adverise with khmeread Nices italian forward mario balotelli c

ឌឺ​មួយ​ដើម្បី​បន្ធូរ​អារម្មណ៍​! Mario Balotelli និយាយថា អ្នកគាំទ្រ Nice បង្កើត​បរិយាកាស​ល្អប្រសើរ​ជាង​ប្រិយមិត្ត​របស់ Liverpool

    ​Mario Balotelli បានបង្ហាញ​គោលបំណង​ឌឺដង​បញ្ឈឺ​ទៅលើ​ប្រិយមិត្ត​របស់​អតីត​ក្រុម​ចាស់​ហង្ស​ក្រហម Liverpool របស់ខ្លួន ដោយ​អះអាងថា ក្រុម​អ្នកគាំទ្រ​របស់ Nice បាន​បង្កើត​បរិយាកាស​ល្អប្រសើរ​ជាង​ពួកគេ​។​

​    ​តារាបាល់ទាត់​សញ្ជាតិ​អ៊ីតាលី​រូបនេះ បាន​ចាក​ចេញពី​ទឹកដី Anfield ក្នុង​ទីផ្សារ​រដូវក្តៅ​ដើមរដូវ​កាល​នេះ​ទៅកាន់​ក្លឹប​បារាំង Nice ដែល​បច្ចុប្បន្ន​មាន​បី​ពិន្ទុ​ដាច់​គេ​លើ​កំពូល​តារាង​លី​ក​កំពូល​បារាំង Ligue 1​។​

​    ​Balotelli បានក្លាយ​ទៅជា​តួអង្គ​សំខាន់​មួយ​ក្នុង​ភាពជោគជ័យ​គួរឱ្យកត់សម្គាល់​របស់ Nice នា​ដើមរដូវ​កាល​នេះ ជាមួយនឹង​គ្រាប់​បាល់​ចំនួន​ប្រាំពីរ​គ្រាប់ បានមកពី​ការបង្ហាញ​ខ្លួន​ចំនួន​ប្រាំបួន​លើក​របស់គាត់​។​

​    ​ដោយ​ផ្ទុយទៅវិញ តារាបាល់ទាត់​វ័យ ២៦​ឆ្នាំ​រូបនេះ អាច​ស្វែងរក​គ្រាប់​បាល់​បានត្រឹមតែ​មួយ​គ្រាប់​ប៉ុណ្ណោះ​ក្នុង​លី​ក​កំពូល​អង់គ្លេស Premier League ពេញ​មួយ​រដូវ​កាល​របស់ខ្លួន​ជាមួយនឹង Liverpool ។​

​     ទោះបីជា​ទទួលបាន​កេរ្តិ៍ឈ្មោះ​អសោច​ស្ទើរ​ពេញ​មួយ​អាជីព​របស់គាត់​សម្រាប់​បញ្ហា​ដ៏​ស្មុ័​គ្រ​ស្មាញ​របស់ខ្លួន Balotelli ទីបំផុត​ហាក់ដូចជា​អាច​ដោះស្រាយ​រឿង​ទាំង​នោះបាន​ឡើងវិញ​នៅឯ Nice ហើយ​គាត់​ក៏​កំពុង​នឹង​ទទួលបាន​ភាពកក់ក្តៅ​ពី​ហ្វូង​អ្នកគាំទ្រ​របស់​ក្លឹប​មួយ​នេះ​ផងដែរ​។​

​    ​Balotelli បានបញ្ជាក់​ទៅកាន់​វេ​ប​សាយ Telefoot ថា "​និយាយ​ដោយស្មោះ ក្នុងចំណោម​ក្លឹប​ទាំងអស់​ដែល​ខ្ញុំ​ធ្លាប់​លេង​ឱ្យ អ្នកគាំទ្រ​ទាំងនេះ (Nice) បាន​បង្កើត​បរិយាកាស​ដ៏​ល្អ​បំផុត​ដែល​ខ្ញុំ​ធ្លាប់​បានឃើញ​។ វា​គឺជា​រឿង​ដ៏​អស្ចារ្យ​។ ខ្ញុំ​ពិតជា​រីករាយ​ពេលដែល​មនុស្ស​ចូលចិត្ត​ខ្ញុំ​"៕

adverise with khmeread
ប្រភព៖ Mirror

មតិយោបល់