adverise with khmeread Unnamed %2810%29

រថយន្ត​ក្រឡុក​ស៊ី​ម៉​ង់​ត៍​ចុះ​ពី​ស្ពាន​ព្រះមុនីវង្ស​ដាច់​ហ្វ្រាំង​ជ្រុល​បុក​ខឿន​ជាប់​ទៅមុខ​លែងរួច (​មាន​វីដេអូ​)

    ភ្នំពេញ ៖ រថយន្ត​ក្រឡុក​​ស៊ី​ម៉​ង​មួយគ្រឿង​ បាន​បើក​ចុះ​ពីលើ​ស្ពាន​ព្រះមុនីវង្ស​ថ្មី​ហើយ​ដាច់​ហ្វ្រាំង​ជ្រុល​ទៅបុក​របាំង​ថ្ម​សួនច្បារ​បណ្តាលឱ្យ​ជាប់​​ខឿន​ស្ពាន​ទៅមុខ​លែងរួច កាលពី​វេលា​ម៉ោង​៩​យប់ ថ្ងៃទី​៣ ​ខែវិច្ឆិកា ឆ្នាំ​២០១៦ នៅ​ចំណុច​គល់ស្ពាន​ព្រះមុនីវង្ស​ខាងកើត ស្តិ​ត​ក្នុង​សង្កាត់​ច្បារអំពៅ ខណ្ឌ​ច្បារអំពៅ​។​

    តាម​សាក្សី​នៅ​កន្លែងកើតហេតុ​បានឱ្យដឹងថា ដំបូង​គេ​បានឃើញ​រថយន្ត​ក្រឡុក​ស៊ីម៉​ង់​ត៍​មួយគ្រឿង ពណ៌​ស​ឆ្នូត​ខៀវ ពាក់​ស្លាក​លេខ​ភ្នំពេញ​5A-1473 ធ្វើដំណើរ​ចុះ​ពី​ស្ពាន​ព្រះមុនីវង្ស​ថ្មី​ទៅ​ត្រើយ​ខាងកើត​។​

    ខណៈ​មកដល់​គល់ស្ពាន​ក៏បាន​បួង​ចង្កូត​មក​ឆ្វេង​បំណង​ឡើងទៅ​ស្ពាន​ច្បារអំពៅ​ចាស់​វិញ​ក៏ដាច់​ហ្វ្រាំង​​ជ្រុល​ចង្កូត​ទៅបុក​របាំង​ថ្ម​ឡើង​​​ខឿន​ស្ពាន​​ទៅមុខ​លែងរួច​តែ​សំណាងល្អ​មិន​បង្ក​គ្រោះថ្នាក់​ដល់​មនុស្ស​នោះទេ​។​

    ក្រោយពេល​កើតហេតុ​សមត្ថកិច្ច​មូល​ដ្ឋា​ន​បាន​ចុះ​មកដល់​ចំណុចកើតហេតុ​ និង​ធ្វើការ​វាស់វែង​យក​រថយន្ត​បង្ក​ទៅ​រក្សាទុក​នៅ​អធិការដ្ឋាន​ប៉ូលិស​ខណ្ឌ​ច្បារអំពៅ​រង់ចាំ​ដោះស្រាយ​ពេល​ក្រោយ​។​

    សមត្ថកិច្ច​បានបញ្ជាក់​ថា​ទីតាំង​ខាងលើ​មាន​គ្រោះថ្នាក់​ជា​ញឹកញាប់​ដោយសារតែ​រថយន្ត​ដែល​បើក​ចុះ​ពីលើ​ស្ពាន​មក​ដាច់​ហ្វ្រាំង ដូចនេះ​សូម​បងប្អូន​មេត្តា​ប្រុងប្រយ័ត្ន​ផង​៕

 

adverise with khmeread

មតិយោបល់