adverise with khmeread Pitt

ប៊្រែដ ភីត ស្វះស្វែងរកសិទ្ធិធ្វើជាអាណាព្យាបាលរួមលើកូនទាំង៦នាក់

          ទីបំផុតតារាភាព​យន្ត Brad Pitt បា​នឆ្លើយ​តបនឹង​បណ្តឹងលែង​លះ​របស់​តារាស្រី Angelina Jolie ហើយ។ ហើយតារាភាព​យន្តហូលីវូដ​វ័យ​​៥២​ឆ្នាំ​រូបនេះ​កំពុង​ស្វះស្វែង​រក​សិទ្ធិ​គ្រប់គ្រងទាំងផ្លូវកាយ​និង​ផ្លូវច្បាប់​លើ​កូន​ៗ​របស់ខ្លួន មាន Maddox អាយុ​១៥​ឆ្នាំ Pax អាយុ​១២ Zahara អាយុ​១១​ឆ្នាំ Shiloh អាយុ​១០​ឆ្នាំ  និងកូនភ្លោះ Knox អាយុ​៨​ឆ្នាំ​។

          ភីត បាន​លើក​ឡើង​ពី​ការ​ខ្វែង​គំនិតគ្នា​ដែល​មិន​អាច​ផ្សះផ្សា​បាន​។

          អែនជេលីណា បានស្នើ​សុំសិទ្ធិ​គ្រប់គ្រង​ពេញលេញ​លើ​កូន​ទាំង​៦​នាក់នៅ​ក្នុង​បណ្តឹងលែង​លះ​របស់នាង។

          កន្លងមកមាន​សេចក្តី​រាយការណ៍​ថា អ្នកទាំងពីរ​បាន​យល់​ព្រម​គម្រោង​អា​ណាព្យាបាល​ មុន​ពេល​មាន​កា​រសម្រេចលើសិទ្ធិ​ធ្វើ​ជា​អាណាព្យាបាល​អចិន្ត្រៃយ៍​ ដោយ​ផ្តល់​សិទ្ធិ​គ្រប់គ្រងផ្លូវ​កាយ​បណ្តោះអាសន្ន​ដល់​ អែនជេលីណា លើកូនៗ​ ចំណែក​ ប៊្រែដ ភីត ត្រូវ​បាន​អនុញ្ញាត​ឲ្យ​សួរសុខទុក្ខ​កូន​ៗ​ដោយ​មាន​ការ​ត្រួត​ពិនិត្យ​ពី​គ្រូពេទ្យ​ម្នាក់។

          ការឆ្លើយ​តបរបស់ ភីត ធ្វើ​ឡើង​ បន្ទាប់ពី​ FBI ចាប់ផ្តើម​សួរនាំ​ អែន​ជេលី ណា អស់រយៈ​ពេល​បួន​ម៉ោង​ជុំវិញ​ឧប្បត្តិហេតុ​នៅលើ​យន្តហោះឯក​ជនរបស់​ពួកគេ​។

          តាម​ចោទថា ភីត បាន​ប្រើ​ប្រាស់ពាក្យ​សម្តីនិង​ការ​បំពាន​លើ​រាងកាយ​លើ​កូន​ប្រុស​ Maddox អាយុ​១៥​ឆ្នាំ ខណៈ​ពេល​លោកស្រវឹង​ស្រា​ អំឡុង​ពេល​ធ្វើ​ដំណើរ​តាមយន្ត​ហោះកាល​ពី​ថ្ងៃទី​១៤​ខែ​កញ្ញា ហើយ​ អែនជេលីណា បាន​ដាក់​ពាក្យ​លែង​លះ​នៅប៉ុន្មាន​ថ្ងៃក្រោយមក។

          បន្ទាប់ពី​ប្រភព​អនាមិក​រាយការណ៍​អំពីឧប្បត្តិហេតុនេះ FBI ចាប់ផ្តើម​ពាក់​ព័ន្ធ​ដោយសារពួកគេ​មាន​យុត្តាធិការពីព្រោះ​ហេតុការណ៍​កើតឡើងលើ​អាកាស ។ ប្រភព​មួយបាន​និយាយថា “ភ្នាក់ងារ FBI ចង់​វែកញែក​ឲ្យ​បាន​ច្បាស់​នូវ​រឿង​រ៉ាវដែលកើតឡើង​តាំងពី​ពេល​យន្ត​ហោះចេញដំណើរ​និង​ពេល​យន្ត​ហោះ​ចុះ ចត។ ហើយ​ អែនជេលីណា ពិត​ជាសហការណ៍​យ៉ាងពេញលេញ”៕

adverise with khmeread

អ្នកនឹងចូលចិត្ត

មតិយោបល់