adverise with khmeread 1

ប្រិយមិត្តកាំភ្លើងធំហោះហើរពេញវេហា ក្រោយ Bellerin យល់ព្រមបន្តកុងត្រារយៈពេលវែងជាមួយ Arsenal

    ​Hector Bellerin បាន​យល់ព្រម​ចុះហត្ថលេខា​នៅលើ​កុងត្រា​រយៈពេល​វែង​ថ្មី​មួយ​នៅឯ​កាំភ្លើង​ធំ Arsenal ។​

​    ​វា​គឺជា​ការជំរុញ​ទឹកចិត្ត​ដ៏​ធំ​មួយ​សម្រាប់ Arsenal ខណៈដែល​ពួកគេ​កំពុង​ស្ទុះស្ទា​ក្នុងការ​ទប់ស្កាត់​ចំណាប់អារម្មណ៍​ពី Barcelona និង Manchester City ដើម្បី​រក្សា​តារាបាល់ទាត់​វ័យ ២១​ឆ្នាំ​របស់​ពួកគេ​។​

​    ​ភ្នាក់ងារ​របស់ Bellerin លោក Albert Botines បាន​និយាយថា "​យើង​កំពុង​ពិភាក្សាគ្នា ហើយ​បច្ចុប្បន្ន​កាន់តែ​កៀក​សម្រេច​កិច្ចព្រមព្រៀង​ជាង​អ្វីដែល​យើង​បានធ្វើ​កាលពី​ពីរ​សប្តាហ៍​មុន​ទៅទៀត​។ ក្នុងស្ថានភាព​បែបនេះ គាត់​នឹង​ចុះហត្ថលេខា​។ Hector ពិតជា​រីករាយ​នៅឯ Arsenal ។ រឿងនេះ​នឹង​ក្លាយទៅជា​លើក​ទី​បួន ដែល​គាត់​បាន​ចុះហត្ថលេខា​នៅលើ​កុងត្រា​ថ្មី​នៅឯ​ក្លឹប ហើយ​វា​ពិតជា​ច្បាស់​ណាស់​ដែល​គាត់​នឹង​បង្កើតឱ្យមាន​ការរីកចម្រើន​យ៉ាង​ល្អ​"៕

adverise with khmeread
ប្រភព៖ Mirror

មតិយោបល់