adverise with khmeread Image1

ភ្លៀង​មួយ​មេ លាយឡំ​ជាមួយ​ខ្យល់​កន្ត្រាក់ បាន​វាយប្រហារ​ផ្ទះ​ពលរដ្ឋ​១​ខ្នង​រលំ​សង្កត់​របួសធ្ងន់​-​ស្រាល​៨​នាក់ នៅ​ស្រុក​ស្អាង

    កណ្តាល ៖ ខ្យល់​កន្ត្រាក់ និង​ភ្លៀង​មួយ​មេ នា​រំលងអធ្រាត្រ​នៅ​ឃុំ​ស្វាយ​រលំ បណ្តាលឱ្យ​រលំ​ផ្ទះមួយ​ខ្នង ស​ង្កត់មនុស្ស របួសធ្ងន់ និង​ស្រាល ០៨​នាក់​។​

    គ្រោះថ្នាក់​ធម្មជាតិ​នេះ​កើតឡើង​នា​ថ្ងៃទី​៦ ខែវិច្ឆិកា ឆ្នាំ​២០១៦ វេលា​ម៉ោង២ ​និង​២០​នាទី​រំលង​អា​ធ្រា​ត្រ​នៅ​ចំណុច​ភូមិ​លេខ​៥ ឃុំ​ស្វាយ​រលំ ស្រុក​ស្អាង ខេត្តកណ្ដាល​។​

    ប៉ូលិស​និយាយថា គ្រោះថ្នាក់​នេះ​បណ្ដាលឱ្យ​រលំ​ផ្ទះ​០១​ខ្នង ទំហំ​៧ គុណ​៩ ម៉ែត្រ ធ្វើ​អំពី​ឈើ ប្រក់​ក្បឿង មាន​ម្ចាស់ផ្ទះ​ឈ្មោះ អិ​ច អឿន ភេទ​ប្រុស អាយុ៧៨​ឆ្នាំ និង ប្រពន្ធ​ឈ្មោះ មា​ច អុស ភេទ​ស្រី អាយុ៧៦​ឆ្នាំ និង​មាន​សមាជិក​ស្នាក់នៅ​ចំនួន១១​នាក់ ប្រុស០៤​នាក់ ក្នុងនោះ​ក៏​បណ្តាលឱ្យ​សង្កត់​មនុស្ស របួសធ្ងន់ ០២​នាក់​ស្រី និង​របួសស្រាល ០៥​នាក់ (ស្រី​០២​នាក់)។​

    ក្នុង​ហេតុ​ការ​ខាងលើ ក៏មាន​ការជួយ​សង្គ្រោះ​ពី​សំណាក់​បងប្អូន​ប្រជាពលរដ្ឋ​រស់នៅ​ជិតខាង​គ្នា​និង សមត្ថកិច្ច​ប៉ុស្ដិ៍​រដ្ឋបាល​ស្វាយ​រលំ ធ្វើការ​ជួយសង្គ្រោះ​ជនរងគ្រោះ និង​បាន​បញ្ជូន​ជនរងគ្រោះ​ចំនួន​២​នាក់ ដែល​របួសធ្ងន់ ទៅ​ព្យាបាល​នៅ​មន្ទីរពេទ្យ​ជ័យជំនះ ខេត្តកណ្ដាល​បាន​ទាន់ពេលវេលា​៕

adverise with khmeread

មតិយោបល់