adverise with khmeread 1

ចាប់​ផ្សឹក​សង្ឃ​មួយអង្គ​ចាត់ការ​តាមច្បាប់​,​ បន្ទាប់ពី​ប្រើ​ហិង្សា​កាប់​សង្ឃ​​មួយអង្គទៀតរបួសធ្ងន់​

    កំពង់ធំ ៖ សង្ឃ​ដៃដល់​មួយអង្គ​ត្រូវបាន​ចាប់​ផ្សឹក​ចាត់ការ​តាមច្បាប់​បន្ទាប់ពី​ប្រើ​ហិង្សា​យក​កាំបិត​កាប់​លើស​ង្ឃ​មួយអង្គ​របួស​ធ្ងន់ធ្ងរ​កាលពី​ថ្ងៃទី៦ ​វិច្ឆិកា​នេះ វេលា​ម៉ោង​១១ ​និង៣០​នាទី​នៅក្នុង​បរិវេណ​វត្ត​ចំណាក់ ស្ថិត​ក្នុងភូមិ​ចំណាក់ ឃុំ ចំណា​ក្រោម ស្រុក​ស្ទោង ខេត្តកំពង់ធំ។​

    ប៉ូលិស​និយាយថា អំពើហិង្សា​ដោយ​ចេតនា​បង្កឡើង​ដោយ​ព្រះសង្ឃ​នាម រិ​ន វុ​ធ​ទី អាយុ​១៨​វស្សា បច្ចុប្បន្ន​គង់​ក្នុង​វត្ត​កើតហេតុ​ និង​មាន​ទីលំនៅៗ​ភូមិ​ក្រោម​ផ្តិល ឃុំ​ប្រឡាយ មាស ស្រុក​កំពង់លែង ខេត្តកំពង់ឆ្នាំង បាន​យក​កាំបិត​កាប់​លើ​ព្រះសង្ឃ​នាម ឌុ​ច សុ​ហេង  អាយុ១៧​វស្សា បច្ចុប្បន្ន​គង់នៅ​វត្ត​កើតហេតុ និង​មាន​ទីលំនៅៗ​ភូមិ​សាន​គរ​(​ខ​) ឃុំសាន​គរ ស្រុក​កំពង់ស្វាយ ខេត្តកំពង់ធំ។​

    ប៉ូលិស​បន្តថា មូលហេតុ​ទំនាស់​ពាក្យសំដី​គ្នា និង​មានទំនាស់​គ្នា​ជា​ញឹកញាប់​កន្លងមក​ផង។ ​ក្រោយ​កើតហេតុ​សមត្ថកិច្ច​បាន​ទំនាក់ទំនង​ចៅអធិការ​វត្ត និង​ខាង​ធម្មការ​ផ្សឹក ហើយ​ធ្វើការ​ឃាត់ខ្លួន​សង្ឃ​ល្មើស កសាង​សំណុំរឿង​បញ្ជូនទៅ​តុលាការ​តាម​នីតិវិធី។ ​ចំណែក​សង្ឃ​រងគ្រោះ​បញ្ជូនទៅ​មន្ទីរពេទ្យ​សង្គ្រោះបន្ទាន់៕

adverise with khmeread

មតិយោបល់