adverise with khmeread Unnamed

ក្រុម​ឪម៉ាល់ True Brand និង​ក្រុម​មហាមិត្ត​គ្រង​ជើងឯក​​ពានរង្វាន់ K11 Cup និង​ពានរង្វាន់​វ័យចាស់ K11

    ភ្នំពេញ ៖ ក្រុម​ឪម៉ាល់ True Brand និង​ក្រុម​មហាមិត្ត​បាន​គ្រង​តំណែង​ជើងឯក​រៀងៗ​ខ្លួន​ពានរង្វាន់​បាល់ទាត់​ក្នុង សាល​ពានរង្វាន់ K11 Cup Sport Club រដូវ​កាល​ទី​២ និង​ពានរង្វាន់​វ័យចាស់​លើក​ទី​១ បន្ទាប់ពី​បាន​យកឈ្នះ គូប្រកួត​រៀងៗ​ខ្លួន នៅ​វគ្គ​ផ្តាច់ព្រ័ត្រ កាលពី​ម្សិលមិញ ដោយ​ព្រឹត្តិការណ៍​នេះ ផ្ដួចផ្ដើម​គំនិត​ទីលាន K11 Sport Club ខណ្ឌមានជ័យ រាជធានី​ភ្នំពេញ​។​

    ចំពោះ​លទ្ធផល​ការប្រកួត​វគ្គ​ផ្ដាច់ព្រ័ត្រ​នៃ​ពានរង្វាន់​ទាំងពីរ​ព្រម​គ្នា​នោះ គឺ​ក្រុម​ឱ​ម៉ា​ល់ True Brand បាន យកឈ្នះ​ក្រុម Victory FC ដោយ​លទ្ធផល ៥​ទល់​៣ ដើម្បី​គ្រង​តំណែង​ជើងឯក​ពាន K11 Cup Sport Club រដូវ កាល​ទី​២​។ ដោយឡែក​ក្រុម​មហាមិត្ត FC ដែល​សំបូរ​ទៅដោយ​អតីត​កីឡាករ​ជើងចាស់​នោះបាន​យកឈ្នះ​ក្រុម True Vision ដោយ​លទ្ធផល ៦​ទល់​១ ដើម្បី​ឈ្នះ​ពានរង្វាន់​វ័យចាស់​លើកដំបូង​របស់ខ្លួន​។​

    រីឯ​ក្រុម​មហាមិត្ត ឈ្នះ​ក្រុម True Vision ក្នុង​លទ្ធផល ៥​ទល់​១ ហើយ​បាន​គ្រង​ម្ចាស់​ជើងឯក ពានរង្វាន់​វ័យចាស់​របស់​ទីលាន K11 Sport Club​។​

    លោក យ៉​ន់ សំអុន អ្នកគ្រប់គ្រង​ទីលាន K11 បាន​ថ្លែងថា ការប្រកួត​ពានរង្វាន់ K11 Cup Sport Club រដូវ​កាល​ទី​២ និង​ពានរង្វាន់​វ័យចាស់ លើក​ទី​១ ឆ្នាំ​២០១៦​នេះ គឺ​ទទួលបាន​លទ្ធផល​ល្អប្រសើរ​ច្រើន បើ​ធៀប នឹង​ឆ្នាំមុន ជាពិសេស​គឺ​ក្រុម​ចូលរួម​មានការ​កើនឡើង​ច្រើន​។ លោក​បានបង្ហាញ​ពី​ភាព​រីករាយ​ជាខ្លាំង ដែល ទីលាន​របស់លោក​បាន​បង្កើត​ព្រឹត្តិការណ៍​នេះ ដើម្បី​រួមចំណែក​លើកស្ទួយ​ដល់​វិស័យ​កីឡាបាល់ទាត់​កម្ពុជា ឲ្យ កាន់តែ​រីកចម្រើន​បន្ថែម​ទៀតផង​ដែរ​។​

    សូមបញ្ជាក់ថា ពិធី​បិទ​ការប្រកួត​នេះ​គឺ​ទទួលបាន​ការចូលរួម​ពី​លោក ពេជ្រ កែវ​មុន្នី អភិបាល ខណ្ឌមានជ័យ និង​តំណាង​ក្រុមហ៊ុន​ភេ​ជ្ជៈ Pepsi ដែល​ឧបត្ថម្ភ​ធំ​ដ៏​ព្រឹត្តិការណ៍​នេះ​។ ចំពោះ​ពានរង្វាន់ K11 Cup Sport Club ក្រុម​ជើងឯក ឪម៉ាល់ ទទួលបាន​ពានរង្វាន់​១ អមដោយ​ថវិកា ៤​លាន​រៀល​, លេខ​២ ក្រុម Victory ២​លាន​រៀល​, លេខ​៣ ក្រុម Baguette United ១​លាន​២០​ម៉ឺន​រៀល និង​លេខ​៤ ក្រុម CMS ៤០​ម៉ឺន​រៀល​។ 

    ចំណែក​ពានរង្វាន់​វ័យចាស់ ក្រុម​ជើងឯក​មហាមិត្ត ១​លាន​២០​ម៉ឺន​រៀល​, លេខ​២ ក្រុម True Vision ៨០​ម៉ឺន រៀល​, លេខ​៣ ក្រុម Daniel ៦០​ម៉ឺន​រៀល និង​លេខ​៤ ក្រុម CID ៤០​ម៉ឺន​រៀល​៕​

adverise with khmeread

មតិយោបល់