adverise with khmeread 1

សងសឹក​! ​យក​ឈើ​ ៤​ ជ្រុង​សំពង​ក្បាល​របួស​២​កន្លែង​

    កណ្តាល ៖ មាន​ករណី​អំពើហិង្សា​ដោយ​ចេតនា​កើតឡើង​នៅ​ថ្ងៃទី​០៩ ​វិច្ឆិកា ២០១៦ ​វេលា​ម៉ោង​៤ ​និង​៣០​នាទី​ល្ងាច​នៅ​ចំណុច​ភូមិ​ឫស្សីស្រុក​២  ឃុំ​ឈើទាល​ស្រុក​កៀនស្វាយ ខេត្តកណ្ដាល ត្រូវបាន​ប៉ូលិស​ស្រាវជ្រាវ​ចាប់​ជនដៃដល់​បាន​ម្នាក់​។

    ប៉ូលិស​និយាយថា ជនរងគ្រោះ​ឈ្មោះ សុខ សៅ ​ហៅខ្ច​ង​ ភេទ​ប្រុស​ អាយុ​២៣​ឆ្នាំ ជនជាតិខ្មែរ ​មុខរបរ​កសិករ មាន​ទីលំនៅ​ភូមិ​-​ឃុំ​កើតហេតុ​ខាងលើ​មាន​របួសស្នាម​ចំ​ថ្ងាស​ក្បាល​ខាងស្ដាំ​ប្រវែង ​២,៥ ​ស​.​ម ដេរ​ចំនួន​០៤​ថ្នេរ មុត​លើ​ស្បែកក្បាល​ចេញឈាម​ប្រវែង ៦ ស​.​ម   និង​ហើម​ពក​០១ កន្លែង ។​

    ចំណែក​ជនល្មើស​ឈ្មោះ កិ ផាន់​ណេ​ត ហៅ ក្រិ​ម ​ភេទ​ប្រុស​ អាយុ២៥​ឆ្នាំ​ ជនជាតិខ្មែរ​មុខរបរ កសិករ មាន​ទីលំនៅ​ភូមិ​-​ឃុំ​កើតហេតុ​ខាងលើ។

    ប៉ូលិស​បន្តថា កន្លងមក​ជនរងគ្រោះ​ធ្លាប់​វាយ​ជនល្មើស​ឱ្យមាន​របួសស្នាម​ម្ដង​រួចហើយ​តែ​មិនបាន​ប្ដឹង​សមត្ថកិច្ច​ទេ។ ​លុះដល់​ថ្ងៃខែ​ឆ្នាំ​និង​ពេល​ម៉ោង​កើតហេតុ​ខាងលើ​ជនរងគ្រោះ​កំពុង​អង្គុយ​នៅលើ​គ្រែ​មុខផ្ទះ​ឈ្មោះ ​ពៅ ​ភេទ​ប្រុស​ អាយុ​៥៦​ឆ្នាំ ​(​កន្លែង​កើត​ហេតុ​)​។​

    ពេលនោះ​ស្រាប់តែ​ជនល្មើស​បាន​យក​ដំបង​បួន​ជ្រុង​លប​វាយ​ជនរងគ្រោះ​ពីក្រោយ​ខ្នង​ចំនួន​០៣​ ដំបង​បណ្ដាលឱ្យ​របួសស្នាម​ដូច​បាន​រាបរាប់​ខាងលើ ហើយ​រត់គេចខ្លួន​បាត់​ដោយ​យក​វ​ត្តុ​តាង​ទៅជា​មួយ​ផង​។​

    ករណីនេះ សមត្ថកិច្ច​ប៉ុស្តិ៍​ឈើទាល បាន​ស្វែងរក​ចាប់ ខ្លួន​ជនល្មើស​និង​កសាង​សំណុំរឿង​ទៅតាម​នីតិវិធី៕

adverise with khmeread

មតិយោបល់