adverise with khmeread Untitled 1

ឃាត់​ជនជាតិ​យួន ​២៩ ​នាក់​សង្ស័យ​ឆ្លងដែន​ចូល​ស្រុក​ខ្មែរ​ខុសច្បាប់​នៅបាត់ដំបង

    បាត់ដំបង ៖ ជនជាតិ​យួន​២៩​នាក់​ត្រូវបាន​ប៉ូលិស​អគ្គនាយកដ្ឋាន​អន្តោប្រវេសន៍​បាន​ចុះ​ពិនិត្យ​និង​ឃាត់ខ្លួន​ដែល​ជ្រកកោន​តាម​រោង​សិប្បកម្ម​នានា​ក្នុង​ខេត្តបាត់ដំបង​នៅ​ព្រឹក​ថ្ងៃទី​០៧ ខែ​វិ​ច្ឆិកា ឆ្នាំ​២០១៦​នេះ សង្ស័យ​ឆ្លងដែន​ចូល​ស្រុក​ខ្មែរ​ខុសច្បាប់។​

    លោក ឧ​ត្ត​ម​សេនីយ៍​ឯក ឃុន សំបូរ អគ្គនាយករង​នៃ​អគ្គនាយកដ្ឋាន​អន្តោប្រវេសន៍​បានឱ្យដឹងថា មាន​ជនជាតិ​យួន​ដែល​លួច​ឆ្លងដែន​ខុសច្បាប់​ជាច្រើន​នាក់មក​រស់នៅ​តាម​គោលដៅ​ធ្វើ​សិប្បកម្ម​ធំៗ​ក្នុង​ទីក្រុង​ភ្នំពេញ ហើយ​ថ្មីៗ​នេះ​អ្នក​ទាំង​នោះបាន​ច្រាល​ពី​ភ្នំពេញ​យ៉ាងច្រើន​ចូលមក​កាន់​បណ្តា​រោង​សិប្បកម្ម​នានា​ក្នុង​ខេត្តបាត់ដំបង​។​

    លោក​​ ឃុន សំបូរ ​បន្តថា ប្រតិបត្តិ​ការចុះពិនិត្យ​និង​ឃាត់ខ្លួន​ជនជាតិ​យួន​គ្មាន​លិខិតស្នាម​បញ្ជាក់​ពី​អត្តសញ្ញាណ​គ្រប់គ្រាន់​នេះ​ត្រូវ​បន្តធ្វើ​នៅ​ទូទាំង​ខេត្តបាត់ដំបង​តែម្តង។ ​ជាក់ស្តែង​ពេលនេះ​កម្លាំង​ជំនាញ​បាន​បើក​ប្រតិបត្តិ​ការចុះ​ឃាត់ខ្លួន​ជនជាតិ​យួន​លើ​៣​គោលដៅ​ធំៗ​ជា​ជំហាន​ដំបូង ក្នុងនោះ​មាន​ភូមិសាស្ត្រ​ភូមិ​ចិន​២​កន្លែង ភូមិ​វត្ត​រំដួល​២​កន្លែង ភូមិ​ពោធិ​វង្ស​១​កន្លែង ​និង​ភូមិ​រំចេក​១ ចំនួន​៣​កន្លែង​ក្នុង​ក្រុង​បាត់ដំបង សរុប​ទាំងអស់​ចំនួន​២៩​នាក់ ក្នុងនោះ​មាន​ស្រី​ចំនួន​៥​ផងដែរ​។​

    ជនជាតិ​យួន​ដែល​បាន​ឃាត់ខ្លួន​ខាងលើ​កម្លាំង​ជំនាញ​កំពុង​សាកសួរ​អត្តសញ្ញាណ បើ​ជនណាម្នាក់​មិនមាន​ឯកសារ​ត្រឹមត្រូវ​ស្របច្បាប់​ត្រូវ​កសាង​សំណុំរឿង​បញ្ជូន​ទៅកាន់​ស្រុកកំណើត​វិញ។ ​រីឯ​ជន​ដែលមាន​ឯកសារ​គ្រប់គ្រាន់​ក្នុង​ការរស់នៅ​ត្រូវឱ្យ​វិលត្រឡប់​ទៅកាន់​លំនៅដ្ឋាន​រៀងៗ​ខ្លួន​វិញ​ដែរ​៕

adverise with khmeread

មតិយោបល់