ក្រុមតោខៀវជឿជាក់ខ្ពស់ថានឹងអាចយកលោក Diego Simeone មកដឹកនាំបានក្រោយពីក្រុម Atl. Madrid រងការពិន័យ

មហាសេដ្ឋីរុស្ស៉ីលោក Roman Abramovic ជឿជាក់ថា ឱកាសរបស់ Chelsea ក្នុងនាំយកលោក Diego Simeone មកកាន់ទឹកដីខ្លួនកាន់តែមានសង្ឃឹមខ្ពស់ឡើងហើយ បន្ទាប់ពីក្រុម Atletico Madrid ត្រូវបានផ្អាកមិនឲ្យឈានជើងចូលទៅកាន់ទីផ្សារដោះដូរចំនួនពីរលើកនៅពេលខាងមុខ ខណៈដែលក្រុមមួយនេះនិងអធិរាជស Real Madrid បានរងការពិន័យដូចគ្នាពីសហព័ន្ធបាល់ទាត់ពិភពលោក FIFA ។

ហេតុការណ៍នេះហាក់បីដូចជាបានហ៊ុចឱកាសឲ្យអ្នកចាត់ការទូទៅក្រុម Atletico លោក Diego Simeone អាចផ្លាស់ទៅកាន់លីកកំពូលអង់គ្លេស Premier League បាននារដូវក្តៅខាងមុខនេះ។

លោក Diego Simeone គឺជាជម្រើសទីមួយរបស់ក្រុម Chelsea ដែលពួកគេបានសម្លឹងមើលនារដូវក្តៅខាងមុខ ស្របពេលដែលលេចឮដំណឹងថាលោក Pep Guardiola នឹងត្រៀមផ្លាស់មកកាន់ក្រុម Manchester City ផងដែរនោះ៕

adverise with khmeread
ប្រភព៖ មៀររឺ
tiger
Loading ad ...