​ភូមិ​កំពង់​សំបួរ​លើ ឃុំ​ព្រែក​ថ្មី ស្រុក​កោះធំ ខេត្តកណ្ដាល មុខរបរ លក់ដូរ (​ចាប់​ឃាត់ខ្លួន​)។​

    ប្រតិបត្តិការ​នេះ ប៉ូលិស​ដកហូត​វត្ថុ​តាង ១-​សន្លឹក​បៀរ​ចំនួន ៥២ សន្លឹក, ២-​ប្រាក់រៀល​ចំនួន ១០,០០០៛,​ ៣-​កម្រាល​ក្រាល​លេងបៀរ​ចំនួន ០១ និង​៤-​កំប៉ុង​ដែក​សម្រាប់​ដាក់​លុយ​ចំនួន ០១​។​

    ប៉ូលិស​បន្តថា កាលពី​ពេលវេលា​កើតហេតុ​ខាងលើ ប៉ូលិស​ជំនាញ ស្រុក​កោះធំ បាន​ចល័ត​ល្បាត​ក្នុងភូមិ​សាស្ត្រ​ខ្លួន​គ្រប់គ្រង។ 
ពេលនោះ​បានទទួល​ព័ត៌មាន​ពី​មហាជន​ល្អ​ថា មានការ​លេងល្បែង​ស៊ីសង​ខុសច្បាប់ (​បៀរ​)​ នៅ​ចំណុច​ភូមិ​កំពង់​សំបួរ​ក្រោម ឃុំ​ព្រែក​ថ្មី ស្រុក​កោះធំ ខេត្តកណ្ដាល។​

    ក្រោយពី​ទទួលបាន​ព័ត៌មាន​ភ្លាម​កម្លាំង​ជំនាញ​បាន​ស្រាវជ្រាវ​រហូតដល់​ចំណុចកើតហេតុ​ខាងលើ ហើយ​បាន​ជួប​មុខសញ្ញា​សង្ស័យ០៦​នាក់ ដូច​បាន​ចាប់​ឃាត់ខ្លួន​ខាងលើ ស្ថិតនៅ​ក្នុងផ្ទះ​របស់​ឈ្មោះ ជ ហួយ កំពុង​នាំគ្នា​លេងល្បែង​ស៊ីសង​(​បៀរ​)​និង​យក​តុង​បៀរ។​

    ប៉ូលិស​បាន​ឃាត់ខ្លួន​ជនសង្ស័យ​ទាំង ០៦​នាក់​ខាងលើ ព្រមទាំង​វត្ថុតាង​នៅក្នុង​វង់ល្បែង មាន​ប្រាក់រៀល និង​សន្លឹក​បៀរ មួយចំនួន បញ្ជូន​មកកាន់​អធិការដ្ឋាន​ដើម្បី​ធ្វើការ​សាកសួរ​ចាត់ការ​តាម​នីតិវិធី ។​

    យោងតាម​ចម្លើយសារភាព​របស់​ឈ្មោះ ជ ហួយ បាន​ឆ្លើយ​សារភាពថា រូប​ខ្លួន​ពិតជា​បានផ្តល់​ទីតាំង​ផ្ទះ​របស់ខ្លួន​ឱ្យ​គេ​លេងល្បែង​ស៊ីសង​(​បៀរ​) ដើម្បី​យក​តុង​ប្រាកដ​មែន​។​

    បច្ចុប្បន្ន​ជនសង្ស័យ​ទាំង ០៦ ​នាក់ រួម​និង​វត្ថុតាង​ដូច​បាន​ចាប់យក​ខាងលើ ត្រូវបញ្ជូន​មកកាន់​អធិការដ្ឋាន​ប៉ូលិស​ស្រុក​កោះធំ ដើម្បី​កសាង​សំណុំរឿង​ចាត់​តាម​នីតិវិធី។​

    ២-​ករណី​បង្ក្រាប​ល្បែង​ស៊ី​សង​ខុសច្បាប់ ( កន្ទុយលេខ​)​ នឹង​បៀរ​។​

    នៅ​ថ្ងៃទី៣ ខែវិច្ឆិកា ឆ្នាំ២០១៦ វេលា​ម៉ោង​២ ​និង​៣០​នាទី​រសៀល​ប៉ូលិស​បាន​បង្ក្រាប​ល្បែង​កន្ទុយលេខ ​និង​បៀរ​មួយ​វង់​ទៀត​ឃាត់ខ្លួន​ស្ត្រី​៣​នាក់។​

    ប៉ូលិស​និយាយថា ជនសង្ស័យ​រួមមាន​១.​ឈ្មោះ ខៀវ សារី  ភេទស្រី អាយុ៣៤ឆ្នាំ   កត់​កន្ទុយលេខ​នៅ​កន្លែង​លេង បៀរ រស់នៅ ភូមិ ព្រែក តា​ហ៊ី​ង ឃុំព្រែក​ថ្មី ស្រុក​កោះធំ ខេត្តកណ្តាល (​មុខរបរ​កត់​កន្ទុយ​លេខ​)២.ឈ្មោះ ​ស៊ា គីម ភេទស្រី អាយុ ៥៥ ឆ្នាំ មុខរបរ​(​កសិករ​)​​ និង​៣.​ឈ្មោះ ម៉ា​រិ​ន  ដា​ស៊ី ភេទស្រី អាយុ៣៥ឆ្នាំ មុខរបរ (​កសិករ​) អ្នក​ទាំងបី​រស់នៅ​ភូមិ ព្រែក តា​ហ៊ី​ង ឃុំព្រែក​ថ្មី ស្រុក​កោះធំ ខេត្តកណ្តាល​។​

    ប៉ូលិស​បន្តថា នៅ​ថ្ងៃទី០៣ ខែ វិច្ឆិកា​ ឆ្នាំ២០១៦ វេលា​ម៉ោង​២​ និង​៣០​នាទី រសៀល​កម្លាំង​ប៉ូលិស​ស្រុក​កោះ បាន​ធ្វើ​ការចុះ​បង្ក្រាប​ល្បែង​ស៊ី​សង​ខុសច្បាប់ នៅ​ចំណុច ផ្ទះ​ឈ្មោះ យាយ សុក ស្ថិតនៅ​ភូមិ ព្រែក តាហ៊ី​ង ស្រុក​កោះធំ  ខេត្តកណ្តាល​ ដោយ​ធ្វើ​ការឃាត់ខ្លួន​មនុស្ស​បីនាក់ នៅ កន្លែង​តែមួយ រួមទាំង​វត្ថុតាង​បៀរ ក្រដាស​កត់​លេខ ប្រាក់រៀល​មួយចំនួន យកមក​សាកសួរ​នៅ​អធិការដ្ឋាន​ស្រុក ដើ​ម្បី​កសាង​សុំ​រឿង​តាម​និតិ​វិធី បញ្ជូនទៅ តុលាការ​៕

adverise with khmeread

មតិយោបល់