adverise with khmeread 1

​កូនប្រុស​របស់លោក Trump ក្លាយជា "​ឯកឧត្តម​កូន​" លើកទីមួយ​ក្នុងពេល ៥០ ឆ្នាំ ចាប់តាំងពី​សម័យ​លោក Kennedy ដែល​ស្លាប់​ដោយសារ​គេ​ធ្វើឃាត

​    ​ចំពោះ​ម្តាយ​របស់គាត់ គាត់​ជា Donald តូច​មួយ ជា​ក្មេងប្រុស​ម្នាក់​ដែល​ម្តាយ​ខ្លួន​ពណ៌នា​ថា ជា​ក្មេង​មាន​ស្មារតី​រឹងមាំ ជា​មនុស្ស​ពិសេស ឯករាជ្យ និង​មានគំនិត​យោបល់​ច្រើន ប៉ុន្តែ​សម្រាប់​សហរដ្ឋអាមេរិក គាត់​គឺជា "​ឯកឧត្តម​កូន​" ឬ "​ក្មេងប្រុស​ទីមួយ​" (First Boy) របស់​ប្រទេស​នេះ​ទាំងមូល​។ ប្រធានាធិបតី​ជំនាន់​មុនៗ​បានបង្ហាញ​តែ​កូនស្រី​ប៉ុណ្ណោះ​លើ​វេទិកា​ក្នុង​ថ្ងៃ​ឈ្នះឆ្នោត​។​

​    ​Barron Trump វ័យ ១០ ឆ្នាំ នឹង​ក្លាយជា "​ឯកឧត្តម​កូន​" ចាប់តាំងពី​សម័យ​លោក John F Kennedy ដែល​នឹង​មក​រស់នៅក្នុង​សេត​វិមាន​អាមេរិក​។ លោក John F Kennedy ត្រូវបាន​ឃាតករ​បាញ់សម្លាប់​នៅ​ទីក្រុង​ដា​ឡាស​នៅ​ថ្ងៃទី ២២ វិច្ឆិកា ឆ្នាំ ១៩៦៣​។ 

​    ​Barron រស់នៅក្នុង​អគារ Trump Tower កន្លែង​ដែល​រូបគេ​មាន​ជាន់​មួយ​ទាំងមូល​តែម្នាក់ឯង ដែល​នៅក្បែរ​យាយ​តា​របស់គេ​។ រូបគេ​និយាយ​ភាសា​ស្លូ​វ៉ា​នី​ជាមួយ​យាយ​តា​ខ្លួន និង​ម្តាយ​របស់ខ្លួន​គឺ​លោកស្រី Melania​។​

​    ​លោកស្រី Melania បាន​និយាយថា Barron ឈ្លក់​វង្វេង​ជាមួយ​កូនគោល និង​ឧទ្ធម្ភាគចក្រ ដោយសារតែ​រូបគេ​ឃើញ​ឪពុក​ខ្លួន​មាន​ឧទ្ធម្ភាគចក្រ​តម្លៃ ៧ លាន​ដុល្លារ ហើយ​លោកស្រី​បាន​ប្រាប់ទៀតថា គាត់ និង​កូន​តែង​លេង​ជាមួយគ្នា ហើយ Barron តែង​កសាង​ទីក្រុង និង​ព្រលានយន្តហោះ​ដោយ​ប្រើ​របស់​លេង​ក្មេង​។ លោកស្រី​ក៏​ភ្ញាក់ផ្អើល​ចំពោះ​កូន​ខ្លួន ដែល​កសាង​គម្រោង​ធំ​បែបនេះ​។​

​    ​បច្ចុប្បន្ន Barron រៀន​នៅ​សាលា Columbia Grammar and Preparatory School ក្នុង​តំបន់ Manhattan ប៉ុន្តែ​អាច​ក្លាយជា​សិស្ស​នៅ​សាលា Sidwell Friends ដែលជា​សាលា​បណ្តុះបណ្តាល​កូន​ប្រធានាធិបតី​អស់​រយៈពេល ៣៥ ឆ្នាំ​មកនេះ​៕

ប្រភព៖ បរទេស

adverise with khmeread

អ្នកនឹងចូលចិត្ត

មតិយោបល់